1.-Breve xustificación do mesmo
A referencia fundamental para que os centros desenvolvan o seu potencial dixital a través dun Plan é o Marco Europeo para Organizacións Educativas Dixitalmente Competente (DigCompOrg), desenvolto polo Centro Común de Investigación (JRC, Joint Research Centre), da Comisión Europea. Do mesmo xeito, a Comisión Europea desenvolve a ferramenta de auto avaliación SELFIE.
Como base legal para a elaboración do plan temos:
-A Lei Orgánica 2/ 2006 do 3 de maio de Educación [LOE], modificada pola Lei Orgánica 3/ 2020 do 29 de decembro [ LOMLOE] serve de base legal nos seus artigos: 2.I), 19, 102, 111 bis, 121, 111bis.5, e 132.
-A Resolución do 17 de xuño do 2021.
2.-Contextualización do Plan Dixital no centro.Contribución ao Proxecto Educativo do Centro.
O centro está emprazado no concello de Ourense. En canto as zonas de influencia os alumnos7as proceden a maioría do barrio, aínda que algúns deles desprázanse desde outras zonas da cidade. A procedencia do alumnado é da clase media, traballando a maioría das familias no comercio, na construción e os servizos. Nos últimos anos este barrio converteuse nun barrio cunha gran afluencia de familias estranxeiras nunha precaria situación económica, a maioría dependentes dos servizos sociais, este feito inflúe directamente no perfil do noso alumnado. Á alta porcentaxe de familias que teñen unha baixa competencia dixital agrávase, nalgúns casos, polas súas precarias condiciones socio-económicas, non dispoñendo de recursos e ferramentas TIC máis elementais (só dispoñen de móbil, carecendo de wifi). Hai unha porcentaxe de alumnado que non dispón de equipos adecuados para acceder a internet desde os seus fogares, sendo pouco valorado por parte das familias como un recurso educativo imprescindible máis. O profesorado e alumnado ten unha boa conectividade no centro tanto cos dispositivos do centro como cos propios. No centro existe unha adecuada infraestrutura tecnolóxica, conta cunha boa conectividade tanto wifi como para cable (fibra óptica) en todas as aulas, dispón de puntos wifi en todo o centro, así como de puntos de Ethernet. Todas as aulas están dotadas cun ordenador, proxector e pizarra dixital. Temos unha aula de informática con 22 ordenadores. No noso centro usase no segundo ciclo o programa edixgal, tamen dispomos de 50 tablets a disposición de todo alumnado e os ordenadores abalar do alumnado. Dispoñemos da aula virtual do centro e servizo de mensaxería ABALAR. O Plan Dixital de Centro debe encaixar no contexto institucional máis amplo que vén recollido noutros documentos institucionais, como o Proxecto Educativo de Centro e ambos os documentos deben estar en total consonancia e ser complementarios. Este Plan Dixital de Centro enténdese como un instrumento que debe favorecer e impulsar o uso dos medios dixitais tanto nos procesos de ensino-aprendizaxe como no resto de procesos de xestión do centro, sempre co obxectivo último de colaborar no desenvolvemento integral do alumnado. Por esa razón, debe ser un instrumento que se integre no Proxecto Educativo, no Proxecto de Dirección e na Programación Xeral Anual. Ademais, é imprescindible dotar ao Plan Dixital dun enfoque de centro sobre o uso dos recursos pedagóxicos dixitais dispoñibles para aproveitar ao máximo as súas posibilidades, de modo que se converta nun proxecto compartido por todos os membros da comunidade educativa, que dea coherencia e guíe o uso das tecnoloxías. Será un instrumento que forme parte do Proxecto Educativo, o Proxecto de Dirección e a Programación Xeral Anual (PXA).
No centro está matriculados 328 alumnos/as, repartidos na Etapa de Infantil 87 alumnos/as e na Etapa de Primaria 241. A continuación indícase a distribución de alumnos/as por curso:
4ºA de Ed.Infantil: 17, 4ºB de Ed.Infantil: 15, 5ºA de Educación Infantil: 16, 5ºB de Ed.Infantil: 14, 6º de Ed.Infantil: 25.
Ed.Primaria: 1ºA: 14, 1ºB: 13, 2ºA: 18, 2ºB: 16, 2ºC: 18, 3ºA: 21, 3ºB: 22, 4ºA: 18, 4ºB: 19, 5ºA: 16, 5ºB: 14, 6ºA: 17, 6ºB: 18, 6ºC: 17.
3.-Proceso de elaboración.
O deseño do Plan Dixital de Centro recolle as ideas principais, determina as prioridades e establece os niveis de planificación [programas, proxectos e/ou accións] que marcarán o plan de traballo do Centro escolar no seu proceso de cambio e mellora. Así mesmo, a participación do equipo directivo no proceso de deseño e implementación do Plan Dixital de Centro é clave, tanto pola visión global que pode achegar, como pola capacidade para mobilizar recursos da organización e de xerar liderados distribuídos que permitan o cambio atendendo a procesos democráticos. O Plan Dixital de Centro debería permitir á comunidade educativa coa axuda do Equipo de Dinamización do Plan Dixital:
-Visualizar onde quere que chegue o Centro.
- Entender onde está actualmente.
- Trazar o camiño que leve dun estado ao outro
- Planificar uns prazos razoables para que as accións emprendidas teñan realmente un impacto na organización.
- Flexibilizar os prazos para adaptarse ás necesidades do centro.
