No CIFP Ánxel Casal-Monte Alto ofrécense estudos de Formación Profesional das ramas Sanitaria e Servizos Socioculturais e á Comunidade, Seguridade e Saúde ambiental e Química. Abrangue tanto o réxime ordinario coma o de adultos, nas modalidades presencial, semipresencial ou a distancia e dual, sendo o centro de Formación Profesional con maior alumnado matriculado da área metropolitana de A Coruña.
Contextualización do Plan Dixital no centro. Contribución ao Proxecto Educativo do Centro
O contexto socioeconómico e laboral do centro ven derivado das claves xerais da Comunidade Autónoma de Galicia e da configuración da oferta formativa do Centro, con familias de alta demanda que atraen o interese do alumnado de toda a Comunidade: Sanidade e Servizos Socioculturais e á Comunidade. Ademáis, no centro impartese un ciclo da familia profesional Seguridade e medioambiente, e un curso de especialización da familia profesional de Química.
- No ámbito da familia de Sanidade mantense relación con todos os centros asistenciais, públicos e privados da cidade, onde desenvolve o módulo de Formación en Centros de Traballo o alumnado do centro, e realiza visitas durante o curso como actividades complementarias a formación.
- No ámbito da familia de Servizos Socioculturais e á Comunidade, mantense relación cos Concellos, en especial o de A Coruña, así como os limítrofes, e co sector privado de escolas infantís que ofertan prazas para a FCT de todo o alumnado do Centro.
- No ámbito da familia de Seguridade e medioambiente, manterase a relación coas mesmas empresas, nas que o alumnado do extinguido CS Saúde ambiental realizaba a formación en centros de traballo.
- No ámbito da familia de Química, impártese dende o curso académico 2021-2022 o curso de especialización Cultivos Celulares, o que levou a estreitar a relación coas entidades que traballan neste ámbito tanto na cidade da Coruña, como no resto da comunidade, para garantir a mellor formación para o alumnado.
Dende o curso 2016-2017, recóllense obxectivos nos Plans Anuais do centro, encamiñados a mellorar as infraestructuras dixitais do centro entre as que se atopan a mellora da conexión wifi, o incremento da dixitalización coa posta en marcha dun servidor interno e dunha intranet para xestión do centro, a consolidación da infraestructura hardware/software do centro, a creación e actualización constantes da web. Tras a pandemia de COVID'19, o uso das aulas virtuais de Moodle para a impartición dos módulos de cada ciclo está plenamente extendida entre o profesorado, sendo o seu uso ben valorado polo alumnado, se ben é un sistema onde compre realizar melloras para un mellor funcionamento.
O Centro tamén ten presencia nas principais Redes Sociais do momento.
Contextualización normativa en relación co Plan Dixital do centro:
- Art. 111 bis, Art. 121 e Art. 132 da LO 2/2006, de 3 de maio, de Educación Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
- Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022.
- Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022
