Plan do centro
Vixencia
Introdución
Contexto DAFO
Obxectivos
Seguimento
O seguimento do Plan Dixital realizarase de xeito simultáneo a través de tres procedementos.
- De xeito trimestral cunha reunión co coordinador do Plan Dixital co equipo ADIX.
- Mediante un seguimento trimestral da situación na que se atopa cada un dos plans de acción que procuran acadar cada obxectivo proposto.
- Unha vez elaborada a redacción do Plan Dixital na plataforma Educalidade, empregaremos tamén esta plataforma para realizar un seguimento.
Comezamos o curso iniciando os procedementos establecidos no Plan Dixital para cada un dos obxectivos propostos.
Deste xeito:
- No primeiro obxectivo, que corresponde a mellorar a conectividade do equipamento TIC do centro, durante o primeiro trimestre detectáronse as carencias na conectividade do equipamento do centro. Nomeadamente, coa fotocopiadora, para avanzar nunha maior capacidade de xestión de recursos educativos impresos desde todas as aulas.
- No segundo obxectivo creouse un equipo de traballo, dirixido pola coordinadora de E-Dixgal do centro, que foi atendendo as incidencias que foron aparecendo nos equipamentos do alumnado e do profesorado. Ao mesmo tempo, colocáronse caixas de correo no recibidor do IES para que o alumnado poida depositar alí formularios coas súas incidencias ou suxestións.
- O terceiro obxectivo fai referencia a potenciar o emprego das ferramentas corporativas entre o profesorado. Nel, procuráronse titoriais e recursos para o emprego e instalación das principais ferramentas corporativas por parte do profesorado e incidiuse na necesidade da súa utilización no día a día.
Avaliación
No procedemento de seguimento do desenvolvemento do plan e da consecución de obxectivos, seguiranse dous procesos de avaliación e seguimento:
- No contexto da avaliación procesual a frecuencia da súa realización será dunha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.
- No contexto da avaliación final a frecuencia da súa realización será de xeito anual, ó remate do curso 2022-2023. Os aspectos a considerar incluirán, entre outros, a valoración do logro dos obxectivos e as propostas de mellora.
Entre as actuacións tendentes a avaliar o alcance e eficacia deste plan, podemos destacar as seguintes:
-
Enquisa de satisfacción ao alumnado, sobre a adecuación dos materiais TIC e seu aproveitamento.
-
Enquisa de satisfacción ao profesorado sobre o aproveitamento e progreso alcanzado nas súas materias.
-
Enquisa de satisfacción aos responsables do alumnado, referentes ao nivel de aproveitamento das novas tecnoloxías e a integración dos novos aprendizaxes no entorno familiar.
-
Valoracións recibidas do claustro de profesorado, e na CCP, sobre o avance no uso das novas tecnoloxías.
Comunicación e difusión
No que respecta ó procedemento de difusión deste plan entre toda a comunidade educativa, este será publicado na web do centro para a consulta das familias e facilitaráselle ao profesorado un enlace que dea acceso ao mesmo na plataforma de Educalidade a través do correo electrónico corporativo.
Unha vez que a comunidade educativa coñeza o Plan de Acción este deberá ser aprobado en consello escolar.