Xustificación do Plan Dixital.

• Art. 111 bis, Art. 121 e Art. 132 da L.O. 2/2006, de 3 de maio, de Educación.
• Lei Orgánica 3/2020, de 29 de diciembre, pola que se modifica la Lei Orgánica 2/2006, de 3 de mayo, de Educación (L.O.M.L.O.E.).

Obriga de inclusión do PD no Proxecto Educativo:

• Artigo 37.1. do DECRETO 156/2022, do 15 de setembro, polo que se establecen a ordenación e o currículo da educación secundaria obrigatoria na Comunidade Autónoma de Galicia.
• Artigo 35.1 do DECRETO 157/2022, do 15 de setembro, polo que se establecen a ordenación e o currículo do bacharelato na Comunidade Autónoma de Galicia.

Estrutura, que como mínimo debe contemplar o PD, no seguinte articulado:

• Artigo 18 da ORDE do 26 de maio de 2023 pola que se desenvolve o Decreto 156/2022, do 15 de setembro, polo que se establecen a ordenación e o currículo da educación secundaria obrigatoria na Comunidade Autónoma de Galicia e se regula a avaliación nesa etapa educativa.
• Artigo 21 da ORDE do 26 de maio de 2023 pola que se desenvolve o Decreto 157/2022, do 15 de setembro, polo que se establecen a ordenación e o currículo do bacharelato na Comunidade Autónoma de Galicia e se regula a avaliación nesa etapa educativa.

Contextualización do Plan Dixital no centro. Contribución ao Proxecto Educativo do Centro.

O Plan Dixital do Centro será o instrumento que adecúe e facilite o uso dos medios dixitais no proceso de ensinanza aprendizaxe, entendido dende o obxectivo do desenvolvemento pleno e integral do alumnado.

As tecnoloxías da información, comunicación e coñecemento, son unha realidade na nosa sociedade, e polo tanto, tamén o son na educación. Estas preséntanse como unha disciplina transversal, que crece de forma exponencial en canto aos avances que presentan, podendo ser aplicadas a calquera rama do coñecemento. A capacidade que nos ofrecen para levar a cabo a xestión, así como a comunicación entre profesorado, alumnado e familias é moi potente. Polo tanto, a integración das mesmas permite mellorar os procesos de xestión académica e comunicación, dentro da comunidade educativa. A aplicación das TIC nos procesos de ensinanza aprendizaxe, cobra un protagonismo excepcional debido á demanda da sociedade, e polo tanto do noso alumnado. Ben é certo, que segue existindo unha fractura dixital por parte dun alto porcentaxe de profesorado, que haberá de ser corrixida a través da formación específica necesaria. A idea fundamental é a consolidación dos coñecementos, por parte do alumnado, para que no exista unha brecha dixital e para que as ensinanzas sexan competitivas e atractivas para os mesmos.

Require especial atención por parte do profesorado e dos responsables, o uso ético e educativo das tecnoloxías no centro e no entorno familiar; unha correcta integración pode supoñer a potenciación da motivación do alumnado, unha busca fácil da información que debe aprender a manexar e transformar en coñecemento dentro dun aprendizaxe significativo; a utilización dun recurso innovador na tarefa diaria permitirá diferentes aplicacións didácticas, o deseño de novos materiais de traballo, etc

O plan dixital supón unha oportunidade na detección de necesidades de mellora para o centro, así como a posta en práctica dun procedemento para implantar esas melloras, algo que resulta de vital importancia tendo en conta o proxecto educativo do centro.

Proceso de elaboración

Unha vez realizada a enquisa SELFIE e o test CDD fíxose unha análise dos resultados de cara á elaboración da matriz DAFO, datos que supuxeron o punto de partida para a elaboración dos distintos apartados do Plan Dixital por parte do Equipo de Dinamización

No procedemento de seguimento do desenvolvemento do plan e da consecución de obxectivos, seguiranse dous procesos de avaliación e seguimento:

- No contexto da avaliación procesual a frecuencia da súa realización será dunha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.

- No contexto da avaliación final a frecuencia da súa realización será de xeito anual, ó remate do curso 2022-2023. Os aspectos a considerar incluirán, entre outros, a valoración do logro dos obxectivos e as propostas de mellora.

Entre as actuacións tendentes a avaliar o alcance e eficacia deste plan, podemos destacar as seguintes:

• Enquisa de satisfacción ao alumnado, sobre a adecuación dos materiais TIC e seu aproveitamento.

• Enquisa de satisfacción ao profesorado sobre o aproveitamento e progreso alcanzado nas súas materias.

• Enquisa de satisfacción aos responsables do alumnado, referentes ao nivel de aproveitamento das novas tecnoloxías e a integración dos novos aprendizaxes no entorno familiar.

• Valoracións recibidas do claustro de profesorado, e na CCP, sobre o avance no uso das novas tecnoloxías.

No que respecta ó procedemento de difusión deste plan entre toda a comunidade educativa, este será publicado na web do centro para a consulta das familias e facilitaráselle ao profesorado un enlace que dea acceso ao mesmo na plataforma de Educalidade a través do correo electrónico corporativo.

Unha vez que a comunidade educativa coñeza o Plan de Acción este deberá ser aprobado en consello escolar.