Xustificación do Plan Dixital.

Obriga de inclusión do PD no Proxecto Educativo:

• Artigo 37.1. do DECRETO 156/2022, do 15 de setembro, polo que se establecen a ordenación e o currículo da educación secundaria obrigatoria na Comunidade Autónoma de Galicia.
• Artigo 35.1 do DECRETO 157/2022, do 15 de setembro, polo que se establecen a ordenación e o currículo do bacharelato na Comunidade Autónoma de Galicia.

Estrutura, que como mínimo debe contemplar o PD, no seguinte articulado:

• Artigo 18 da ORDE do 26 de maio de 2023 pola que se desenvolve o Decreto 156/2022, do 15 de setembro, polo que se establecen a ordenación e o currículo da educación secundaria obrigatoria na Comunidade Autónoma de Galicia e se regula a avaliación nesa etapa educativa.
• Artigo 21 da ORDE do 26 de maio de 2023 pola que se desenvolve o Decreto 157/2022, do 15 de setembro, polo que se establecen a ordenación e o currículo do bacharelato na Comunidade Autónoma de Galicia e se regula a avaliación nesa etapa educativa.

Contextualización do Plan Dixital no centro. Contribución ao Proxecto Educativo do Centro.

A elaboración do Plan Dixital do IES de Vilalonga xorde como resposta á necesidade de mellorar a competencia dixital da súa comunidade educativa nun tempo no que tanto diversas actividades e proxectos, como o propio enfoque educativo ou a mesma contorna socioeconómica se ve relacionada coas tecnoloxías da información e da comunicación.

É por iso que o Plan Dixital non pretende ser un documento illado, senón que se atopa directamente interrelacionado con outros proxectos e plans de innovación que se están a desenvolver no instituto. Entre eles, podemos destacar:

PLANS PROXECTA, entre os que diversos docentes e alumnado traballaron en distintas liñas: Por 365 días de respecto e igualdade, Xente con Don, Naturézate, Proxectos de vida activa e saudable

CONTRATOS PROGRAMA, con profesorado implicado en: IGUALA-T, CONVIVE-T, INCLÚE-T, EMOCIONA-T, INNOVA-T, EDUEMPRENDE, EDUTECEMPRENDE

O programa RADIO NA BIBLIO, de Bibliotecas Escolares, que fomenta a colaboración da comunidade educativa dende o equipo de Biblioteca por medio das novas tecnoloxías.

A creación dun club de Ciencias. Os clubs de lectura, dentro do Programa de Biblioteca.

A implantación do Plan Dixital márcase como un dos obxectivos da Programación Xeral Anual do curso 2023/24.

Proceso de elaboración

Unha vez realizada a enquisa SELFIE e o test CDD fíxose unha análise dos resultados de cara á elaboración da matriz DAFO, datos que supuxeron o punto de partida para a elaboración dos distintos apartados do Plan Dixital por parte do Equipo de Dinamización.

A avaliación do plan farase atendendo a dous eixos:

- Con carácter trimestral someteranse a valoración as accións realizadas tendentes a consecución dos obxectivos e de ser o caso os valores acadados dos indicadores de cada un dos obxectivos. No caso de que o valor acadado sexa inferior o previsto, faranse as modificación oportunas das acción a realizar para a consecución do obxectivo.

- Con carácter anual valoraranse a consecución de todos os obxectivos previstos. Aqueles nos que no se acade o valor esperado do indicador deberan ser reformulados tanto dende o punto de vista das acción a realizar como dos indicadores utilizados.

- Finalmente farase unha nova redefinición de obxectivos e accións de mellora tendentes a arranxar outras carencias que foran detectadas no análise DAFO e sobre as que non se incidira no presente curso.

A difusión do plan farase a través da aplicación EduCalidade.

O presente plan dixital foi presentado ao claustro do IES de Vilalonga na reunión ordinaria do 17 de outubro de 2023. Oído este, foi aprobado polo Consello Escolar na reunión do 17 de outubro de 2023.