O noso Plan dixital responderá a normativa vixente que ven regulada pola Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022. Art. 111 bis, Art. 121 e Art. 132 da LO 2/2006, de 3 de maio, de Educación.Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021- 2022.Artigo 30.1 do DECRETO 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia. Artigo 15 da ORDE do 30 de maio de 2023 pola que se desenvolve o Decreto 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia e se regula a avaliación nesa etapa educativa.
CARACTERÍSTICAS XERAIS DA EEI RÚA HERNÁN CORTÉS
As notas de identidade empezan por recoñecer que o noso Centro, como todo centro público, é independente de todo grupo político, económico ou relixioso. Todos nós entendemos á educación como un servizo a unha sociedade plural. O Centro atópase na Rúa Hernán Cortés en Vigo. Esta rúa está encravada na parte antiga da cidade e mesmo no centro da mesma. Nesta zona podemos atopar abundante oferta comercial, de servizos e ocio. O noso Colexio é o único centro público de 2º ciclo de educación infantil da zona, aínda que nela podemos atopar unha ampla oferta de centros privados concertados que tamén posúen este ciclo educativo. Neste curso acolle un gran número de inmigrantes, chegados sobre todo de América Latina, e países do Leste, por este motivo a matricula flutúa ao longo do curso, tendo numeroso alumnado que se matricula fora de prazo. Temos tamén alumnado procedente de familias españolas que viven ou traballan no contorno próximo. A variedade de alumnado dota ao centro dunha característica moi enriquecedora, a interculturalidade. Practicamente todos os/as alumnos/as viven no barrio e acoden ao colexio andando ou no automóbil familiar, xa que o centro non conta con transporte escolar. O alumnado procede de familias de diferentes niveis socioculturais, resaltando que a maioría das familias inmigrantes contan con poucos medios e uns recursos socioculturais e económicos escasos. Desde a escola intentamos facer unha intensa labor social e educativa, compensatoria e integradora con este tipo de alumnado e as súas familias. A maioría das familias non conta con recursos e unha boa educación dixital ( moitas se limitan ao móbil con conexión a Internet), sobe todo as familias de procedencia estranxeira. O castelán é maioritariamente a lingua vehicular do alumnado que acode ao centro. Algunhas familias teñen dificultades co galego, e outras non dominan ningún dos nosos idiomas, sobre todo os procedentes de países do leste de Europa e os procedente do norte de África, entre outros. É polo tanto, un elemento fundamental na nosa escola a inmersión lingüística e apoio educativo individualizado. No desenvolvemento da vida escolar empregamos o castelán, así como o galego , respectado en todo momento a normativa en vigor. INCLUSIÓN DO PLAN DIXITAL NO PROXECTO EDUCATIVO DO CENTRO Na actualidade o noso Proxecto Educativo xa conta cun apartado onde se propoñen medidas e actuacións para o desenvolvemento das TIC na escola. As tecnoloxías dixitais de información e comunicación forman parte da nosa vida en todos os seus aspectos, traballo, ocio, coñecemento... son por tanto parte integrante do noso desenvolvemento como persoas. Non se pode imaxinar un futuro sen o apoio ou soporte destas tecnoloxías .A escola, pois, non pode quedar ao marxe destas novas ferramentas, senón que debe ser a canle para integralas fomentando a participación de toda a comunidade educativa no seu uso. Neste novo Plan Dixital que pasará a formar parte do Proxecto Educativo do centro, estableceranse como obxectivos prioritarios: Aplicar as ferramentas dixitais en todas as áreas e aulas como unha estratexia educativa esencial na educación. Utilizar os dispositivos dixitais ( ordenador, tablet, pizarra dixital) como medios de creación, integración, cooperación e expresión das propias ideas, de adquisición de coñecementos e destrezas e , como medio de comunicación coas familias e o contorno. Mellorar o uso das novas tecnoloxías dixitais no alumnado, o profesorado, as familias e o contorno.
Para a elaboración do noso plan Dixital seguimos a temporalización das accións que se nos ían marcando dende a Rede Dixital Gal, contando co apoio dos mentores ADIX. Os pasos seguidos para a elaboración do PD foron: - Configuración e análise do SELFIE realizado polo persoal docente da escola . - Realización do Test CDD por parte de todo o profesorado que forma parte do claustro da nosa escola. - Recompilación de datos , reflexión e análise dos mesmos e elaboración do DAFO. - Definición de obxectivos e accións a seguir, así como a forma de avalialos e temporalizalos. - Elaboración do Plan Dixital ( versión 1.0) realizado polo Equipo de Dinamización e Seguimento do Plan Dixital.