1.2. Contextualización do Plan Dixital no centro. Contribución ao Proxecto Educativo do Centro
      
      No contexto actual, no que as novas tecnoloxías están á orde do día e en tódolos ámbitos da sociedade, é necesario que os centros educativos se atopen tamén formados e integrados dentro destas ferrementas que nos ofrecen múltiples posibilidades. Dende estes derradeiros anos vense apostando no CEIP Seara polo traballo usando as TIC de xeito integrado, favorencendo unha aprendizaxe significativa e trasversal, na que as novas tecnoloxías sirvan para profundizar no resto das áreas. No curso 21-22 implantouse E-Dixgal no centro, visibilizando máis se cabe dita aposta, favoreceuse o uso da mensaxería Abalar, a maqueta libre, integráronse novos proxectos (como poden ser Caranvexo.gal, Radio na biblio, obradoiros que inclúen as TIC como Makei Makei...). Tamén se ven realizando unha renovación integral, mellora na dotación do material do que se dispón, así como dos recursos e instalacións coas que conta o centro educativo.
      De cara ao vindeiro curso, será implantado o Plan Dixital, polo que tanto a programación xeral, como as de aula incluirán os obxectivos a realizar no mesmo. O éxito na consecución das metas será un punto moi importante a realizar, xa que se considera un eixo fundamental para o desenvolvemento do centro e das crianzas, avogando pola transversalidade das áreas e da formación máis actualizada posible do alumnado. Tamén se atopa o centro en consonancia cos institutos de referencia, xa que estes tamén veñen considerando as TIC unha ferramenta de vital importancia, polo tanto veñen usando estas ferramentas e tamén participan en proxectos dos que tamén forma parte o CEIP Seara. Tamén se atopa implantado E-DIXGAL con anterioridade ao centro, feito polo cal se apostou por esta ferramenta.
1.3. Breve xustificación do mesmo
      Este Plan Dixital nace como a adecuación do centro á normativa vixente en canto ao uso das Tecnoloxías da Información e da Comunicación recollidas nas diferentes leis educativas. Nas cales se especifica que é responsabilidade dos centros educativos promover o uso con este fin das TIC como ferramenta pedagóxica e formativa. Tamén se favorecerá o uso de entornos virtuais de aprendizaxe, así como do uso resposable dos mesmos, avanzando en seguridade e boas prácticas de desempeño cos mesmos. Tamén se destaca o uso destes elementos respectando a normativa vixente en canto á propiedade intelectual e os dereitos de autor. Para rematar, a continuación figuran os documentos referentes á lexislación vixente:
      
    • Art. 111 bis, Art. 121 e Art. 132  da LO 2/2006, de 3 de maio, de Educación
      
    • Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
      
    • Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022 
      
    • Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia.

Reunións do equipo do Plan Dixital.

Reunións co profesorado.

Reunión co mentor ADIX a final de curso.

 Co fin de lograr a maior difusión posible do Plan Dixital, crearase un apartado na páxina
web no que figurará integramente, coa intención de que as familias e membros do colexio o
poidan consultar sempre que o precisen. A páxina do cole se pode atopar na seguinte ligazón https://www.edu.xunta.gal/centros/ceipseara/