O Centro aséntase nun barrio próximo ó centro urbano, lugar de residencia dunha poboación maioritariamente de clase media e medio-baixa. A maioría dos alumn@s proceden directamente da zona de confluencia aínda que unha importante cantidade o fan de zonas adxacentes e circundantes de confluencia como Cabral, Peinador, Candeán, Calvario, Ramón Nieto, Martínez Garrido,... o que denota que o alumnado procede de diversos puntos da cidade, sobre todo das zonas pertas ó centro educativo, de aí a variedade de clases sociais e niveis socioeconómicos. A grande maioría do alumnado vive cos seus pais, ou cun deles, só un 3% vive con irmáns, avós ou outros parentes. Aproximadamente o 70% dos pais do noso alumnado traballan fóra do fogar, iso implica por unha banda a adaptación do centro ás demandas dos pais no tocante a horarios que oferta a xornada continua, servizo de transporte, comedor e actividades extraescolares que favoreza o traslado ó Colexio dos alumnos que viven máis lonxe.
O Colexio NS Esperanza leva anos comprometida coas novas tecnoloxías. No ano 1998 inaugúrase a sala de informática con 25 postos escolares e no 2006 instalouse a súa primeira pizarra dixital nesta aula. A partires deste momento iníciase un proxecto de dixitalización do Centro no que ano tras ano vanse incorporando novos dispositivos: Pizarras dixitais, portátiles, alta velocidade de internet (fibra), conexión wiffi, tablets. O noso Centro comezou a dixitalizar o libro de texto e a ensinanza de contidos o curso 2021-2022 a través do programa E-Dixgal. A continua formación do profesorado, a súa motivación e as experiencias adquiridas nestes anos garanten a implantación e a continuidade deste Plan Dixital.
O Plan Dixital contribúe de maneira directa á Programación Xeral Anual do Centro xa que recolle obxectivos, indicadores e accións coordinadas que se levan a cabo có o alumnado e có profesorado.
O Plan Dixital do Centro respode as necesidades e obrigas indicadas na seguinte normativa:
Art. 111 bis, Art. 121 e Art. 132 da LO 2/2006, de 3 de maio, de Educación
Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022
Dende a terceira semana de setembro o Equipo de Dinamización do Plan Dixtal do Centro reúnese con carácter semanal todos os venres de 12:00 a 13:00 có obxectivo claro de presentar un Plan real con obxectivos Específicos, Medibles, Alcanzables, Relevantes e Definidos no tempo (SMART nas súas siglas en inglés).
TEST CCD E SELFIE
O profesorado instrúese en novas tecnoloxías.
O profesorado traslada ao alumnado os novos coñecementos.
Chega material do programa de Polos Creativos. A coordinadora ofrece formación básica de emprego deste material para o resto do profesorado.
Parte do profesorado fórmase a través do seminario de formación de Polos Creativos para adquirir coñecementos sobre cortadora láser.
Para determinar se se alcanzaron os obxectivos propostos e a adquisición prevista das competencias e en que medida alcanzáronse os obxectivos, tivéronse en conta tanto as aprendizaxes realizadas como o modo en que desde estas contribuíron á adquisición das competencias clave nos distintos ámbitos de actuación (profesorado/alumnado/familia). A avaliación do alumnado con necesidades específicas de apoio educativo rexiuse polo principio de inclusión e asegurou a súa non discriminación e a igualdade efectiva.
O Presente Plan está a disposición de toda a Comunidade Educativa do Centro na plataforma EDUCALIDADE da Xunta de Galicia e na páxina web: www.colegioesperanza.com
