Xustificación
A Lei Orgánica 2/2006, do 3 de maio, de Educación, regula diferentes aspectos relacionados coa competencia dixital e a innovación educativa, tanto no artigo Art 111 bis, no 121 e no 132.
Así mesmo tamén veñen regulados nos seguintes documentos:
-Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022
-Artigo 30.1 do DECRETO 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia.
-Artigo 15 da ORDE do 30 de maio de 2023 pola que se desenvolve o Decreto 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia e se regula a avaliación nesa etapa educativa.
-Artigo 34.1 do DECRETO 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia.
-Artigo 14 da ORDE do 26 de maio de 2023 pola que se desenvolve o Decreto 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia e se regula a avaliación nesa etapa educativa.
Contextualización
O CEIP Plurilingüe Paraixal está ubicado na parroquia de Teis, na cidade de Vigo.
É un centro onde actualmente funcionan dúas unidades de Infantil e tres de Primaria.
O centro conta con 49 alumn@s e 7 mestras, a maiores temos os especialistas de PT, AL, Orientación e Relixión compartidos con outros centros. Das 7 mestras do centro 6 son definitivas o que axuda á hora de poder facer
proxectos a longo prazo, ao non haber moita mobilidade de profesorado no centro.
Ao ser un centro con pouco alumnado o presuposto anual é escaso non puidendo levar a cabo moitas melloras necesarias no centro, entre elas as relacionadas coas novas tecnoloxías.
A finalidade dun centro educativo é que o alumnado aprenda e se forme como individuo da sociedade na que vive. En consecuencia, a propia organización vai mellorando a través da súa práctica e da reflexión sobre ela, así como das relacións que establece coa súa contorna.
O Plan Dixital de Centro debe encaixar no contexto institucional máis amplo que vén recollido noutros documentos institucionais, como o Proxecto Educativo de Centro e ambos os documentos deben estar en total consonancia e ser complementarios.
A competencia Tic tanto do profesorado como do alumnado incrementouse dende a pandemia pola necesidade de adaptarse a novas situacións de ensinanza-aprendizaxe.
Practicamente a totalidade do alumnado conta con dispositivos tecnolóxicos así como de acceso a Internet nos seus fogares.
No Centro lévanse a cabo actividades Steam e búscase ir introducindo ao alumnado pouco a pouco no pensamento computacional.
Co proxecto Edixgal o terceiro ciclo, este próximo curso, terá á súa disposición portátiles para
poder traballar dixitalmente os contidos do currículo.
Dentro do plan Tic de centro lévanse a cabo actividades de programación de robótica.
O Plan Dixital contribuirá a que moitas actividades e obxectivos da PXA poidan ser levados a cabo, se conseguimos ter o equipamento e a conexión á rede necesaria.
Elaboración
O Plan Dixital comezouse a desenvolver polo equipo de dinamización do Plan Dixital que formou un grupo de traballo dentro dun PFPP, onde se levou a cabo o informe SELFIE, logo pasáronse os datos a unha táboa para sacar a información do DAFO e dende aí se valoraron as debilidades e fortalezas do centro en tema dixital para elexir os obxectivos que formarán parte do Plan de acción dentro do plan Dixital de centro.
