O CEIP aséntase no barrio de Coia, un dos máis poboados da cidade de Vigo. É unha zona residencial moi ampla, situada en torno a avenida Castelao. Trátase dun núcleo eminentemente urbano, próximo ó centro de Vigo. É lugar de residencia dunha poboación de procedencia variada.
Todo o alumnado vive no núcleo urbano onde está situado o centro. Aproximadamente un 20% é de procedencia estranxeira.
Practicamente a totalidade do alumnado do centro ten conexión a internet, contan con computador, tablet ou algún dispositivo móbil con acceso a internet. O centro sempre buscou paliar as carencias de medios técnicos facilitando o acceso á zona multimedia da biblioteca durante os recreos e polas tardes.
É un centro completo dunha liña, escolarizando alumnado de Infantil e Primaria. A plantilla de profesorado é a contemplada no catálogo de postos de traballo para un centro desta índole, a maiores temos unha mestra especialista en pedagoxía terapéutica para alumnado de atención preferente, así como a docente PROA (PT) e a docente ACOMPAÑA (AL).
Contextualización do Plan Dixital no centro. Contribución ao Proxecto Educativo do Centro
Realizouse durante o inicio de curso 20-21 unha enquisa sobre a conexión a internet e dispositivos a todo o alumnado do centro, identificáronse as carencias en canto a conexión á rede, dispoñibilidade de computadores no fogar e impresoras.
No curso 21-22, iniciamos a andaina en EDIXGAL en 5º de Primaria, que se implantará no curso 22-23 e 6º de Primaria. Neste curso 23-24 xa está implantado en 5º e 6º.
O centro conta con Web, diversos espazos/blogues, Instagram (aulas, equipos dinamizacións, administración, ANPA,….) e aula virtual.
O centro ten unha boa conectividade tanto por Wi-Fi como por cable (fibra óptica). Cada dúas dependencias hai un punto wifi en todo o centro, incluíndo o comedor e salón de actos. Todas as aulas teñen acceso a internet, pero os equipos están moi deteriorados. É preciso renovar equipos, PCs portátiles e carros de carga para renovar e crear aula de informática en movemento. Ademais, temos os paneis que dende finais do curso 22-23 están instalados nas aulas de infantil e 1º ciclo.
O noso centro educativo ten a necesidade de revisar as súas estratexias co obxectivo de mellorar a súa capacidade para promover a innovación e aproveitar ao máximo as tecnoloxías da información e da comunicación, e recursos educativos dixitais cos que contamos, sendo conscientes das limitacións e as fortlezas coas que contamos.
Mediante este PLAN DIXITAL prétendese:
-Revisar e consolidar o Plan TIC.
- Continuar avaliando a situación do centro educativo en relación co uso da innovación e das TIC en diferentes elementos clave incluídos no Marco Europeo para as organizacións educativas dixitalmente Competentes, para posteriormente deseñar e acometer un proceso de transformación no centro.
-Recoñecer o Plan Dixital Anual como un recurso fundamental para a planificación da estratexia dixital de unha organización educativa.
-Transformar o centro educativo nunha organización que aprende, sendo posible só se é a organización dixitalmente competente.
Contextualización legislación:
-
Art. 111 bis, Art. 121 e Art. 132 da LO 2/2006, de 3 de maio, de Educación.
-
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021- 2022.
-
Artigo 30.1 do DECRETO 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia.
-
Artigo 15 da ORDE do 30 de maio de 2023 pola que se desenvolve o Decreto 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia e se regula a avaliación nesa etapa educativa.
-
Artigo 34.1 do DECRETO 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia.
-
Artigo 14 da ORDE do 26 de maio de 2023 pola que se desenvolve o Decreto 155/2022, do 15 de setembro polo que se establecen a ordenación e o currículo de EP na comunidade galega e se regula a avaliación nesta etapa educativa.