Xustificación do Plan Dixital en relación coa normativa vixente.
A contextualización normativa en relación co Plan Dixital do noso centro é a seguinte:
-
Art. 111 bis, Art. 121 e Art. 132 da LO 2/2006, de 3 de maio, de educación
-
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
-
Artigo 30.1 do DECRETO 150/2022, do 8 de setembro, de educación
-
Artigo 15 da ORDE do 30 de maio de 2023, de educación
-
Artigo 34.1 do DECRETO 155/2022, do 15 de setembro, de educación
-
Artigo 14 da ORDE do 26 de maio de 2023, de educación
Contextualización do PD no centro e contribución ao Proxecto Educativo.
CONTEXTUALIZACIÓN : O C.E.I.P. “A Paz” Tintureira, está situado na parroquia de Coruxo, pertencente ao Concello de Vigo. Está situado na subida a Fragoselo, estrada que comunica Coruxo con Chandebrito. O alumnado procede de tres ámbitos diferenciados: Rural, Periurbano e Urbano.
O alumnado: Son nenos e nenas con ambientes moi diferentes e vivencias moi contrastadas que abarcan desde experiencias de vida rural ata a vida na gran cidade. Estas diferenzas que son enriquecedoras no aspecto de intercambio cultural. E aínda que ás veces reflíctense diferenzas sociais e económicas, que xustifican desaxustes emocionais, dificultades na interacción e diferentes rendementos académicos, en xeral, o ambiente de convivencia é bo, producíndose só conflitos de maneira puntual.
A relación coa contorna: A excursións que poidamos facer o longo do curso, e a participación en iniciativas procedentes doutras entidades como os obradoiros de coeducación do concello de Vigo, Plan Director para a convivencia e seguridade nos centros, axudarannos a coñecer o contorno no que vivimos e enriqueceran o noso proxecto educativo de centro.
CONTRIBUCIÓN AO PEC: No Proxecto Educativo recollemos como obxectivo principal buscar a formación integral do noso alumnado nun ambiente familiar de convivencia, integración e respecto ás diferenzas individuais. Ademais o grande avance tecnolóxico vivido nos últimos anos fai necesario a integración neste de obxectivos, aspectos organizativos e estratexias metodolóxicas que impliquen o uso e mellora da competencia dixital de toda a comunidade educativa.
A nivel xeral o centro participa anualmente en diferentes proxectos tales como: PLAMBE, Plan PROXECTA, INCLÚE, INNOVA, etc Tamén cada curso académico o profesorado participa en diferentes cursos e plans de formación permanente, sendo moitos deles de temática dixital. Nos últimos anos renovouse gran parte do equipamento dixital do centro con novos equipos informáticos de aula e paneis dixitais para algunhas aulas de primaria. Tamén a nivel de comunicacións ampliouse o abano de medios e recursos usados, xa que comezou a empregarse no curso pasado a aplicación AbalarPro. Con respecto ao alumnado seguimos coa implantación da Aula Virtual en todas as titorías e especialidades e continuamos co uso da páxina web e os diferentes blogues de centro como medios de comunicación, difusión e formación.
CONTRIBUCIÓN Á PXA DO CURSO 23/24: Na PXA do presente curso establecemos como un dos seus obxectivos xerais "Continuar afianzando a formación do profesorado e do alumnado no uso das TICs" . Coa integración e implantación neste curso do Plan Dixital pretendemos acadar na medida do posible este obxectivo que afecta principalmente a un ámbito concreto: Mellorar a competencia dixital de alumnado e profesorado.
Proceso de elaboración.
Para a realización do Plan Dixital do curso 23/24 seguíronse as directrices dos asesores e a información achegada. Ao inicio de curso formouse o equipo do Plan Dixital que xunto a Responsable e a Coordinadora do Plan, estableceron os obxectivos para este curso académico e que aparecen recollidos máis adiante. Para a súa realización tivéronse en conta as necesidades e características propias do centro e da comunidade educativa, ademais dos axentes implicados e os recursos dispoñibles.