O CEIP Pintor Antonio Fernández é un centro educativo de liña 1 situado na Praza do Pintor Antonio Fernández 6, na parroquia de Goián, concello de Tomiño, correo electrónico ceip.pintor.antonio@edu.xunta.gal e páxina web http://www.edu.xunta.gal/centros/ceippintorantonio/ O alumnado procede de dúas parroquias (Goián e Figueiró) distantes un quilómetro e medio, ambas rurais e con características bastante semellantes. Imparte as ensinanzas de Infantil e Primaria a un total de 142 alumnos e alumnas (31 EI e 111 EP) e conta cunha plantilla de 17 mestres e mestras.
Durante o curso 2021/2022, todo o Claustro participou nun PFPP no que un dos itinerarios plantexaba a elaboración do Plan Dixital. En primeiro lugar mantívose unha reunión informativa para a súa elaboración e, ademais, realizar o Plan de Acción a seguir. A continuación, confeccionouse a enquisa SELFIE para que todo o profesorado respondera á mesma. Ao remate, obtívose o informe SELFIE do centro. No segundo trimestre, o profesorado contestou ao CDD para obter o nivel competencial do centro. Partindo destes datos mantivéronse distintas xuntanzas para analizar as dificultades, ameazas, fortalezas e oportunidades e elaborar o correspondente informe DAFO. Coa guía e asesoramento ao longo de todo o proceso da nosa Asesora ADIX de Tui, o profesorado celebrou varias xuntanzas para debater os obxectivos considerados máis importantes e necesarios para elaborar o Plan de Acción de cara ao vindeiro curso 2022/23. Finalmente, para elaborar este Plan Dixital, recolléronse todos estes datos,reflexionouse sobre o proceso de elaboración e analizouse a situación do centro. No que se refire ás infraestruturas, e para solventar as deficiencias, solicitouse dos organismos competentes a súa actuación tal e como se viña facendo ata o de agora. Durante este mes de maio solucionáronse algunhas carencias (por ex: mellora da wifi, dotación dunha fotocopiadora multifunción en branco e negro ( fixérase a petición dunha en cor fai varios cursos…), canalización do edificio de Ed. Infantil (falta acometer a canalización para outra dependencia do centro que xa se ten solicitado fai tempo).
Para realizar a análise DAFO, inicialmente cada mestra e mestre realizou a enquisa SELFIE, e posteriormente o Test de Competencia Dixital Docente (CDD)
A falta de tecnoloxía, medios e recursos dixitais que houbo durante moitos anos no centro, foi motivo de que a maioría do profesorado non teña integrado o uso de TICs na súa dinámica de aula e polo tanto teñamos un desfase temporal de coñecementos de recursos xa dispoñibles con anterioridade pero mostra interese por aprender en canto haxa medios e formación dispoñibles. Ademais as familias, fan un uso restrinxido dos medios dixitais (non saben manexar con soltura a descarga e o uso de aplicacións, o emprego de contrasinais non é autónomo e constantemente están pedindo restitución das mesmas por perdas ou esquecemento, non teñen habilidade no manexo de plataformas onde subir arquivos, enviar tarefas online, etc.). Pola contra, comezan a ver a necesidade de uso das mesmas e paulatinamente van tentando probar o seu uso.
O persoal do centro está saturado de horario, debido a falta de profesorado ou a realización de substitucións, e polo tanto, non dispón de tempo suficiente para experimentar ou argallar coa tecnoloxía e deste xeito, familiarizarse con ela e as súas posibilidades. A falta de equipos informáticos, ou a obsolescencia dos mesmos, e a ausencia de internet en todo o centro agrava a situación. Pola contra, mostra dispoñibilidade para formarse e por iniciarse no uso coa axuda pertinente de persoas formadoras, colaboración do equipo docente do centro, etc.
O procedemento de seguimento do desenvolvemento do plan e da consecución de obxectivos están especificados no propio Plan de Acción. No contexto da avaliación procesual a frecuencia da súa realización será como mínimo unha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora. No contexto da avaliación final a frecuencia da súa realización será como mínimo unha vez ao ano. Os aspectos a considerar incluirán, entre outros, a valoración do logro dos obxectivos e as propostas de mellora mediante enquisas e a realización da Memoria
Ao longo do primeiro trimestre iniciamos a consecución dos 3 obxectivos plantexados no Plan de acción quedando como acadados:
Sobre o 1º obxectivo: Facilitar o acceso e coñecemento á Aula Virtual por parte do alumnado. Mandoúselles un abalar ás familias para a actualización dos contrasinis. E determinouse o seguinte índice de participación: 1º E.P. (27%); 2º E.P. (100%); 3º E.P. (17%); 4º E.P. (24%); 5º E.P. (100%); 6º E.P. (100%).
Sobre o 2º obxectivo: Empregar recursos dixitais na práctica docente na etapa de E.I. Estase a empregar a Pizarra Intelixente de Aula como repositorio de contidos fotográficos das diferentes actividades ou conmemoracións de aula. Ademáis do seu emprego como medio de ensino.
Sobre o 3º obxectivo: Ofrecer formación permanente do profesorado relativa á Pizarra Dixital. Elaborouse una charla formativa ao respecto e proporcionouse un enlace a un banco de recursos docentes sobre o emprego da mesma.
Ao longo deste trimestre iniciamos a consecución dos 3 obxectivos plantexados no Plan de acción quedando como acadados:
Sobre o 2º obxectivo: Empregar recursos dixitais na práctica docente na etapa de E.I. Estase a empregar Aula Virtual como repositorio de contidos fotográficos das diferentes actividades ou conmemoracións levadas a cabo na aula e no ciclo. A Pizarra Intelixente de Aula estase empregando medio de ensino, como canle de comunicación con outros centros.
Sobre o 3º obxectivo: Ofrecer formación permanente do profesorado relativa á Pizarra Dixital. Elaborouse una charla formativa ao respecto e proporcionouse un enlace a un banco de recursos docentes sobre o emprego da mesma. Comporase dun código QR contido no apartado de recursos do profesorado.
Os obxectivos foron deseñados acorde as necesidades do noso centro, o profesorado participou activamente para a consecucións dos mesmos.
Actualización e dixitalización da documentación informativa do centro, tanto para o profesorado como para as familias.
Seguir coa formación do profesorado.
O presente plan publicitarase na páxina web do centro http://www.edu.xunta.gal/centros/ceippintorantonio/ Ás familias serán informadas a través da aplicación de comunicación ABALAR MÓBIL.
