XUSTIFICACIÓN DO PD
O uso das Tecnoloxías de Información e a Comunicación xeneralizouse de tal forma na nosa contorna que resulta imprescindible na actualidade.
Neste sentido, a escola non debe permanecer de costas e debe proporcionar ao alumnado as aprendizaxes e recursos necesarios para que aprendan a utilizar esta ferramenta da forma máis adecuada posible. A utilización destas ferramentas por parte dos docentes e do alumnado introduce unha nova dimensión nos procesos de ensino aprendizaxe que deben ser tidos en conta por todos nós (mestras e mestres).
Coa posta en marcha deste plan, pretendemos achegar ao alumno e ao profesorado ás Tics dunha maneira sinxela e directa. Non será levar os equipos simplemente ás aulas, senón convertelos realmente nunhas ferramentas eficaces en mans dos docentes para levar a cabo os procesos de ensino-aprendizaxe, aumentando desta maneira a calidade da educación que ofrecemos aos nosos alumnos. Neste sentido, o Plan Dixital é entendido como un recurso ao dispor do profesorado encamiñado a potenciar a utilización das tecnoloxías como unha ferramenta máis dentro do proceso de ensino-aprendizaxe, ademais de desenvolver no alumnado aquelas competencias necesarias para que utilicen o computador da forma máis adecuada e segura.
A normativa vixente non son alleas a esta realidade. Así, a “ LOMLOE”, Lei Orgánica 3/2020, do 29 de decembro, pola que se modifica a Lei Orgánica 2/2006, do 3 de maio, de Educación indica no seu PREÁMBULO:
“Así mesmo, o uso xeneralizado das tecnoloxías de información e comunicación en múltiples aspectos da vida cotiá ha acelerado cambios profundos na comprensión da realidade e na maneira de comprometerse e participar nela, nas capacidades para construír a propia personalidade e aprender ao longo da vida, na cultura e na convivencia democráticas, entre outros. Este cambio de enfoque require dunha comprensión integral do impacto persoal e social da tecnoloxía, de como este impacto é diferente nas mulleres e os homes e unha reflexión ética acerca da relación entre tecnoloxías, persoas, economía e medioambiente, que se desenvolva tanto na competencia dixital do alumnado como na competencia dixital docente. En consecuencia, faise necesario que o sistema educativo dea resposta a esta realidade social e inclúa un enfoque da competencia dixital máis moderno e amplo, acorde coas recomendacións europeas relativas ás competencias clave para a aprendizaxe permanente.”
E, máis adiante afirma que:
“ Sen prexuízo do seu tratamento específico nalgunhas das áreas da etapa, a comprensión lectora, a expresión oral e escrita, a comunicación audiovisual, a competencia dixital, o fomento da creatividade, do espírito científico e do emprendemento traballaranse en todas as áreas.”
Para a súa elaboración, tívose en conta a seguinte normativa:
- Art. 111 bis, Art. 121 e Art. 132 da LO 2/2006, de 3 de maio, de Educación.
- Disposición adicional quinta da Resolución do 17 de xuño de 2021.
- Resolución do 3 de setembro de 2021, da Secretaría xeral de Educación e Formación Profesional.
CONTEXTUALIZACIÓN DO PD
A competencia dixital supón un reto tanto para o profesorado como para o centro, xa que require o uso duns recursos en constante cambio e mellora e que requiren unha elevada cualificación por parte do profesorado así como una alta inversión económica. Por iso, o centro vén realizando un importante esforzo económico para dotar dos recursos tecnolóxicos necesarios que garanten a dotación e o mantemento da infraestrutura TIC no centro, facilitando, deste xeito, a conversión centro educativo tradicional en Centro Educativo Dixital (CED).
-
Equipamento: proxectores, taboleiros dixitais, ultra portátiles de alumnos/as e profesores/as, mobles con bandexas para a recarga, cámara de vídeo, equipamento radio ...
-
Infraestruturas: CPD, cabreado e canalizacións, acondicionamento de aulas, instalación eléctrica ...
-
Conexión: á rede de Educación e a internet.
Durante os últimos anos, o centro formou parte do programa Abalar dende a súa primeira convocatoria e ,posteriormente, no curso 2020-21, o centro foi elixido para participar no programa E-dixgal. Paralelamente, a través de distintos plans de formación, procurouse incluír de xeito regular algunha liña de formación co obxectivo de mellorar a competencia dixital dos docentes. En canto ao alumnado e familias, programáronse charlas relacionadas con uso seguro da Internet e, derivado da situación Covid, formación específica para as familias a través do CFR de referencia e da Aula Virtual do centro
O PD contribuirá cos distintos plans recollidos no Plan Educativo favorecendo o desenvolvemento dos seguintes obxectivos:
- Plan Anual do DO: promover á Innovación Educativa.
- Proxecto Lingüístico: utilizar as tics para motivar e mellor a competencia lingüística do alumnado.
- Plan de convivencia: velar pola igualdade, fomentar as relacións positivas, colaborar no desenvovlemento da cultura do coidado mutuo..
- PXA: mellorar a formación do alumnado e do profesorado no campo da tecnoloxía, consolidará BE como fonte de recurss de información e dinamizadora da actividade educativa cultural, impulsar o desenvolvemento de proxectos de mellora (Contrato Programa), organizar e actualizar os materiais e recursos do centro, ...
PROCESO DE ELABORACIÓN
Para a elaboración deste Plan Dixital creouse un grupo de traballo dentro dunha liña específica de formación do PFPP 21-22 deseñado no centro. Dito grupo estivo formado por catro membros do claustro que representan todos os sectores organizativos do centro: dirección, persoal docente, Coordinador Tic e distintos equipos de dinamización do centro.
A metodoloxía empregada para acadar os obxectivos consistiu na realización dunha secuencia didáctica en cinco pasos: Análise individual, reflexión conxunta, deseño , revisión e mellora.
Partindo dunha análise individual e unha posta en común, planificáronse e elaboráronse as diferentes fases do Plan dixital seguindo as pautas de traballo establecidas polo equipo Adix de referencia. Este deseño levouse ao claustro para a súa avaliación incorporando as propostas ao deseño final.
