1. Introdución
1.1 Datos básicos do centro
CEP Antonio Magariños Pastoriza. (36000478)
Dirección: Avenida de Vilariño 29 Cambados CP 36630 Pontevedra.
cep.antonio.magarinhos@edu.xunta.gal
https://www.edu.xunta.gal/centros/cepantoniomagarinos
O colexio é un centro de Educación Primaria de liña dous que conta cun total de 180 alumnos/as e con 21 mestres.
1.2 Contextualización do Plan Dixital no centro. Contribución ao Proxecto Educativodo Centro
A maoría das familias teñen un nivel socioeconómico medio. Moitas familias contan cun nivel de estudos básico e hai unha porcentaxe significativa que son fillos de funcionarios e outros profesionais do sector servizos, así como mariñeiros e agricultores.
Cómpre salientar, que nos últimos anos a porcentaxe de familias estranxeiras incrementouse no centro.
Os proxectos cos que contamos no centro e aos cales o PD vai contribuír é o Proxecto Elisa ou a participación en Depoemprende.
No vindeiro curso incluiranse na PXA os obxectivos do Plan de Acción, os cales se acadarán a través de diversas actividades que se levarán a cabo ao longo do curso. Estas actividades recolleránse no presente PD.
Articulado concreto dos Decretos autonómicos no que se recolle a obriga de inclusión do PD no Proxecto Educativo:
Artigo 34.1 do DECRETO 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia.
Artigo 14 da ORDE do 26 de maio de 2023 pola que se desenvolve o Decreto 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia e se regula a avaliación nesa etapa educativa.
1.3 Breve xustificación do mesmo
Este Plan dixital está adaptado ao establecido na seguinte normativa:
Art. 111 bis, Art. 121 e Art. 132 da LO 2/2006, de 3 de maio, de Educación
Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022.
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
1.4 Proceso de elaboración
O método de traballo que empregamos foi acudir ás reunións por webex requeridas, así mesmo, fixéronse diversas chuvias de ideas nas que participaron todos os membros do grupo, para posteriormente, a cordinadora do Plan Dixital, elaborar os documentos que se subían a aula virtual e; finalmente, grazas a eses documentos, recoller toda a información no PD.
2. Situación de partida
2.1Infraestrutura, equipamento e servizos dixitais
Descrición xeral acerca da infraestrutura dixital do centro: Todas as aulas contan con conexión a internet por cable. As aulas da entrada principal, tanto as da planta baixa como as da 2º planta contan con wifi. Así mesmo, este curso na planta baixa do centro instaláronse uns repetidores wifi que permiten a conexión wifi no despacho de dirección, sala de profesores e biblioteca.
Equipamento dispoñible e identificación dos usos segundo as seguintes categorías: aulas abalar (5º e 6º) contan con sendos carritos abalar, os cales teñen ordenadores que non funcionanno seu 95%, así mesmo, os titores de 5º e 6º contan con un ordenador portátil, todas as aulas teñen un ordenador de mesa conectado por cable e un cañón proxector con PDI.
Na biblioteca hai un ordenador que empregan os mestres e en ocasións o alumnado pode buscar información. Hai 3 equipos para uso de mestres na salas de profesorado e un ordenador no departamento deorientación, así como unha aula de informática.
Servizos dixitais educativos: entre os servizos corporativos ou non corporativos que se empregan destácanse a páxina web do centro, aula virtual, espazoAbalar, Abalarmóbil,…).
Xestión do mantemento do equipamento do centro: Contamos con un informático que nos repara os diferentes equipos dixitais cos que contamos e con un coordinador TIC.
