Datos básicos do centro
- O CENTRO
Nome: CEIP Plurilingüe O Ruxidoiro
Enderezo: Rúa Ruxidoiro 2, As Lamas, 32890, Barbadás
Páxina web:http://www.edu.xunta.gal/centros/ceiporuxidoiro/
Enderezo electrónico: ceip.oruxidoiro@edu.xunta.gal
O CEIP Plurilingüe O Ruxidoiro está situado no barrio de Barbadás en Ourense
- PROFESORADO
O centro conta, desde o último catálogo de postos de traballo, 6 unidades Educación Infantil e 12 de Educación Primaria. Para cubrir ditas unidades hai os seguintes postos de traballo: 8 de Ed. Infantil; 12 de Ed. Primaria (4 delas bilingües); 2 de Ed. Física; 1 de Ed. Musical; 2 de Lingua Inglesa; 1 orientadora; 3 Pedagoxía terapéutica (dúas delas compartidas); 2 Audición e linguaxe (unha en comisión de servizos que comparte coas funcións de Dirección);1 mestra de PT e AL de atención preferente e 1 de Ed. Relixión Católica. Todas as prazas do catálogo (menos 1 de Ed. Primaria) estarán cubertas por profesorado propietario definitivo. feito que redunda nunha mellora da calidade educativa ofertada e garante a continuidade dos proxectos.
- ALUMNADO
O centro, actualmente, acolle a un total de 341 alumnos/as. A pesar do descenso da natalidade dos últimos anos, observamos que o número de matrículas mantense no centro, sobretodo en primaria.
- PERSOAL NON DOCENTE
O persoal non docente está formado soamente por un conserxe, unha administrativa, dúas coidadoras, e tres limpadoras.
Contextualización do Plan Dixital no centro
- Características socioeconómicas e culturais do contexto do centro
Os veciños de Barbadás traballan fundamentalmente na construción, o comercio, os servizos e a industria, quedando nas últimas décadas a agricultura e a gandería relegadas aos últimos lugares do ranking municipal das diferentes dedicacións laborais. Atopámonos con que a maior parte dos pais e nais do alumnado só posúen os estudos elementais ou medios, sendo unha minoría os que realizaron estudos universitarios. Con todo isto podemos concluír que o nivel socieconómico e cultural das familias é, en xeral, mediobaixo.
- Contribución do Plan Dixital ao Proxecto educativo de centro
En plena era dixital é imprescindible adaptar a educación á vida cotiá das persoas, de maneira que non só adquiran coñecementos, senón que estos sexan útiles para adquirir competencias e habilidades. A competencia dixital está presente na realidade das nosas vidas e, como tal, debe ser potenciada nos centros educativos, tanto, como recurso facilitador do proceso ensino-aprenidzaxe, como obxectivo competencial para resolver situacions cotiás na vida do nosos alumnado.
O centro ten como fins educativos:
- Formar persoas competentes en todos os ámbitos e capaces de resolver situacións cotiás en contextos diversos e actuais, e comprometidos coas responsabilidades colectivas.
- Proporcionar unha educación de calidade para que todo o noso alumnado alcance o máximo desenvolvemento persoal, intelectual, social e emocional, independentemente da súa condición e circunstancias.
Por iso, faise preciso, por tanto que o sistema educativo dea resposta a esta realidade e inclúa un enfoque da competencia dixital máis actualizado, acorde coas recomendacións europeas relativas ás competencias clave para a aprendizaxe permanente. O desenvolvemento da Competencia Dixital é clave para que, tanto o profesorado como o alumnado, podan desenvolverse nesta nova situación, de maneira que o alumnado poda aplicar as competencias e habilidades do século XXI, e o profesorado poda mellorar e modernizar os procesos de ensino-aprendizaxe.
Xustificación do Plan dixital
A competencia TIC consiste esencialmente en dispor de habilidades para buscar, obter, procesar e comunicar información, e para transformala en coñecemento. Por tanto, o dominio e a alfabetización TIC converteuse nunha ferramenta instrumental imprescindible. Ademais, a natureza complexa e globalizadora da competencia dixital contribúe ao desenvolvemento do resto das competencias clave, especialmente a competencia en comunicación lingüística, a competencia social e cidadá e a competencia para aprender a aprender. Asemade, as posibilidades didácticas e pedagóxicas que nos ofrecen o acceso e xestión da información e do coñecemento, conceden a esta competencia un peso específico como eixe transversal dentro da actividade docente. Todo iso esixe transformacións metodolóxicas que afectan á globalidade do proceso educativo nos seus aspectos metodolóxicos, organizativos, de xestión e curriculares. É precisamente esta transcendencia global das novas tecnoloxías o que xustifica a confección deste plan como documento de referencia que recolla e regule todos os aspectos relativos a esa transformación dixital no centro.
Proceso de elaboración
O presente Plan Dixital elaborouse a través do itinerario Análise da competencia dixital do centro e elaboración do plan dixital, dentro do PFPP de centro durante o curso 2021-2022. Para a súa elaboración e coordinación distinguimos tres fases ou momentos no desenvolvemento do mesmo:
a) 1ª Fase: Análise.
Completando e detectando as necesidades, debilidades e problemas que necesitan accións concretas no centro. Fase en constante evolución. A través da ferramenta SELFIE e do Test de Competencia dixital do profesorado, determinamos as prioridades e establecer os seguintes niveis de planificación (programas e accións) que marcarán o plan de traballo do centro no seu proceso de cambio e mellora, en definitiva, unha boa estratexia para mellorar a dixitalización do noso centro.
b) 2ª Fase:
Recollida dos datos e elaboración da análise DAFO para centrar as debilidades, fortalezas, oportunidades e amaezas. Deste modo, este análise permitiunos establecer un punto de partida das necesidades do centro.
c) 3ª Fase
Avaliación dos resultados do curso 2022-23 e actualización do plan de acción para o curso 2023- 2024. Estas accións teñen asociado un obxectivo medible, real, planificado e axustado ás necesidades de centro detectadas. Determinaranse unha serie de indicadores para medir a súa consecución durante a súa implantación e avaliación a final de curso.
