Plan do centro
Vixencia
Introdución
Contexto DAFO
Obxectivos
Seguimento
O procedemento de seguimento será a través das datas estipuladas para cada unha das accións recollidas nos distintos obxectivos do plan de acción do noso Plan Dixital.
O Equipo de DInamización do Plan Dixital, cunha reunión trimestral, e unha reunión formal mensual coa persoa mentora do Plan DIxital, que ao estaren no centro por ser o noso centro Rede DixitalGal, existen breves reunións de distintas cuestións referidas a aspectos relacionados co Plan Dixital.
A persoa coordinadora do Plan Dixital, xunto co equipo directivo, seguen o cumprimento daqueles obxectivos que se están a realizar e que van concretándose a través das súas accións.
O plan de acción no primeiro trimestre desenvolveuse sen dificultade agás nalgún obxectivo que non se realizaron as accións correspondentes. Así por exemplo, aquelas accións dirixidas á información ao Claustro e de formación, realizáronse seguindo o estipulado.
Realizouse unha reunión cos membros do EDPD e mensualmente coa persoa mentora Adix do PD que nos mantiña informados das distintas cuestións a considerar no desenvolvemento do mesmo e coa que se consultaban as dúbidas.
Neste trimestre os obxectivos plantexados foron acadándose, agás algún puntual. Este progreso quedou reflectido nos indicadores dos distintos obxectivos ao igual que nos seguimentos das distintas accións plantexadas no noso plan de acción.
Iniciouse a solicitude de formación para potenciar os polos creativos, aspecto que consideramos moi importante.
O obxectivo 1 (asignar ao profesorado un tempo dentro do horario lectivo para emprego da aula de informática), non se levou a cabo xa que por motivos de espazos, a aula de informática vai ser empregada para inglés, aínda así seguen quedando horas para un futuro intento.
A creación do banco de recursos humanos supuxo unha iniciativa ca que se pretende mellorar o intercambio e achegamento de toda a comunidade educativa, coa participación de varias persoas da comunidade que poden resultar enriquecedoras. Neste caso temos exemplos de que se empregaron neste trimestre, coma a visita da universidade en infantil para empregar a tarxetas “tecla tecla” e en 5º de Primaria na que asistiu unha nai a impartir formación de programación en dúas sesións.
Dende o primeiro momento procuramos a utilización dos servizos e recursos dixitais para un intercambio e colaboración con toda a comunidade educativa, que participa de maneira activa na vida diaria do centro a través de obradoiros ou charlas co alumnado sobre distintas temáticas. Valoramos a sinerxia de apertura do noso centro á comunidade.
Tamén destacar desenvolvimos o Obxectivo de formación do profesorado, solicitando xa o PFPP sobre Plan dixital e Polos Creativos. Esta formación foi complementada para o alumnado con formación sobre seguridade na Rede con varias sesións propostas para o alumnado de 5º e 6º de Primaria, entre as que descansan:
- Charlas da Policia Nacional ao alumado de 6º de Primaria dentro do programa Ciberexperto que consiste en 5 sesións de formación entre os meses de outubro e febreiro.
- Charlas desde o concello de Ourense sobre ciberseguridade para o alumnado de 5º e 6º de Primaria.
- Visita ao autobus de ciberseguridade sitado no mes de novembro no Concello de Ourense para o alumnado de Primaria.
- Participación en outubro do alumnado de 6º de Ed. Primaria na III Edición do concurso de ciberseguridade no cole promovida por el Nodo Gallego de Ciberseguridad CIBER.gal en el marco del III Encuentro CIBER.gal.
- Visita a un contacontos sobre ciberseguridade para o alumnado de 5º de Ed. Primaria no centro e para 6º de Ed. Primaria en Santiago de Compostela desenvolvido por AMTEGA.
O plan de acción no segundo trimestre desenvolveuse sen dificultade agás nalgún obxectivo que non se realizaron as accións correspondentes. Así por exemplo, aquelas accións dirixidas á formación, realizáronse seguindo o estipulado. Neste trimestre os obxectivos plantexados foron acadándose, agás algún puntual. Este progreso quedou reflectido nos indicadores dos distintos obxectivos ao igual que nos seguimentos das distintas accións plantexadas no noso plan de acción. Os obxectivos nos que traballamos nestre trimestre foron:
Como centro pertencente á Rede DixitalGal formamos parte da pilotaxe do aplicativo Educalidade, que será a plataforma na que subiremos os distintos plans de centro, comezando co PD o curso pasado e incluindo este ano outros plans como o de atención a diversidade, Plan de Biblioteca ou Plan de Igualdade, que facilitará o seu seguimento e implementación. Fixémonos ao seu uso incluíndo os plans do noso centro nel cos seus obxectivos e accións correspondentes. O seguimento do mesmo resultaba doado xa que permite incluír revisións en cada acción e un seguimento trimestral.
Neste trimestre recibimos a formación sobre os Polos Creativos ademais dos seus Kits singulares. Os cales intentaranse ir traballando ao longo do terceiro trimestre. Tamén contamos con recibir o resto de material de Polos Creativos no terceiro trimestre. Ademais o alumnado de 6º de Educación Primaria traballaron coas tarxetas "tecla - Tecla" prestadas polo CFR de Ourense para facer diversos xogos e aprender a programar diversos xogos en Scratch.
Terminamos a formación do alumnado sobre seguridade en Internet desenvolvida dende setembro no centro ao alumnado de 6º de Educación Primaria que complementa coa formación que xa recibiron primeiro trimestre sobre esta temática.
Por último tamén desenvolvimos a actividade para a conmemoración do día da Muller, o 8 de Marzo, no que as aulas procuraron información e fixeron vídeos sobre diferentes mulleres que teñen unha rúa en Ourense e engadiuse un QR nas rúas preto da escola para que a xente que lle interese poda acceder a información desenvolvida polo alumnado.
Avaliación
Cada un dos obxectivos propostos neste plan ten unhas accións e uns indicadores específicos que axudarán a determinar si foi acadado ou si é preciso realizar variacións
no plantexamento destas accións durante o curso para que as propostas se materialicen. Esta revisión levarase a cabo durante o proceso (avaliación procesual) polo menos unha vez ao trimestre para o que o coordinador do Plan Dixital, xunto co equipo TIC ,e en coordinación co equipo directivo valorarán o estado de execución das accións tendo en conta ao responsable de cada obxectivo. Farase unha análise e valoración dos resultados e, de ser o caso, as posibles modificacións das accións e as propostas de mellora para o vindeiro curso.
Comunicación e difusión
A continuación preséntase unha visión xeral do plan de traballo que permita a difusión continua dos resultados e produtos obtidos durante a realización do proxecto, buscando a mellor maneira de facelos chegar a toda a comunidade educativa.
O plan de difusión considérase un documento vivo, en continua evolución, que se actualizará periodicamente.
O principal obxectivo para a difusión do plan dixital céntrase en dar a coñecer os resultados do mesmo a toda a comunidade educativa. Para iso procuramos levar a cabo as seguintes accións:
-
Publicouse a primeira versión do plan dixital na páxina Web do centro.
-
Envío de mensaxes a través de Abalar móvil ás familias informando da súa publicación.
-
Envío de información a través das RRSS.
-
Envío do plan dixital por correo electrónico aos membros do claustro e do Consello Escolar.
-
Participación en xornadas onde se poidan mostrar os avances do plan dixital.
Elaboración de pósters ou dípticos coa información mais relevante para expoñer no tablón de anuncios do centro e para enviar á comunidade educativa.
As presentes accións constitúen unha referencia para as actividades de difusión, non obstante, poden sufrir variacións, para conseguir unha maior difusión entre a comunidade educativa.
A partir deste curso 2023/2024, as familias poderán visualizar o Plan Dixital e ver o seu seguemento dende este aplicativo, usando a seguinte ligazón en aberto: https://www.edu.xunta.gal/educalidade/BuscaPlanAction?codPlan=1&codConvocatoria=132&codCentro=32015669