O IES Eduardo Blanco Amor de Ourense ubícase no barrio da Ponte, un barrio urbano, que mantén unha identidade marcada por edificios emblemáticos como a estación de Renfe, praza de Abastos, Centro Cívico da Ponte, Centro Lusquiños, asociación Frei Canedo e outras asociacións que fan que este barrio teña certo dinamismo cultural e comercial.

O desenvolvemento do PD ten unha liña paralela ao noso proxecto Educativo de centro, xa que se relaciona con moitos programas de éxito educativo en marcha no noso centro entre os que destacamos o STEMBach, o proxecto Edixgal, contratos programa Innova, Observa - Acción, Plan Proxecta, acreditación de linguas estranxeiras. Todos estes proxectos contribúen a mellorar as posibilidades do alumnado e a calidade do ensino.

Este dinamismo sería imposible se non tivésemos un profesorado involucrado, se temos recursos máis adecuados, as condicións de traballo mellorarán facilitando a aprendizaxe do alumnado.

A contextualización normativa en relación co Plan Dixital do noso centro:

• Os artículos 111 bis, 121 e 132 da Lei Orgánica 2/2006, do 3 de maio. Estes artigos recollen os protocolos e formatos para o intercambio de datos entre sistemas de información das Administracións educativas. Os entornos virtuais de aprendizaxe empregados nos centros docentes sostidos con fondos públicos facilitarán a aplicación de plans educativos específicos deseñados polos docentes para a consecución de obxectivos concretos no currículo. O proxecto educativo do centro recolle unha estratexia dixital de centro, tendo en conta a contorna social, económica, natural e cultural do alumnado do centro, e o entorno máis inmediato, e que compensará as carencias que puideran existir ou presentarse. Este proxecto educativo terá como o maior representante do centro á Directora que debe ser coñecedora de todas as súas competencias.
• A resolución do 3 de setembro de 2021, da Secretaría Xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022. Plan Dixital que foi implementado nos dous cursos académicos seguintes, e sometido a unha revisión continua para coñecer os obxectivos acadados, total ou parcialmente.

O equipo dinamizador do Plan Dixital deste curso 23/24 está  formado por  profesorado do Centro. Unha vez marcados os obxectivos do plan dixital, fixaremos as accións correspondentes para cada un deles. O seguimento do mesmo será un dos puntos fundamentais do traballo a desenvolver polo equipo de dinamización, xunto coa posta en marcha das medidas contempladas no PD.

Os pasos que nos levaron ata a elaboración do actual Plan Dixital de centro baséanse na modificación dos obxectivos iniciais e na elaboración de outros novos, tendo en conta as propostas de mellora feitas no curso 2022_23, facendo así un PD máis activo, e actualizado.

 O equipamento dispoñible no centro é:

• A infraestrutura dixital do centro: conectividade, infraestruturas de voz e de datos tanto conexións cableadas e sen fíos. Rede inalámbrica: Edixgal, edu.xunta.gal e a rede cableada por DHCP, a rede WiFi do centro . Temos un rack principal en Oficinas e varios switch no centro, en varias estancias.
•  Dúas aulas de Informática (Informática 1 e Informática 2) con un total de dezanove e vinte e dous postos respectivamente.
•  As aulas dixitalizadas, co proxecto E-Dixgal reúne a todos os niveis da ESO, cos seus carros de carga correspondentes.
• Os equipos de xestión e administración son tres en Oficinas, un na Conserxería e catro que corresponden ao Equipo Directivo.
• Os equipos da Biblioteca son cinco en total .
•  E os equipos para uso na sala de profesorado son catro, e dous máis nunha estancia ao lado da Sala de Xuntas.
• En cada Departamento hai un equipo que se vai renovando periódicamente dos reciclados das aulas onde se cambian máis habitualmente. Non hai mobilidade de equipos ultraportátiles para  aulas.
•  Os servizos dixitais educativos que dispoñemos no centro, e que case todo o Equipo Educativo coñece, son os servizos corporativos ou non corporativos e que van facilitar a xestión docente: a páxina web do centro, correo electrónico (edu.xunta.gal), Aula virtual, E-Dixgal, Espazo Abalar, Abalarmóbil, Abalar Pro e Agueiro, algúns destes servizos moi empregados por parte do profesorado e dunha gran cantidade de responsables do alumnado do centro e o propio alumnado.
• A xestión do mantemento do equipamento do centro ven a resolverse do xeito que segue por agora: o profesorado cubre un parte que deixan na Conserxería coa información do lugar e o problema, revísase a incidencia por algunha das persoas encargadas das TIC do centro e ponse e solución ou infórmase á Administración educativa, sección UAC ou servizo Premium, segundo corresponda, e tamén contamos cun servizo de mantemento privado, que ven un día semanalmente durante dúas horas.
• Neste centro non se conta con ordenadores de emprego público para consultas ou matriculación.

O seguemento do Plan Dixital e a consecución de obxectivos será valorada polo equipo de dinamización do PD, que reunirase en dúas ocasións máximo por trimestre analizando o estado de execución das accións, a análise e valoración dos resultados e, de ser o caso, as posibles modificacións das accións e as propostas de mellora.

Esta avaliación procesual poderase facer mediante respostas directas ás táboas de obxectivos ou mediante enquisas breves expostas na Aula Virtual e cuxos resultados faremos públicos á Comunidade Educativa, según corresponda.

Queremos deixar constancia de que o traballo do equipo de dinamización do PD non está enmarcado dentro de ningún PFPP nin os membros integrantes teñen redución horaria, polo que o traballo que se faga será según disponibilidade voluntaria dos membros deste equipo.

No curso 23_24 foron acometidas diferentes accións, todas de gran interese e repercusión para a comunidade educativa. As mais destacables foron as relativas ao uso de plataformas dixitais para a comunicación entre a comunidade educativa e a implantación de diferentes proxectos ligados á creatividade de profesorado e alumnado (dende o grupo de traballo da Educación Responsable, dende a Biblioteca e dende o grupo de traballo dos Polos Creativos).

Tamén destacaremos a renovación dos equipos informáticos do centro, inda que estamos á espera das tan prometidas pizarras dixitais de última xeración que esperemos cheguen o vindeiro curso.

As charlas ligadas á formación do bo uso das redes sociais foi moi ben aceptada polo alumnado e será otra vía de acción para o vindeiro curso.

As liñas de acción propostas polo equipo do Plan Dixital para o vindeiro ano son:

• Aumentar o número de profesorado que fai uso das plataformas de comunicación dixital.
• Posibles cursos de formación ligados ao uso de Abalar, Agueiro, Proens,... (ferramentas dixitais da Xunta de Galicia).
• Charlas de difusión de boas prácticas no uso do mundo dixital.
• Teremos en conta tamén outras propostas que vaian xurdindo ata a definición do PD 24_25.

No caso de recibir as pizarras dixitais de última xeración tamén deberemos propoñer formación asociada ás mesmas.

Faremos traslado ao organismo correspondente das propostas de mellora ou peticións que o Claustro do IES Blanco Amor de Ourense fai respecto á plataforma ABALAR.

A estratexia que se define para difundir o plan dixital á comunidade educativa será o que segue:

A primeira versión do PD foise elaborando ao longo do curso 2021_22, a partir da formación dun grupo de traballo formado por sete profesoras comprometidas na mellora do centro. Este grupo de docentes revisou os datos obtidos na análise DAFO correspondente, analizou gráficas e seleccionou aqueles obxectivos que atenderan á mellora clara da práctica docente e do proceso de aprendizaxe.

Ao profesorado achegouselle a información a través do taboeiro na sala de profesores. O Plan Dixital enviouse polo correo electrónico ao claustro e publicouse na web do centro para poder ser consultado por todos os membros da comunidade educativa.

Progresivamente e a medida que se foron cumprindo os tempos, informuse ao claustro a través do correo e dun Informe feito público na sala de profesores.

No actual curso, 2023_24, fíxose unha adaptación do PD en base aos obxectivos cumpridos nos cursos previos e á proposta de mellora feita na memoria do PD do curso 2022_23. Esta adaptación do PD foi comunicada ao claustro e aprobada polo Consello Escolar nas datas correspondentes, que figuran no apartado "Vixencia", e pode ser consultada na plataforma EDUCALIDADE e na páxina web do centro a través do correspondente hipervínculo.