O Centro, para o que se desenvolve este Plan Dixital, é un CEIP de carácter público, dependente da Consellería de Educación da Xunta de Galicia situado no Concello de Muíños. O Centro atópase no pobo de Mugueimes e foi inaugurado no ano 1973. Pola súa situación o seu contorno é un medio rural, formado por varios pobos dispersos dos que proveñen a maioría dos alumnos/as a excepción de catro alumnos/as que residen no mesmo núcleo, por esta circunstancia todo o alumnado acude ao centro en transporte escolar e fai uso do servizo de comedor.
As TIC están presentes no día a día da sociedade actual e, por tanto tamén na nosa contorna, polo que entendemos que o seu uso e aproveitamento debe ser algo presente, de forma natural, no proceso de ensino-aprendizaxe do centro. O uso común de medios deste tipo nas nosas accións diarias para comunicarnos, crear e compartir ou buscar información debe reflectirse no medio educativo, e ademais con elementos de mellora na calidade do ensino que posibilitan o acceso a información tanto para o profesorado como para o alumnado.
O uso dos medios informáticos, xa dende a etapa de Educación Infantil, é algo habitual no centro, que trata de aproveitarse dos avances tecnolóxicos en pos de conseguir un ensino de maior calidade. Así por exemplo, nos últimos catro cursos desenvolveuse un PFPP cunha liña denominada “Dinamización da biblioteca escolar a través das TIC”, co que se pretende unha alfabetización dixital desde as primeiras etapas educativas, centrada en que o alumnado comprenda o papel creativo e comunicativo das ferramentas tecnolóxicas, máis alá dun uso de lecer pasivo e do consumo de contidos. Entendemos que a capacitación tecnolóxica e o uso destes recursos, como elementos motivadores e estimuladores do aprendizaxe, son esenciais para o desenvolvemento da competencia dixital.
Nos últimos cursos, a consecuencia da COVID-19 o uso das tecnoloxías dixitais fíxose aínda máis patente no centro. No Plan de continxencia establecéronse unha serie de medias que se adoptarán no caso de suspensión da actividade lectiva e que inclúen as tecnoloxías dixitais, para así facer efectivo o ensino non presencial e a comunicación coas familias. Establécese, entre outras cousas, que o profesorado preferentemente a través da aula virtual do centro determinará as tarefas que deberá realizar o alumnado garantindo a adquisición das aprendizaxes e a avaliación continua.
Por todo o exposto con anterioridade, para a elaboración do Plan Dixital do noso centro basearémonos nos principios, obxectivos e referentes que a continuación se indican:
a) A resposta á realidade social resultante do uso xeneralizado das tecnoloxías de información e comunicación en múltiples aspectos da vida cotiá.
b) O enfoque cara unha comprensión integral do impacto persoal e social da tecnoloxía e unha reflexión ética acerca da relación entre tecnoloxías, persoas, economía e medio ambiente.
c)A transformación dixital que inclúa unha visión da competencia dixital máis moderna e ampla, acorde coas recomendacións europeas relativas ás competencias clave para a aprendizaxe permanente.
a) Facilitar a integración e o desenvolvemento das tecnoloxías dixitais nos procesos formativos e optimice a xestión dos recursos humanos e materiais do centro.
b) Promover o uso das ferramentas de avaliación e diagnose dos centros educativos respecto á competencia dixital.
c)Mellorar a competencia dixital dos membros da comunidade educativa .
d)Definir o equipo responsable de dinamización do Plan Dixital e a súas funcións.
a) A transformación dixital dos centros educativos atenderá ás tres dimensións: pedagóxica, tecnolóxica e organizativa.
b)Análise do centro baseado en sete elementos: Infraestrutura, Liderado e Gobernanza, Ensino e Aprendizaxe, Desenvolvemento Profesional, Avaliación, Contidos e Currículo, así como Redes de Apoio e Colaboración.
