Situación de partida Infraestrutura, equipamento e servizos dixitais ¿ Infraestrutura Infraestrutura de datos: temos conexión a internet en toda a escola principalmente por Wifi, aínda que tamén por cable (bibliotea, dirección, aula de desdobramento, aula de 3 e 4 anos). Infraestrutura de voz: temos dous teléfonos inalámbricos, os cales teñen cobertura en toda a escola. ¿ Equipamentos do centro por categorías: O total de equipamentos que temos, e empregamos a diario, no centro son 33 ordenadores (21 portátiles e 12 de mesa). Ademais tamén contamos cunha cámara de fotografía, con 5 tarxetas de memoria, 5 USB e 5 impresoras (2 blanco e negro e 3 decor). Salientar que todo pertence a escola, debido a que non estamos inscritos en ningún proxecto do cal poidamos dotarnos de material TIC. ¿ Todas as aulas están dixitalizadas tanto con conectividade (sen cableado) a rede, tendo cada unha o seu proxector e o seu taboleiro dixital. Así isto axuda moito a traballar de maneira máis significativa e interactiva co alumnado da nosa escola. Así cóntanse cun total de 5 portátiles e 5 encerados dixitais. ¿ Na biblioteca tamén contamos cun ordenador de mesa e unha impresora. Este emprégase principalmente para actualizar o catálogo de libros, para consulta e para o préstamo. ¿ En canto a administración e xestión do centro, ó ser unha escola de poucas unidades, todo recae no despacho de dirección contando para elo tamén cun ordenador de mesa e unha impresora. Ademais de estar alí situados os dous teléfonos da escola (inalámbircos). ¿ Para o uso na Sala de Mestres contamos con dous equipos de mesa e con dúas impresoras. ¿ No centro tamén contamos cunha aula de informática a cal está formada por 8 equipos de mesa, tendo cada un deles tamén uns cascos para poder escoitar distintos recursos multimedia. A maiores temos 16 portátiles Abalar.

¿ Servizos dixitais educativos: A xunta dota os centros de moitos servizos corporativos que facilitan a xestión docente como son: ¿ O correo electrónico edu.xunta.es ¿ A páxina web do centro: CEIP Virxe da Pena da Sela (xunta.gal) ¿ Aula virtual ¿ Blogs das aulas: As trapalladas do Irixo, As aventuras do Irixo, As Cativadas do Irixo, Bilbiogreta, SeteLúas). ¿ EspazoAbalar ¿ AbalarMóbil As propostas a mellorar destes servizos principalmente sería a app Abalar, xa que estaría moito mellor para os mestres/as poder ter, ó igual que os pais e nais, a aplicación nos nosos teléfonos móviles e non ter que empregar un ordenador sempre. Ademais, en canto a servizos non corporativos, no noso centro empregamos Whatsapp cun grupo para falar entre o profesorado da escola, debido a que é máis rápido e directo. ¿ Xestión do mantemento do equipamento do centro: Por un lado, a xestión dos equipamentos fainos o director do centro. Por outro para o mantemento o director chama a un técnico externo á Consellería sempre que é necesario, debido a que a UAC tarda moito tempo para resolver as incidencias ou problemas que poidan xordir na nosa escola. ¿ Enlaces a protocolos do centro relacionados coas TIC:

Plan de Acción 3.1. Obxectivos, indicadores e accións A partir da análise DAFO establecemos na elaboración do Plan de Acción, as seguintes áreas prioritarias cos seus correspondentes obxectivos. Todos eles reflectidos nas táboas que se presentan a continuación.

Unha avaliación procesual, ao longo de cada trimestre, no que se iremos vendo o estado da execución das accións, analizaremos e valoraremos os resultados e buscaremos, de ser o caso, as posibles modificacións que teñamos que facerlle ao plan e incorporaremos propostas de mellora.

E unha avaliación final ao final de cada curso escolar. Na que se analizarán a consecución ou non dos obxectivos propostos e se fará unha proposta de mellora de cara ao vindeiro curso.

Ao longo do primeiro trimestre o primeiro obxectivo do plan dixital, colaborar con institucións alleas ao centro educativo, empezou a levarse cabo xa que o colexio solicitou dous Plans Proxecta, Protexe os Animais e Plan de Vida Activa e Deportiva, por medio dos cales seguimos a colaborar coa protectora local, Arume, e coa Agrupación Deportiva Arenteiro. Así mesmo, todo o profesorado do centro utiliza dende setembro redes colaborativas profesionais coma o espazo Abalar para comunicarse coas familias.

En canto ao segundo obxectivo, crear e seleccionar recursos dixitais apropiados para o alumnado de cada aula, parte do profesorado seleccionou recursos dixitais que publicou nos blogs do centro, pero apenas se crearon recursos dixitais polo momento.

O obxectivo número tres, formar sobre novas modalidades de aprendizaxe do uso da tecnoloxía dixital, está programado para o segundo e terceiro trimestre dentro do PFPP que estamos a desenvolver no centro.

No obxectivo catro, adoptar innovacións educativas, só se levou a cabo polo momento a primeira acción (Inscribirse en actividades formativas para aprender e poder empregar todas as oportunidades que nos ofrecen as TIC), xa que non se fixo un horario para a aula de informática nin se creou unha escola de pais e nais para informar sobre os perigos das pantallas.

O obxectivo número cinco, promover o uso de ferramentas e plataformas dixitais promovidas pola administración educativa, conseguiuse dende o primeiro momento xa que tanto no primeiro claustro coma na reunión feita coas familias do alumnado antes de comezar as clases explicouse que o uso de Abalar era unha ferramenta fundamental de comunicación entre o profesorado e as familias do centro.

Por útilmo, o obxectivo seis, conseguir que o alumnado se autoevalúe e coevalúe empregando ferramentas dixitais, non se conseguiu en parte xa que non se elaboraron rúbricas dixitais, pero si se creou un espazo Maker, que é a principal novidade na biblioteca do centro, e introduciuse nese espazo tamén a robótica.

No segundo trimestre o primeiro obxectivo do plan dixital, colaborar con institucións alleas ao centro educativo, seguiuse a desenvolver facendo actividades sobre a protectora e organizando actividades deportivas a través da Agrupación Deportiva Arenteiro. Non houbo ningún cambio en canto ás redes colaborativas profesionais.

En canto ao segundo obxectivo, crear e seleccionar recursos dixitais apropiados para o alumnado de cada aula, parte do profesorado seleccionou recursos dixitais que publicou nos blogs do centro, pero apenas se crearon recursos dixitais polo momento. A situación é exactamente a mesma que no primeiro trimestre.

O obxectivo número tres, formar sobre novas modalidades de aprendizaxe do uso da tecnoloxía dixital, conseguiuse xa que dous mestres do centro impartiron sesións de docencia sobre a gravación dunha curtametraxe e sobre programas de edición de vídeo.

No obxectivo catro, adoptar innovacións educativas, non houbo ningunha modificación con respecto ao conseguido no primeiro trimestre: só se levou a cabo polo momento a primeira acción (Inscribirse en actividades formativas para aprender e poder empregar todas as oportunidades que nos ofrecen as TIC), xa que non se fixo tampouco un horario para a aula de informática nin se creou unha escola de pais e nais para informar sobre os perigos das pantallas.

O obxectivo número cinco, promover o uso de ferramentas e plataformas dixitais promovidas pola administración educativa, volveuse a lograr no segundo trimestre a través do uso diario de Abalar tanto por parte das familias coma do profesorado.

Por útilmo, o obxectivo seis, conseguir que o alumnado se autoevalúe e coevalúe empregando ferramentas dixitais, non se conseguiu en parte xa que non se elaboraron rúbricas dixitais, como xa se comentou no seguimento do trimestre anterior pero si se creou un espazo Maker, que é un éxito rotundo xa que parte do alumnado do centro prefire utilizalo nos recreos en vez de saír ao patio, e introduciuse nese espazo tamén a robótica nalgunhas sesións de primaria.