1.1. Datos básicos do centro
Nome do centro: CEIP Plurilingüe de Monforte de Lemos
Dirección: Ronda de María Emilia Casas Baamonde s/n Monforte de Lemos (Lugo)
email: ceip.monforte@edu.xunta.gal.
Páxina web: https://www.edu.xunta.gal/centros/ceipmonforte/
Etapas educativas: Infantil e Primaria
N.º de Alumnado: 285
N.º de Profesorado: 30
1.2. Contextualización do Plan Dixital no centro.
Contribución ao Proxecto Educativo do Centro
O CEIP Plurilingüe Monforte (Colexio Novo) xorde como resposta á necesidade de trasladar dous antigos centros de ensino (San Antonio e Sagrado Corazón), situados no casco urbano de Monforte a un novo edificio, que subsana as deficiencias de espazos e/ou condicións “físicas” destes (falta de patios de lecer, edificios moi antigos e de difícil illamento térmico, ...), acadando unha clara mellora das condicións , instalacións e distribución de espazos na que os alumnos e profesorado traballan diariamente. A día de hoxe, acolle a documentación procedente de ámbolos dous centros nomeados e do centro de Educación Infantil Caixa Galicia, que desapareceu, como tal, xa hai varios anos. Situación: O CEIP Plurilingüe Monforte situase na zona norte da cidade, a carón da Rolda Mª Emilia Casas Baamonde e do Río Cabe, relativamente cerca do centro urbano, de onde provén a maior parte do seu alumnado. Titularidade: É un colexio público e, en consecuencia, está baixo a titularidade da Consellería de Cultura, Educación e Universidade, da Xunta de Galicia. A meirande parte do alumnado é monfortino; procedente do casco urbano (temos unha clara minoría procedente das aldeas e parroquias), pero tamén acollemos, e cada vez máis, alumnado doutras comunidades e doutros países (especialmente suramericanos, romaneses e marroquís). O nivel económico e socio-cultural das familias é moi diverso o que permite, en certa medida, equilibrar os niveis de aprendizaxe. No centro conviven en harmonía distintas relixións, culturas e tipos de familias.
Este Plan Dixital de Centro enténdese como un instrumento que debe favorecer e promover o uso dos medios dixitais tanto nos procesos de ensino-aprendizaxe como no resto de procesos de xestión do centro, sempre co fin último de colaborar no desenvolvemento integral do alumnado. Por iso, debe ser un instrumento que se integre no Proxecto Educativo, no Proxecto de Dirección e na Programación Xeral Anual. Ademais, é fundamental dotar ao Plan Dixital dun foco central na utilización dos recursos pedagóxicos dixitais dispoñibles para aproveitar ao máximo as súas posibilidades, para que se converta nun proxecto compartido por todos os membros da comunidade educativa, que dea coherencia e guíe o emprego das tecnoloxías. Será un instrumento que forma parte do Proxecto Educativo, do Proxecto de Dirección e da Programación Xeral Anual (PXA).
1.3. Breve xustificación do mesmo
A xustificación normativa deste plan está recollida nos seguintes artigos e disposicións:
Art. 111 bis, Art. 121 e Art. 132 da LO 2/2006, de 3 de maio, de Educación
Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022
1.4. Proceso de elaboración
Este plan dixital foi elaborado a partir das actividades propostas polo mentor ADIX do noso centro e colgadas no aula virtual habilitada a tal efecto.
2. Situación de partida
2.1. Infraestrutura, equipamento e servizos dixitais
Descrición xeral acerca da infraestrutura dixital do centro
Neste curso 2023-2024 o noso centro forma parte da rede EDIXGAL, temos conectividade wifi en todo o centro e todas as aulas cableadas.
Equipamento dispoñible
Todas as aulas de infantil e primaria contan con equipo para o profesorado, ademáis de paneis dixitais interactivos. As aulas de 5º e 6º contan con equipamento Edixgal completo. O equipo directivo conta con equipo para uso persoal e impresora. O profesorado conta con 3 equipos fixos na sala de mestres conectados á impresora en conserxería. A biblioteca conta cun equipo fixo para xestión da biblioteca, catro equipos portátiles e duas tablets. Contamos cun aula TIC/idiomas con 22 equipos fixos para uso do alumnado e un aula de informática que se emprega para actividades extraescolares con equipos antigos.
Servizos dixitais educativos: servizos corporativos ou non corporativos que facilitan a xestión docente No centro emprégase o plataforma XADE para a xestión docente e de aula, e o servicio de Abalar para a comunicación coas familias. Contamos con páxina web corporativa e aula virtual en moodle. Xestión do mantemento do equipamento do centro. O mantemento do equipamento do centro realízase por parte do coordinador TIC/Edixgal co apoio de outro profesorado do centro, do asesor Abalar de zona, da UAC e do servizo Edixgal Premium.
