Os lugares de procedencia do alumnado son maioritariamente da comarca de Monforte e arredores, vivindo a maioría no núcleo urbano. Tamén é certo que hai alumando doutras localidades limítrofes, mesmo pertencentes a outros concellos. En torno ao 15% do alumnado proveñen de países estranxeiros, entre os que destacan Romanía, Marrocos, Venezuela e República dominicana.
A realidade lingüística do alumnado é que maioritariamente fala castelán, empregándoo como instrumento diario de comunicación, sendo o coñecemento da lingua galega inferior ao esperado. En relación ao alumnado estranxeiro, boa parte non posúe un dominio en ningunha das dúas linguas oficiais (galego/castelán), presentando problemas de comprensión oral e expresión escrita, resultado indispensable a adopción de medidas especiais que os axuden a superar esta situación.
O nivel socioeconómico e cultural do alumnado do centro situaríase nos seguintes valores aproximados:
- O 62,5% do alumnado situaríase nun nivel medio
- O 25% do alumnado situaríase nun nivel medio-baixo
- O 12,5% do alumnado situaríase nun nivel medio-alto
Polo tanto, a realidade socioeconómica e cultural maioritaria do alumnado situaríase nun nivel medio.
Entre as familias do alumnado, que posúen unha formación académica entre medio-alta e básica, abundan as profesións pertencentes ao sector servizos, especialmente ao pequeno comercio local, profesións liberais e funcionarios. Tamén hai numerosas familias de procedencia estranxeira que se ocupan en traballos relacionados co coidado de persoas maiores ou servizo doméstico.
Predominan as familias nas que conviven os pais cun ou dous fillos, pero tamén hai familias monoparentais e algunhas desestruturadas por diversos motivos.
En canto ás familias de procedencia estranxeira, soe ser frecuente que nelas non sempre convivan todos os membros da unidade familiar debido, sobre todo, a cuestións laborais e culturais.
En canto a xustificación o PD aséntase sobre o indicado en:
- Art. 111 bis, Art. 121 e Art. 132 da LO 2/2006, de 3 de maio, de Educación
- Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
- Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022
O Equipo de Dinamización do Plan Dixital está composto por membros do Departamento de TICs e a directora do centro. A elaboración foi realizada maiormente pola coordinadora coa colaboración do resto dos membros en sucesivas reunións que se realizaron ao longo do curso.
