Este CEIP, aínda que pertence ao concello de Lugo, está situado a 7 quilómetros do centro da cidade, quedando ubicado no límite do Concello, nunha zona totalmente rural, escolarizando só ao alumnado de aldeas próximas na súa maioría. Ofértanse servizos de comedor e transporte.
A efectos de funcionamento considérase un centro rural, aínda que a efectos administrativos pertenece ao concello de Lugo. Existe moita diversidade: desde altas capacidades ata alumnado de educación especial. O fracaso escolar considérase medio-baixo debido ás dificultades para as aprendizaxes escolares, sobre todo nas competencias básicas e nas aprendizaxes instrumentais.
No curso 2023/2024 conta cunha matrícula de 130 alumnos e alumnas, sendo 18 mestras/es (2 itinerantes e 4 con xornada reducida).
O centro conta con cinco edificios:
- Edificio central: destinado a despachos administrativos, conserxería e sala de mestres.
- Edificio das escolas antigas: destinado a aulas e biblioteca.
- Edificio dereito: destinado a aulas, comedor, cociña e sala de caldeira.
- Edificio esquerdo: destinado a aulas.
- Pista polideportiva cuberta.
Contextualización do plan dixital no centro. Contribución ao Proxecto Educativo do Centro.
A finalidade do noso Centro educativo é que o alumnado aprenda e se forme como indviduo da sociedade na que vive. En consecuencia, a propia organización vai mellorando a través da súa práctica e da reflexión sobre ela, así como das relacións que establece coa súa contorna.
O Plan Dixital de Centro debe encaixar no contexto institucional máis amplo que vén recollido noutros documentos institucionais, como o Proxecto Educativo de Centro e ambos os documentos deben estar en total consonancia e ser complementarios.
Situación de partida.
A dotación tecnolóxica do centro presenta numerosas deficiencias. Os ordenadores a disposición do alumnado teñen dificultades á hora de conectarse, avaríanse con frecuencia e dificultan sobremanera a impartición das materias que pretenden facer uso deles. Para o mantemento dos equipos contratouse os servizos dunha empresa informática.
En canto á conectividade, vía WIFI temos conexión máis ou menos estable en todo o centro, funcionando a antiga rede ED, a rede xunta.es e a rede abalar. As aulas, despachos e biblioteca conéctanse tamén por cable.
O profesorado emprega na sua maior parte os servizos que ofertan as Aulas Virtuais da Consellería. Tamén hai profesorado que mantén os seus blogs de aula para o desenvolvemento do traballo diario.
O equipo directivo mantén actualizado un blog (aloxado en Google) do centro en lugar da web corporativa, dada a facilidade para colgar os contidos do primeiro. Tamen se dispón doutro blog para contidos da biblioteca e do EDLG. O Equipo de Actividades Extraescolares e Complementarias difunde en RRSS (Facebook, Twitter e Instagram) todas as actividades realizadas no centro.
O CEIP Plurilingüe Manuel Mallo Mallo entrou fai dous no Programa E-Dixgal polo que actualmente se aplica nos cursos 5º e 6º de Educación Primaria.
Como medio de comunicación entre a administración e o profesorado e como ponte de enlace coa Consellería -equipo directivo-, miembros del claustro, administración, dispoñemos do correo corporativo, que se emprega tamén para comunicación ao profesorado e familias. Con esta últimas, e para enviar comunicados de diferentes ámbitos embregamos a aplicación Abalarmobil.
O centro conta cos debidos protocolos relacionados coas TIC.
