1.1. Datos básicos do centro
O CEIP Plurilingüe Santo Estevo de Parga está situado no Concello de Guitiriz, provincia da Lugo. Escolariza alumnado de parroquias do rural e do núcleo urbano e doutros concellos limítrofes, contando así cunha matrícula de 50 nenos/as, distribuídos da seguinte maneira: 15 alumnos/as de Educación Infantil e 35 alumnos/as de Educación Primaria. Así mesmo, o claustro está formado por 7 docentes de todas as especialidades para ambas etapas.
Ficha técnica de interese:
1.2. Contextualización do Plan Dixital no centro. Contribución ao Proxecto Educativo do Centro
Nas súas proximidades do centro encontramos un gran patrimonio cultural, natural e social, debido en gran parte pola influencia da Ruta da auga e riqueza cultural térmica e a gran biodiversidade que o acompaña. A localidade é coñecida pola explotación de granito- extracción e transformación (Ingemarga),no pasado polos campos de adestramento militar.Destaca tamén polo sector lácteo e polo sector turístico da Feira de Parga e paso do Camiño de Santiago.
A realidade socioeconómica é variada, dedicándose unha gran parte da poboación á traballo na industria, agricultura e gandería, mais tamén nos atopamos con traballadores de empresas do pequeno e mediano comercio.
A nivel lingüístico a poboación maioritaria usa o castelán como idioma habitual aínda que tamén posúe competencia, cando menos verbal, para expresarse en lingua galega. Con isto, a lingua vehicular do centro é o galego, tal e como se manifesta no Proxecto Lingüístico (Decreto 79/2010).
Neste contexto o presente Plan Dixital atenderá ás circunstancias que rodean a situación ambiental do centro, respectando as directrices enmarcadas no Proxecto Educativo e no Plan Xeral Anual para o curso 2022/2023. É por iso que a mellora da competencia tecnolóxica será un pilar neste ano académico desenvolvendo iniciativas que, integradas nos demais plans e proxectos do colexio, serán fundamentais no cumprimento de obxectivos establecidos en materia dixital.
Algunhas destas iniciativas van dirixidas a combater certas problemáticas observadas ao longo destes anos de pandemia, como poden ser a fenda e a competencia dixital. A COVID-19 deixou ver o baixo nivel educativo que existe na adquisición desta competencia, acentuando así mesmo a chamada fenda dixital, que ante a necesidade imperante do momento fixo que se acrecentase máis se cabe as desigualdades e o contraste no manexo de novas tecnoloxías.
Esta situación reforza o noso afán de involucrar a toda a comunidade educativa no desenvolvemento deste Plan Dixital. Dende o CEIP Plurilingüe Santo Estevo de Parga sempre nos implicamos na integración das TIC na aula, por iso participamos en diferentes formacións e programas que axudan ao alumnado e profesorado a formarse e coñecer este novo paradigma educativo.
1.2. Breve xustificación do mesmo
A Lei Orgánica 3/2020, do 29 de decembro, pola que se modifica a Lei Orgánica 2/2006, de 3 de maio, de Educación (LOMLOE), establece que nos centros educativos se promoverán o uso das tecnoloxías da información e a comunicación (TIC) na aula como medio didáctico apropiado e valioso para levar a cabo tarefas de ensino – aprendizaxe utilizando os marcos de referencia da competencia dixital que orienten a formación inicial e permanente do profesorado e faciliten o desenvolvemento dunha cultura dixital nos centros e nas aulas (Art. 111 bis). Este proceso respectará o proxecto educativo do centro onde se recolle a estratexia dixital do centro (Art. 121).
Do mesmo modo, a Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022, implanta a elaboración de Plans Dixitais nos centros seguindo as directrices recollidas na Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital.
1.4. Proceso de elaboración
O deseño do Plan Dixital de centro trata de recoller as ideas principais, determinar as prioridades e establecer os niveis de planificación (programas, proxectos, obxectivos e/ou accións) que marcarán o plan de traballo do equipo docente no seu proceso de cambio e mellora. Desta forma, a participación do equipo directivo no proceso de deseño e implementación do Plan Dixital é clave, tanto pola visión global que pode achegar, como pola capacidade para mobilizar recursos da organización e de xerar liderados distribuídos que permitan o cambio atendendo a procesos democráticos. A coordinación TIC tamén exercerá de guía e asesor no desenvolvemento da planificación de cara ao curso académico 2022/2023, ademais de participar na elaboración debido ao coñecemento e desempeño dos recursos tanto materiais como humanos en material dixital e educativa.
Con esta organización o Plan Dixital deberá permitir á comunidade educativa:
- Entender a importancia das novas tecnoloxías neste novo paradigma educativo.
- Coñecer os obxectivos formulados para a consecución da competencia dixital.
- Implicarse no desenvolvemento tecnolóxico do centro.
