O centro está situado no concello de Guitiriz o cal pertence á provincia de Lugo e á comarca da Terra Cha. Esta vila termal, de 294 km² de extensión, delimita cos concellos de Xermade, Vilalba, Begonte, Friol (pertencentes á provincia de Lugo); Sobrado, Curtis-Teixeiro, Aranga e Monfero (da provincia de A Coruña). O Concello conta con máis de 5.000 habitantes e divídese en 18 parroquias que posúen un gran Patrimonio Histórico-Cultural. É un concello moi extenso e disperso.
O alumnado que temos na actualidade provén na súa maioría do entorno rural, aínda que curso a curso increméntase o número de familias que cambia a súa residencia para o centro urbano da vila.
O PD atópase na súa segunda fase, momento no que o estamos a integrar nos diferentes plans cos que se está a traballar no centro; esta integración das novas tecnoloxías pretende achegar tanto ó alumnado coma ó profesorado unha serie de ferramentas que fagan máis atractivo, áxil e eficaz o proceso de ensinanza-aprendizaxe.
O cambio que está a vivir o centro estes últimos anos trouxo consigo unha profunda renovación do proxecto educativo. A integración das novas tecnoloxías é un dos puntos máis significativos desta modernización.
O Plan Tic, está formado por diversos obxectivos que permiten ó alumnado adquirir unha competencia dixital óptima antes de rematar esta etapa educativa. Tamén pretende ser unha achega as familias, que as axude e anime a iniciarse e experimentar as avantaxes do uso das novas tecnoloxías como medio de consulta e comunicación.
Actualmente estamos no segundo ano do proxecto E-Dixgal polo que temos catro aulas totalmente equipadas e o alumnado conta co seu propio equipo. Xa superado o primeiro ano podemos dicir que a resposta por parte de alumnado, profesorado e familias está sendo moi positiva.
Para a elaboración do PD decidimos xuntarnos os integrantes do Equipo de Tics e realizar as reunión pertinentes para levalo adiante e informar ó claustro de todas as medidas a tomar.
Ademais estamos a facer un PFPP onde se integran o equipo anteriormente citado e outro profesorado do centro interesado no mesmo.
A normativa en relación co Plan Dixital do noso centro:
-
Art. 111 bis, Art. 121 e Art. 132 da LO 2/2006, de 3 de maio, de Educación. Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
-
Resolución de 6 de junio de 2023, de la Dirección General de Ordenación e Innovación Educativa por la que se dictan instrucciones para el desarrollo de las enseñanzas de educación infantil, educación primaria, educación secundaria obligatoria y bachillerato en el curso académico 2023/24.
