1. Breve xustificación.
Na lexislación vixente establécese que o Proxecto Educativo recollerá a estratexia dixital do centro. Confórmase este Plan como unha ferramenta fundamental no centro para o fomento da investigación e innovación, a formación do profesorado, a xestión e organización interna, a compensación de desigualdades e a inclusión, etc. Ten un papel importante no desenvolvemento dos proxectos elaborados a nivel de centro.
En relación á normativa vixente, o presente Plan Dixital (en diante PD), contextualízase nas disposicións normativas seguintes:
- Ley Orgánica 2/2006, de 3 de maio, de Educación (LOE).
- Lei Orgánica 3/2020, de 29 de diciembre, pola que se modifica la Lei Orgánica 2/2006, de 3 de mayo, de Educación (LOMLOE).
- Decreto 150/2022, de 8 de setembro, polo que se establece a ordenación e o currículo da educación infantil na Comunidade Autónoma de Galicia.(Art.30).
- Orden de 30 de mayo de 2023 por la que se desarrolla el Decreto 150/2022, de 8 de septiembre, por el que se establece la ordenación y el currículo de la educación infantil en la Comunidad Autónoma de Galicia y se regula la evaluación en esa etapa educativa. (Art. 12 y 15).
- Resolucuón do 6 de xuño do 2023, da Dirección Xeral de Ordenación e Innovación Educativa, pola que se ditan instrucións para o desenvolveento das ensinanzas de educación infantil, educación primaria, educación secundaria obrigatoria e bacharelato no curso académico 2023/24.
- Resolución do 3 de setembro de 2021, da Secretaría Xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
Contextualizando a situación da escola destacamos que afrontamos este curso 2023-2024 un gran cambio. Todo o persoal docente comezou novo neste Centro. Porén este Plan require de reflexión e debate do equipo docente sobre o emprego das novas tecnoloxías nesta etapa e cómo adaptalas ao noso alumnado e ás súas características e necesidades individuais. Asemade, tamén queremos aproveitar tódolos recursos que a Escola ten á nosa disposición para tirarlles o maior aproveitamento posible tanto coas crianzas coma para elaborar materiais para as aulas.
Na actualidade, a Escola conta con un equipamento non consignado nun inventario, entre o que destacaremos o equipo croma, a cricut e a impresora 3D. Nestes equipos é onde queremos centrar a formación relacionada coas mestras implicadas no PFPP. Tamén contemplamos outros obxectivos de cara ás crianzas e as súas familias que se desenvolverán grazas á formación recibida para o uso destes equipos. A idea sería dispór de ferramentas tecnolóxicas a disposición do alumnado para facilitarlle o coñecemento do entorno cercano e mesmo do mundo.
Contribución do PD á Programación Xeral Anual do curso 23/24
A contribución do Plan Dixital á Programación Xeral Anual do curso 2023/2024:
- As accións de mellora e obxectivos presentadas no actual documento que constitúe este plan.
- A contribución que, de maneira transversal, se fai sobre aspectos relativos ao uso do equipamento do centro.
Proceso de elaboración
O presente Plan foi elaborado coa intención de dar continuidade ao iniciado polo anterior claustro e ampliar as posilibidades de uso e coñecemento dos medios dos que dispón a Escola. Ao inicio do curso 2023-2024 estudouse a posibilidade de realizar un PFPP para dar continuidade ao PD. Neste momento, as persoas implicadas no desenvolvemento do PD están a modificar e revisar os obxectivos de dito Plan, para levar a cabo os obxectivos en desenvolvemento do curso anterior así coma fixar novos obxectivos para o curso actual.
Os documentos de informe SELFIE e do test CDD, realizados no curso 2021-2022, actuaron como documentos de referencia para xerar unha análise DAFO que favoreceu a reflexión sobre a situación do centro no contexto da dixitalización, e a elaboración final do Plan Dixital de Centro orixinal en termos de fixación de obxectivos e actuacións de mellora.
