Datos básicos do centro
O Instituto de Educación Secundaria “Afonso X O Sabio” de A Barcala, está situado no Concello de Cambre, municipio da provincia de A Coruña.
Encóntrase a 12 km da cidade de A Coruña e está comunicado pola estrada N-550, pola autoestrada A-9 e varias estradas locais. Ata a Barcala pode accederse mediante transporte público cada 15 minutos. O instituto conta tamén cun servizo de transporte para o alumnado que o precise.
A maior parte do alumnado do centro provén do concello de Cambre dos tres CEIPS que o centro ten adscritos na actualidade: o Wenceslao Fernández Flórez de Cambre, O Graxal e Portofaro do Temple. O alumnado dos ciclos formativos provén tanto do concello de Cambre coma dos concellos limítrofes.
Os datos do centro son os seguintes:
Dirección
Rúa Río Sil, nº 9
15660 - A Barcala (Cambre)
Teléfono: 881.880.339
E-mail: ies.afonsoxcambre@edu.xunta.gal
Páxina Web: http://www.edu.xunta.gal/centros/iesafonsoxcambre/
No IES Afonso X O Sabio impártense dous tipos de ensinanzas:
- Obrigatorias: ESO (ensino secundario obrigatorio)
- Post-obrigatorias:
- Bacharelato nas modalidades:
- Humanidades e Ciencias Sociais.
- Ciencias da Natureza e da Saúde.
- Ciclo Formativo de Grao Medio de Xestión Administrativa.
- Ciclo Formativo de Grao Superior de Administración e Finanzas.
- FP Básica de Informática de Oficina.
No centro hai en total 784 alumnos e alumnas no curso 2023/2024. O claustro está composto por 91 membros.
O Centro conta no seu cadro de persoal con dous auxiliares administrativos, dous membros de persoal subalterno e catro persoas no equipo de limpeza. Hai tamén unha coidadora para atender ao alumnado dependente. No presente curso hai ademais unha auxiliar de conversa de inglés.
Contextualización do Plan Dixital no centro. Contribución ao Proxecto Educativo do Centro
O I.E.S. “Afonso X O Sabio” está situado, dentro do Concello de Cambre, nunha contorna urbanizada, cunha poboación de arredor de 7.000 habitantes. O contexto socioeconómico é medio, e o alumnado mostra coñecemento e interese polas novas tecnoloxías.
O centro recolle no seu PEC a vontade da comunidade educativa de apostar polas tecnoloxías da información e comunicación adaptadas aos contextos de ensino aprendizaxe. Está a facerse un esforzo específico na adecuación dos medios dixitais dispoñibles co aumento de actividades que capaciten aos alumnos para o seu uso.
Na programación xeral anual especifícase no obxectivo 1: Continuar coa renovación pedagóxica, apostando polo dominio das novas tecnoloxías o cal supón dar unha importancia prioritaria ao desenvolvemento dos plans de dixitalización do centro co apoio do profesorado e da administración.
Ademais o instituto é un centro moi dinámico que participa en múltiples programas e convocatorias, entre as que cabería citar a concesión do Premio Innovagal 20-21, Seccións Bilingües, Programas Europeos (Erasmus+ KA1 e KA2), EDIXGAL ou Clubs de Lectura e de Ciencias, entre outros.
Proceso de elaboración
Para a elaboración do Plan Dixital formouse a principios do curso 2021/2022 un Grupo de Traballo (PFPP) composto por 7 docentes do centro.
Do traballor realizado nese curso académico, fíxose unha análise DAFO e definíronse unhos obxectivos a acadar durante o curso 2022/2023.
A comezo do curso 2023/2024, o Grupo de Traballo reúnese e define, empregando os datos da análise DAFO, novos obxectivos a acadar durante o curso atendendo ás indicacións proporcionadas dende o equipo ADIX.
Fases do proceso:
- Revisión do Análise DAFO realizado no curso 2021/2023.
- Realización dun Plan de Acción definindo os obxectivos e as accións a seguir durante o curso 2023/2024 tendo en conta a Análise DAFO e os obxectivos xa acadados no curso 2022/2023.
- Realización da versión 2.0 do Plan Dixital.