1. Introdución1.1. Datos básicos do centro O noso centro atópase na vila de Padrón, máis especificamente na Rúa do Carme. Conta cun total de 24 mestres e mestras e 261 alumnos e alumnas, impartindo as etapas de Educación Infantil e Educación Primaria. En concreto, o centro conta con tres unidades de E.I. e once unidades de E.P. A nosa dirección de correo electrónico é a seguinte: ceip.flavia@edu.xunta.es e o teléfono de contacto é 881 86 62 45. A educación entendémola dunha maneira global como o desenvolvemento da personalidade humana, debendo ser a actividade escolar un medio para acadala. Toda a actividade do centro está presidida polo respecto aos dereitos individuais, baseada na tolerancia e principios democráticos de convivencia, fomentando a solidariedade, a cooperación, a paz,... Fomentamos o respecto polas persoas, pola natureza e polas cousas, así como a colaboración, as actitudes non discriminatorias e a responsabilidade. Fomentamos a participación activa da Comunidade Escolar na xestión do centro, de acordo coas disposicións vixentes. Son principios irrenunciables a liberdade de conciencia de alumnas e alumnos e profesorado así como o respecto pola súa integración e dignidade persoal. A contorna do colexio e as particularidades socioculturais e lingüísticas de Galicia serán de obrigada referencia en todos os actos e programacións deste centro. O noso centro traballa xa nas liñas de: benestar emocional, alimentación saudable, relacións afectivo-sexuais e prevención do mal uso do internet ou redes sociais a través de diferentes programas da Consellería de Educación e Formación Profesional e outros a través do Concello de Padrón.
1.2. Contextualización do Plan Dixital e contribución ao Proxecto Educativo do Centro A procedencia dos alumnos na súa maioría é do entorno rural, viven en casas. unifamiliares. Traballan as grandes empresas da zona e ademais cultivan a terra, en xeral como apoio a economía doméstica. Segundo os datos obtidos da AVALÍA, aínda que non son representativos pero si orientativo, o Índice Socioeconómico e Cultural do Centro(ISEC) está no percentil 452 ( Medio Baixo). Outra parte non menos importante procede do casco urbano. Herbón,Carcacía, A Retén e A Ponte son as áreas de influencia e, ademáis, o centro tamén acolle a alumnos de concellos limítrofes como Dodro, Rois e Pontecesures A relación do Plan dixital co noso proxecto educativo é canto menos, estreita, debido a que o noso obxectivo principal é avanzar na educación e incorporar a tecnoloxía ao noso espazo educativo sempre de forma segura e responsable. Creando así contidos dixitais que permitan ao noso alumnado adquirir uns coñecementos enriquecedores no seu proceso de ensinanza-aprendizaxe. En canto á PXA do curso 23/24 incluirá o Plan Dixital establecendo os novos obxectivos para este curso que expoñemos a continuación.
1.3. Breve xustificación: Para poder elaborar o noso Plan dixital debemos ter en conta o marco lexislativo vixente.
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021- 2022.
Artigo 30.1 do DECRETO 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia.
Artigo 15 da ORDE do 30 de maio de 2023 pola que se desenvolve o Decreto 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia e se regula a avaliación nesa etapa educativa.
Artigo 34.1 do DECRETO 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia.
Artigo 14 da ORDE do 26 de maio de 2023 pola que se desenvolve o Decreto 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia e se regula a avaliación nesa etapa educativa.
Proceso de elaboración Para elaborar este documento foron varias as fases que atravesamos. Para iso, combinamos sesión grupais con algunha sesión de traballo individual durante o curso 2021-22. Estas últimas permitían unha revisión profunda dos diferentes avances que íamos experimentando así como unha reflexión individual que despois puxemos en común. Nun primeiro momento empregouse a plataforma SELFIE para analizar o funcionamento dixital do centro dende tres puntos de vista: o do equipo directivo, profesorado e familias. O seguinte paso foi un test de competencia dixital docente que nos permitiu coñecer o noso nivel en canto a competencia dixital. Todo iso empregámolo máis tarde na realización do análise DAFO. Este análise trouxo consigo debates sobre as debilidades, fortalezas, ameazas e oportunidades do noso centro. Levounos a desenvolver un punto de vista realista sobre a propia realidade da escola. E, tendo o DAFO como guía, establecimos unha serie de obxectivos que se recollen posteriormente neste documento. Todos eles medibles, observables, realistas...que permitirán avanzar na dixitalización do centro tendo como obxectivo principal, brindarlles aos nosos nenos e nenas unha formación de calidade e enriquecedora. No pasado curso 2022-23, xa co plan Dixital elaborado, pasamos a implementar o mesmo e a usar esta aplicación para dixitalizalo.
