O centro no que se levará a cabo este Plan Dixital é o CEIP Plurilingüe Ponte de Xuvia. Trátase dun colexio de educación infantil e primaria que actualmente está constituído por 10 unidades, debido a un desdobre realizado  no 4º curso de Primaria, contando ademais cun total de 177 alumnos e alumnas, e máis concretamente nenos e nenas no caso de Educación Infantil e nenos e nenas en Educación Primaria.
O profesorado que traballa no centro é un claustro de 19 mestres e mestras dos cales tres son compartidos con outros centros educativos da zona.O centro conta con xornada única e non ten servizo de transporte nin comedor. As instalacións cumpren os requisitos mínimos establecidos pola lexislación vixente, estando a escola constituída por dous edificios de dúas plantas, un para educación infantil e outro para educación primaria. O primeiro edificio acolle ademais biblioteca, aula de informática, aula de música, pequena sala do profesorado e aula de A.L. Existe ademais Ximnasio cuberto para desenvolver as actividades propias da materia de Ed. Física e onde, ante a falta dun salón de actos, acóllense determinadas celebracións, no caso de que as condicións climatolóxicas impidan facelo no exterior.
A falta de espazo é algo evidente, polo que unha das aulas de Primaria é o espazo que serve como sala de reunións do Claustro e do Consello Escolar.

No Proxecto Educativo de Centro a utilización e aprendizaxe en base ás tecnoloxías se amosa, sobre todo, no apartado referido ao Plan de introdución ás TICs aparecendo no mesmo obxectivos xerais como:

- Contribuír á integración dos novos medios nas aulas.
- Argumentar e demostrar que o futuro das TIC, de cara a servir á sociedade, teñen que asumirse a través de proxectos educativos e desenvolverse dende eles.
- Fundamentar e desenvolver un novo modo de relación entre as TIC e a educación que podemos cualificar de integrador. Ademais, se citan algúns obxectivos específicos do profesorado como:
- Adquirir e actualizar por parte do profesorado os coñecementos teóricos e prácticos así como xerar unha dinámica de autoformación e dun sentido crítico ante as TIC.
- Introducir as TIC no ensino de forma xeralizada como mediador nos procesos de ensino – aprendizaxe.
- Coñecer e usar co alumnado as TIC para descubrir e reforzar contidos curriculares.
- Empregar programas de apoio a alumnos con NEAE.
- Experimentar novos modelos de aprendizaxe alternativos á instrucción directa.
En base a estes obxectivos e, sobre todo, a aqueles dirixidos ao alumnado especialmente no referido ás aprendizaxes adquiridas e aos estilos empregados para o desenvolvemento das mesmas, durante os derradeiros anos no centro estase a traballar dun xeito máis xeralizado por parte do profesorado coas tecnoloxías. Ademais hai que ter en conta que os currículos de primaria inclúen, dentro dos seus contidos e estándares de aprendizaxe, o uso das TIC para acadar os obxectivos de etapa e os titores recollen os mesmos nos seus perfís de área buscando o equilibrio e o correcto desenvolvemento dos perfís competenciais de etapa. Por este motivo, ano a ano imos mellorando os recursos tecnolóxicos existentes no centro e adquirindo tamén materiais que permitan a profesorado e alumnado traballar estes obxectivos relacionados no PEC de centro. Destacando a implicación dos mestres do centro na súa formación individual e a participación dos mesmos nos plans de formación desenvolvidos no centro.
Se pretende que este Plan Dixital siga a contribuír a mellorar o noso centro nestes aspectos e permita un traballo máis organizado e continuado ao longo do tempo, así como que favoreza o descubrimento daqueles aspectos que tanto profesorado e alumnado consideran máis deficitarios á hora de acadar os obxectivos plantexados.No noso centro educativo xa levamos tempo apostando pola utilización da tecnoloxía nas aulas, tanto para o desenvolvemento do propio currículo a través do emprego de múltiples ferramentas dixitais como para o plantexamento das dinámicas de aula ou o apoio á diversificación de actividades.

Á hora de elaborar este Plan Dixital todo o profesorado do centro estivo inmerso nun PFPP nomeado “Análise da competencia dixital do centro e elaboración do plan dixital”, dentro do cal contamos cunha serie de sesións de formación que nos están a ser moi útiles no desenvolvemento do mesmo. Nesas sesións de formación se nos  explicou aos poucos os pasos a seguir na elaboración dos mesmos e, o noso centro, intenta adaptar os contidos destes cursos á nosa realidade actual.
En xeral, o profesorado está a participou activamente tanto na elaboración deste plan dixital (aportando ideas, expoñendo as súas dúbidas e inquedanzas...) como no desenvolvemento do mesmo. Existe un equipo nomeado para o desenvolvemento do Plan que inclúe un representante da etapa de Educación Infantil e un de cada ciclo de cada ciclo de Educación Primara, ademais da figura da directora coma coordinadora.
Así para a elaboración do Plan Dixital, nun primeiro momento o profesorado do centro e o alumnado do 5º e 6º curso de Educación Primaria participaron no desenvolvemento do TestCDD que ofreceunos resultados agrupados da autorreflexión e determinou o nivel de competencia dixital dun xeito orientativo co fin de poder planificar a formación futura do profesorado do centro no ámbito dixital. Os resultados obtidos determinaron que no centro participaron 16 docentes dun total dos 19 que foron convidados. É dicir participou o 84,2% do profesorado. Obtendo unha puntuación media no TestCDD de 91,1 sobre 192, polo tanto obtívose un nivel Integrador/a (B1). Así dos 16 docentes do centro que participaron 4 teñen un nivel de competencia dixital Explorador/a (A2) e 6 teñen un nivel de competencia dixital Integrador/a (B1). A continuación e nun segundo momento, desenvolveuse a análise DAFO dos resultados obtidos a través do TestCDD pola totalidade do profesorado e nunha reunión do claustro que quedou recollida mediante ás respostas do SELFIE e a súa organización na análise de aspectos internos e externos que afectan ao centro e a través da propia aula virtual do mesmo.
Finalmente e co fin de dar forma ao plan de acción que determinará o desenvolvemento do Plan dixital do noso centro a totalidade do equipo docente coordinados polo equipo anteriormente mencionado marcou os obxectivos a  desenvolver e determinou os indicadores e as accións fixadas para o correcto funcionamento do mesmo.

A avaliación do plan dixital será continua e, para levala a cabo, se terán en conta os apartados referidos á avaliación especificados no plan de acción. A avaliación será de dous tipos: - Avaliación procesual, a cal se levará a cabo ao final de cada trimestre e os aspectos a valorar serán o estado da execución das accións, a análise e valoración dos resultados e, de ser o caso, as posibles modificacións das accións e propostas de mellora. - Avaliación final, a cal se levará a cabo a final do ano e se incluirán aspectos como a valoración dos logros dos obxectivos e as propostas de mellora. En base a esta avaliación se desenvolverán os seguintes plans dixitais, os cales incluirán aqueles aspectos valorados negativamente do plan anterior e outros novos que vaian xurdindo ao longo do tempo.

O plan dixital será exposto tanto en claustro como en consello cada ano coa finalidade de dalo a coñecer, explicar a súa finalidade e que se poidan aportar todas as indicacións necesarias para que toda a comunidade educativa poida participar no mesmo e aportar todo o necesario para que se leve a cabo. Ademais, o plan dixital estará dispoñible permanentemente na web do centro para que o poida consultar calqueira persoa e se enviará unha copia á comunidade educativa para a súa difusión.