O noso é un centro cunhas liñas de identidade claras e recoñecibles. A pesares de ter só 8 anos de existencia ou tal vez por iso mesmo, fomos quen de ir construíndo pouco a pouco o centro de desexabamos crear. Non podemos afirmar que chegaramos aínda a ningún punto final, pero si podemos afirmar que somos un centro que pretende ser plurilingüe, dixital, saudable, aberto e comprometido; e todo iso a través da formación e a innovación educativas.

Dende o primeiro momento apostamos pola dixitalización e o traballo nas TICs. Asi:

- Participamos en Edixgal dende o primeiro momento que puidemos facelo.

- Utilizamos AbalarMobil dende hai anos.

- Utilizabamos a AV antes do COVID.

- Estamos no programa DIGICRAFT.

- Desenvolvemos un programa de Robótica Educativa en colaboración coa ANPA dende a creación do centro.

- Temos a nosa modesta emisora de radio, Radio Ü.

- Temos participado e gañado certames de creación de curtas coma "Nós tamén creamos".

- Participamos nos programas Proxecta "Cinema en curso" e "Fotografía en curso".

- Temos un Plan Dixital aprobado e en funcionamento dende hai 6 cursos.

- Utilizamos tablets de xestión da aula para o profesorado.

- Temos dous Espazos Maker no centro. Un máis avanzado na biblioteca. E outro máis "modesto" na zona de infantil.

Entre outras cousas.

O difícil de todo isto é ser capaces de integralo nos distintos proxectos de centro e no desenvolvemento curricular do centro. Nos últimos cursos estamos vivindo non só neste centro, un gran avance neste campo. Puidemos constatalo a través dos distintos PFPP e nos programas internacionais nos que participamos.

A elaboración do novo Plan Dixital supón un aliciente engadido no noso compromiso por avanzar neste ámbito.

Durante estes últimos cursos tamén fixemos un esforzo por crear ambientes de aprendizaxe innovadores que queremos acompañar da metodoloxía e os recursos que nos permitan avanzar na competencia dixital da comunidade.

Durante este curso establecemos a elaboración deste Plan Dixita coma un dos obxectivos a perseguir por parte de toda a comunidade e así o deberá seguir sendo os cursos venideros. Tamén forma parte das nosas liñas de traballo no PFPP e nos programas europeos que desenvolvemos. Tamén fixemos a solicitude para formar parte dos chamados polos creativos.

Podemos polo tanto determinar que este Plan Dixital é consecuencia das nosas características como centro, das nosas intencións e traxectoria.

A elaboración de este Plan seguiu as indicacións e planificación feita pola Xunta de Galicia. Deste xeito, a partires dos datos extraídos das avaliacións SELFIE e e de Competencia Dixital Docente, e coa elaboración dun informe DAFO, estableceus a situación de partida a partir da que establecer obxectivos para a elaboración deste Plan.

Para a avaliación deste Plan tivéronse en conta os seguintes aspectos:

• Realizouse unha avaliación procesual unha vez ao trimestre a través da Comisión de Coordinación Pedagóxica, na que se incluíu o estado da execución das accións, a análise e valoración dos resultados e modificacións das accións e as propostas de mellora.

• Realizouse unha avaliación final que se incluiu na memoria anual do centro cunha valoración do logro dos obxectivos e as propostas de mellora.

O plan desenvolveuse segundo o previsto grazas fundamentalmente ao apoio do asesor ADIX. De todos xeitos, neste ámbito hai moito traballo por desenvolver no futuro e haberá que seguir insistindo no deseño e desenvolvemento de novos obxectivos.

Segundo a análise feita polos distintos órganos do centro, debemos centrar o vindeiro curso a estratexia formativa na inclusión, nas propostas do centro, do material recibido a través do programa de Polos Creativos. Tamén debemos manter ben organizado o material, afortunadamente, cada vez máis abundante.

Este Plan foi presentado para a súa aprobación aos órganos colexiados do centro, colocouse no apatado de documentación na web e os obxectivos de cada curso son publicitados nas reunións respectivas de inicio de curso.