Contextualización do Plan Dixital no centro. Normativa sobre a coordinación e funcións do equipo TIC O equipo de dinamización das TIC é o principal axente impulsor do máximo aproveitamento dos recursos e dinámicas dixitais. A Orde do 17 de xullo de 2007 pola que se regula a percepción da compoñente singular do complemento específico por función titorial e outras funcións docentes (art.8 e art. 14). Competencia dixital e formación do profesorado A pesar da existencia de diferentes niveis de competencia dixital entre o profesorado, existe en xeral unha boa disposición á integración das TIC na aula e tamén cara a auto-formación, sexa asistindo a cursos organizados por organismos oficiais (CFR/CAFI e outros) ou formacións informais ou extraoficiais no propio centro (compartindo ideas ou experiencias TIC, titoriais de uso de ferramentas dixitais ou apps…). Durante o curso 2020/21, a maior parte parte do profesorado definitivo do centro realizou o curso organizado polo CFR de Actualización de ferramentas tecnolóxicas para docentes, que facilitou a formación básica na utilización de Moodle, AbalarMóbil e Falemos. Respecto ao Alumnado: Aínda que en xeral o alumnado do centro utiliza de modo habitual dispositivos dixitais na súa vida familiar e escolar (ordenadores e periféricos, pantalla dixital, tabletas, móbiles,…), cada aula ten asignada unha hora semanal de traballo na aula de informática do centro.
Breve xustificación do mesmo. Lei Orgánica 3/2020, do 29 de decembro e Decreto 105/2014, do 4 de setembro. Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022. Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022. O plan dixital do centro debe contemplar, entre as súas actuacións, estratexias para compensar as desigualdades e reducir a fenda dixital, facilitando a educación dixital nos distintos escenarios (ensino presencial, ensino non presencial e ensino mixto) e poñendo ao dispor do alumnado máis vulnerable dispositivos con conectividade, mediante préstamo, se fose necesario. Por último, o uso das tecnoloxías dixitais por parte do alumnado require unha adecuada formación en cidadanía dixital para conseguir un bo uso e goce das mesmas, garantindo, por unha banda, un desenvolvemento pleno, seguro, saudable e responsable e, por outro, a protección de datos persoais e os dereitos dixitais propios e alleos. Estes aspectos claves para o desenvolvemento integral do alumnado deben ser tamén obxectivos do plan dixital de centro.
Proceso de elaboración. O plan dixital de centro é un instrumento de planificación que debe estar integrado no Proxecto Educativo, segundo se recolle na LOMLOE co fin de desenvolver a competencia dixital da comunidade educativa, promover a innovación e sacar o máximo partido das tecnoloxías da información e comunicación, e dos recursos educativos dixitais. Polo tanto, este plan debe ser construido de forma conxunta, coa participación de todos os sectores da comunidade educativa de forma que se converta nun proxecto compartido. O plan dixital de centro debe permitir á comunidade educativa entender onde está o centro actualmente, visualizar onde quere que chegue e trazar o camiño ata ese fin.
