Contextualización do plan dixital no centro. Contribución do plan ao Proxecto Educativo do centro.

O Centro educativo está situado no núcleo urbano da vila de Ordes, moi preto dos accesos á autoestrada. A pesares de non estar no centro da vila, o centro educativo está moi ben comunicado.

A poboación do noso Centro é de clase media- baixa, cunha porcentaxe considerablemente menor da clase media e alta. Conflúen no noso centro alumnado do núcleo urbano da vila de Ordes e alumnado pertencente ás zonas rurais das distintas parroquias do Concello de Ordes.

As profesións dominantes son obreiros, empregados comerciais, empregadas da confección, persoas adicadas á agricultura e gandería e, en menor medida, profesionais liberáis, funcionarios…

Temos un número importante de inmigrantes: de Marrocos, Venezuela, Colombia.

A elaboración do plan dixital e a súa posta en marcha pretenden contribuír ó proxecto educativo do centro no seguinte sentido:

• Mellorar as instalacións do centro.

• Mellorar as relacións entre todos os membros da comunidade educativa.

• Influír na metodoloxía.

• Contribuír á atención á diversidade e á integración do alumnado.

• Fomentar a actualización e renovación do profesorado.

Xustificación do plan dixital.

Á hora de elaborar o plan dixital, tivéronse en conta os seguintes referentes legais:

• A Lei Orgánica 2/2006 do 3 de maio, de Educación, que no seu artigo 111 bis trata sobre as Tecnoloxías da Información e a Comunicación e recolle información relativa á creación de entornos virtuais de aprendizaxe, á compatibilidade de formatos, á necesidade de que os equipos directivos promovan o uso das TIC e á formación do profesorado.

Por outra parte, no artigo 121 referido ó Proxecto Educativo do centro, establécese que neste documento se recollerá a estratexia dixital do centro. Por último, no artigo 132 referido ás competencias do/a director/a do centro, establécese como función promover a innovación educativa e impulsar plans para a consecución dos fins do proxecto educativo.

• A resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021- 2022.

• A resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de educación infantil, educación primaria, educación secundaria e bacharelato no curso académico 2021- 2022, fai referencia ó uso das TIC como recurso didáctico e como medio para levar a cabo as actividades non presenciais, ó uso dos medios de comunicación corporativos para comunicarse coas familias e ó uso da aula virtual no caso da ensinanza non presencial.

Na súa disposición adicional quinta fai referencia a que cada centro elaborará o Plan Dixital no curso 2021-2022, segundo as instrucións que se diten.

Proceso de elaboración.

Para a elaboración do Plan Dixital seguíronse unha serie de pasos:

• Creación do grupo para o PFPP e creación do Equipo de Dinamización do Plan Dixital.

• Análise da situación do centro a través do Selfie e das opinións dos membros do claustro.

• Creación do DAFO analizando as oportunidades, fortalezas, debilidades e ameazas que se atoparon no centro.

• Elaboración do plan, sendo froito dun traballo conxunto, coordinado e cooperativo.

A avaliación procesual e que se levará a cabo unha vez ó trimestre, valorando cada unha das accións establecidas.

E a avaliación final, na que se fará esa valoración final dos obxectivos establecidos, tendo en conta os indicadores que se mostran na seguinte táboa.

A día 22 de xuño podemos concluír que as accións levadas para desenvolver este Plan Dixital foron satisfactorias. Os obxectivos foron tratados en tódolos seus aspectos, véndonos na obriga de pospoñer algún deles debido a causas externas.

Durante o primeiro trimestre as accións estiveron orientadas cara a obtención de datos co fin de coñecer en profundidade o estado do centro no aspecto dixital, así como iniciamos os trámites para solicitar formación e a renovación de equipamentos. Seguidamente puxemos en marcha as propias actividades de formación, así como a instalación e posta en en funcionamento do equipamento que renovamos. No derradeiro trimestre foronse pechando tódolos ámbitos abertos deste plan. Debemos indicar que no apartado de creación de contidos dixitais, así como a concienciación sobre o uso das novas tecnoloxías foi un traballo contínuo ao longo de todo o curso.

Unha vez avaliado o plan e analizada a consecución dos obxectivos, estableceranse as propostas de mellora oportunas.

Extender as canles de comunicación coa comunidade educativa co fin de facer máis eficiente os recursos tanto técnicos coma no aspecto da formación. Ademais, deberemos ter en conta a aparción da competencia dixital e empregar eses datos como base para mellorar a formación do profesorado.

É importante ter presente que a renovación dos equipos debe manter unha continuidade ao longo dos anos para non quedar obsoletos, polo tanto, a constancia debe ser un factor importante na coordinación deste Plan Dixital.

Este plan colgarase na páxina web do centro para a súa difusión entre a comunidade educativa e formará parte da programación xeral anual do centro.

Divulgarase entre o claustro toda a información relativa ó plan dixital, así como a relacionada coas actividades previstas para a consecución dos obxectivos establecidos.