XUSTIFICACIÓN
Este plan foi elaborado seguindo a Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
Nesta resolución faise mención a todas as leis que establecen a creación deste plan:
A Lei Orgánica 2/2006, do 3 de maio, de Educación, regula diferentes aspectos relacionados coa competencia dixital e a innovación educativa, así no artigo 121 establece que o proxecto educativo do centro recollerá, entre outros aspectos, a estratexia dixital do centro, de acordo co establecido no artigo 111 bis, no que se establece que as Administracións educativas e os equipos directivos dos centros promoverán o uso das tecnoloxías da información e a comunicación (TIC) na aula como medio didáctico apropiado e valioso para levar a cabo as tarefas de ensino e aprendizaxe, utilizando os marcos de referencia da competencia dixital que orienten a formación inicial e permanente do profesorado e faciliten o desenvolvemento dunha cultura dixital nos centros e nas aulas.
O artigo 132 da devandita Lei establece como competencias dos directores e directoras, entre outras, exercer a dirección pedagóxica, promover a innovación educativa e impulsar plans para a consecución dos fins do proxecto educativo do centro; e fomentar a cualificación e formación do equipo docente, así como a investigación, a experimentación e a innovación educativa no centro.
A disposición adicional quinta da Resolución do 17 de xuño de 2021, da Secretaría Xeral de Educación e Formación Profesional (DOG 30 de xuño), pola que se ditan instrucións para o desenvolvemento das ensinanzas de educación infantil, educación primaria, educación secundaria obrigatoria e bacharelato no curso académico 2021-2022, e na disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de formación profesional do sistema educativo no curso 2021-2022 sinala que os centros docentes elaborarán no curso 2021-2022 o seu Plan Dixital de acordo coas instrucións que se diten.
En liña coas orientacións establecidas no Plan de Recuperación e Resiliencia da Unión Europea e no marco do Plan de Acción de Educación Dixital (2021-2027), a Consellería de Cultura, Educación e Universidade (en diante, a consellería) persegue a transformación dixital dos centros educativos de Galicia como organizacións a fin de que sexan dixitalmente competentes nos procesos de ensino-aprendizaxe, de xestión e de relación o que require de un proceso de mellora das competencias dos membros da comunidade educativa que se deberá recoller nun Plan Dixital do Centro como organización.
O Regulamento polo que se establece o Mecanismo de Recuperación e Resiliencia do Consello Europeo do 11 de febreiro de 2021 establece como un dos seus principais eixes a transformación dixital na procura da excelencia, a universalidade e a equidade na educación; que elimina as brechas sociais e territoriais, que incentiva a formación continua e cre no talento, promocionando o emprendemento e a innovación, o reforzo das súas capacidades de investigación e a atracción e fomento da excelencia.
No Plan de Nova Arquitectura Pedagóxica que impulsa a Consellería de Cultura, Educación e Universidade, faise unha clara aposta por espazos ao servizo dos proxectos educativos, sobre todo vinculados á transformación dixital e que sexan xeradores de igualdade e de inclusión. Así como, na Estratexia Galicia Dixital 2030 e na Estratexia Educación Dixital 2030 de Galicia, cara a consecución dunha cidadanía dixital plena.
CONTEXTUALIZACIÓN E CONTRIBUCIÓN AO PROXECTO EDUCATIVO
O actual Plan Dixital vén a plasmar nun documento todo o que se fixo no centro, o que se está a facer, así como os plans de futuro vinculados coa área dixital. É e será unha ferramenta moi útil, xa que organiza e coordina todas os labores vinculados ao eido dixital, e serve para o control e mellora da posta en práctica da Competencia Dixital no noso centro. Unha Competencia Dixital cada vez máis demandada na sociedade actual.
Permitirá tamén darlle unha maior difusión á participación nos proxectos vinculados á biblioteca, ás actividades ERASMUS e eTwining, ... nos que estamos inmersos. Contribuirá a unha maior participación por parte do profesorado neses proxectos e dará unhas pautas concretas na súa organización e posta en marcha.
Fomentaremos a creatividade, a metodoloxía activa, a formación integral do alumnado ... (todos eles fins do noso Proxecto Educativo. E contribuirá ao desenvolvemento dos obxectivos vinculados aos obxectivos do Proxecto Educativo seguintes:
OBXECTIVOS 1. c.-
OBXECTIVOS 3.-
OBXECTIVOS 4.-
OBXECTIVOS 5.-
PROCESO DE ELABORACIÓN
Na nosa organización tivéronse en conta en todo momento as directrices da asesora do CAFI, así como do mentor do Plan Dixital.
Ao comezo do curso, e tras recibir as primeiras instrucións, comezamos coas reunións do Equipo de coordinación do Plan Dixital para determinar cales ían ser os nosos primeiros pasos. Decidiuse levar a cabo un curso de PFPP vinculado a este proxecto para poder dispor de maior información.
Nese novo grupo de traballo (14 persoas) decidimos comezar facendo un calendario de reunións, así como un curso dentro da aula virtual para transmitir a información entre os membros do grupo.
O primeiro paso foi levar a cabo o SELFIE. Unha vez escollidas as preguntas do mesmo, distribuíronse os enlaces para realizalas e procurouse facilitar a súa realización por todos os membros aos que estaba dirixido. Finalmente acadou un 100% de participación.
Rematado o SELFIE comezouse o estudo dos seus resultados. Durante este proceso tivemos que levar a cabo o Test de competencia dixital docente (Levado a cabo polo 72% do profesorado).
Cos resultados do Test de CDD e cos do SELFIE comezamos a elaborar o DAFO do noso centro seguindo as indicacións do noso mentor.
Finalmente, e tras recibir as últimas indicacións do noso mentor, iniciamos o desenvolvemento do plan de acción para acadar os obxectivos marcados a partir do DAFO. Completáronse as táboas do plan de acción e elaboramos os distintos apartados propostos no Plan Dixital.
Desta forma, e tras un traballo en grupo, chegamos a uns acordos e fomos capaces de plasmalos neste documento. Foi un traballo intenso e non con moi poucos atrancos, pero que finalmente demos levado a bo porto.
