O IES Cabo Ortegal (15021755) é un centro público no que imparten docencia 26 profesoras/es aun total de 152 alumnas/os. Atópase situado no Concello de Cariño de 3763 habitantes segundo o padrón municipal de xaneiro de 2021, e con notables deficiencias no que a vías de comunicación ou transporte se refire á hora de salvar as distancias que o separan do núcleos máis próximos.
Con este Plan preténdese dar resposta á realidade social do uso xeralizado das tecnoloxías da información e comunicación, tentando realizar unha transformación dixital que inclúa unha visión máis moderna e ampla.
Os obxectivos principais que se pretenden acadar con el son:
O Plan foi elaborado polo Equipo de Dinamización Dixital, e o proceso ata a súa redación foi o seguinte:
Nun primeiro momento (primeiro trimestre do curso 2021-2022) fíxose unha diagnose de situación de centro con axuda da ferramenta SELFIE na que participaron profesorado, alumnado e os membros do equipo directivo.
Xa ao longo do mes de marzo de 2022 o profesorado realizou a través de fprofe o Test de Competencia Dixital Docente, que permitiu obter un informe individual coa valoración global do nivel competnecial (A1 – C2).
Coa axudas dos informes que nos facilitaron as dúas ferramentas anteriores realizouse un análise DAFO (Debilidades – Fortalezas – Ameazas – Oportunidades) do centro que serviu de base e orientación para fixar as accións a levar a cabo neste plan.
En base á situación do centro e ao informe DAFO propuxéronse varios obxectivos e accións a levar a cabo para a súa consecución, que unha vez postos en común, decidíronse os que formarían parte deste Plan Dixital e que finalmente son os que figuran no Plan de Acción no punto 3 deste documento.
Unha das fontes empregadas para realizar a análise DAFO foi a información do resumo das áreas do informe SELFIE de cada etapa educativa (Ver ANEXO I - Resumo áreas informe SELFIE).
Outra das fontes empregadas para realizar a análise DAFO foi o informe grupaL DO Test CDD de centro (Ver ANEXO II - Informe grupal TCDD).
Realizarase un seguimento trimestral das accións levadas a cabo así como do grao de cumprimento dos obxectivos formulados. De ser necesario realizaranse as modificacións e propostas de mellora necesarias.
Neste primeiro trimestre cabe destacar que o profesorado non solicitou formación na ferramenta Abalar e/ou Ablar Pro, e ademais tampouco houbo demanda de formarse na ferramenta Moodle, polo que toda a formación no eido da competencia dixital se centrou na radio escolar e nas diferentes ferramentas tecnolóxicas dos Polos Creativos das que dispón o centro.
As accións previstas a esta altura de curso realizáronse sen modificacións.
Remátanse as accións previstas sen modificacións.
Para tratar de acadar os mellores resultados deste Plan Dixital, levaremos a cabo unha avaliación continua que nos permitirá saber se os obxectivos propostos o Plan de acción están ben adecuados e se as accións propostas son as correctas.
No relativo á avaliación procesual a frecuencia da súa realización ven reflectida na data de fin prevista de cada unha das accións a levar a cabo, realizándose estas alo menos unha vez ao trimestre, valorándose o seu estado así como a análise e valoración dos resultados acadados. De ser necesario realizaranse as modificacións e propostas de mellora necesarias.
No que respecta á avaliación final, esta realizarase alo menos unha vez ao ano ao rematar o curso escolar, incluíndo a valoración do logro dos obxectivos propostos e as propostas de mellora necesarias que nos permitan afondar nos obxectivos de cara ao vindeiro curso.
En xeral considéranse os obxectivos acadados, aínda que se debe mellorar para tentar acadar o 100% do profesorado que emprega a ferramenta Abalar nas súas comunicacións, así como na optimización da revisión dos recursos tecnolóxicos á hora de detectar necesidades ou actualizacións dos mesmos.
Débense marcar propostas de mellora no referido á revisión do equipamento informático e tecnolóxico, dado que as dúas horas de redución das que dispón o/a coordinador/a TIC son á vista totalmente insuficientes de cara a un correcto e óptimo seguimento e revisión do cada vez máis numeroso equipamento do centro. Para tal fin proporase a contratación dunha empresa externa de modo que mensualmente se faga cargo das revisións e actualizacións necesarias.
Así mesmo vese necesario unha mellora nas comunicacións abalar do profesorado, polo que fomentaremos unha breve formación no uso da ferramenta Abalar de forma que se estableza a prioridade de realizar as comunicacións profesorado titor - profesorado - familias mediante esta ferramenta.
Unha vez aprobado polo Consello Escolar, este Plan Dixital estará a disposición de toda a comunidade educativa na páxina web do IES Cabo Ortegal no apartado “Documentación”, podendo ser revisado en calquera momento se as necesidades do centro así o aconsellan, informando, de selo caso, ao Claustro e Consello Escolar de todas aquelas modificacións realizadas
