Característica socioeconómicas e culturais do contexto do centro

O CEIP Labarta Pose está situado na localidade de Baio, do Concello de Zas, na comarca de Soneira (A Coruña). Esta localidade ten a particularidade de atoparse dividida polo Río Grande en dúas partes, unha pertencente a Zas e outra a Vimianzo. O concello de Zas está situado na zona central da Costa da Morte e linda cos municipios de Cabana de Bergantiños ao norte; Coristanco e Santa Comba ao leste; Mazaricos ao sur e Vimianzo e Laxe ao oeste. Isto fai que teñamos alumnado pertencente ao concello de Zas, de Cabana de Bergantiños e tamén de Laxe principalmente. É un territorio de forma moi alongada na dirección norte-sur. Conta cun total de 16 parroquias e con tres núcleos urbanos destacados, que son Baio, Zas e Brandomil. É un concello eminentemente agrícola e gandeiro, aínda que tamén hai unha poboación adicada á industria, ao comercio e á hostalaría, concentrada, sobre todo, en Baio. A capital municipal é a vila de Zas, situada a 9 quilómetros de Baio Nas últimas décadas, Baio converteuse na localidade con maior desenvolvemento socioeconómico do Concello. Agás neste núcleo, na zona de influencia do colexio a poboación distribúese proporcionalmente por todo o territorio, presentando un tipo de poboamento espallado e polinuclear agrupado en núcleos menores de 100 habitantes na meirande parte.

Contribución do PD ao Proxecto Educativo. Relación con outros Plans e proxectos do centro: traxectoria no ámbito das novas tecnoloxías, programas de innovación nos que participa.

O centro participa no Proxecto Abalar e no proxecto E-Dixgal sendo un centro pioneiro neste eido e participando nas primeiras fases de cada un deles. Este dato danos información sobre a importancia que teñen as TIC´s no noso proxecto educativo e sobre o compromiso de converter as aulas ordinarias en aulas dixitais. Así mesmo o centro participa en proxectos como Voz Natura, Plambe, Biblioteca Creativa, Radio na escola… no que o uso das novas tecnoloxías, aplicacións, medios de difusión tales como blogs, podscats… é fundamental. Este PD contribuirá a acadar aqueles obxectivos ou intencións propostos no Proxecto Educativo.

Obxectivos:

-Somos conscientes da fenda dixital da zona rural onde vivimos, e pretendemos que o noso alumnado teña as mesmas oportunidades que o resto do alumnado, xa que como reza o noso proxecto educativo a educación debe ser un elemento compensador das desigualdades e das carencias do entorno

- Así mesmo pretendemos optimizar todos os recursos dos que dispoñemos e fomentar o uso das TIC´s en actividades propias do E-A: avaliación, metodoloxía por proxectos…

- Seguir empregando as TIC´s como canle de comunicación entre toda a comunidade educativa…

Tendo todo isto en conta na PXA do vindeiro curso teranse que recoller as aportacións e actividades que se levarán a cabo no PD para o curso 2022/23.

Breve xustificación do Plan Dixital.

Para a elaboración do Plan dixital tívose en conta a seguinte normativa:

¿ Art. 111 bis, Art. 121 e Art. 132 da LO 2/2006, de 3 de maio, de Educación

¿ Disposición adicional quinta da Resolución do 17 de xuño de 2021, da Secretaría Xeral de Pax 6 de 22 Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022

¿ Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022

¿ Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.

 Proceso de elaboración

No centro contamos cunha coordinadora TIC que a súa vez é coordinadora Abalar, E-Dixgal e coordinadora do P. D Así mesmo contamos cun coordinador do PFPP encargado do itinerario Actualización do Plan Dixital.. A partires destas dúas figuras e traballando de xeito coordinado coa figura mentor da zona, para o desenvolvemento deste P.D formamos un grupo de traballo que se modificará a principios do curso que vén para levar a cabo todas as tarefas propostas. Durante o primeiro trimestre empregamos a ferramenta SELFIE para realizar unha avaliación inicial de certos aspectos tecnolóxicos do centro. Durante o segundo trimestre o profesorado do centro participou no Test CDD, do que obtivemos os resultados que se adxuntarán nos seguintes apartados. Sumados estes datos aos obtidoa na avaliación inicial reflectida no SELFIE, elaboramos o DAFO ,para en base a el ,establecer o noso plan de acción, xa no terceiro trimestre, e despois de recibir 2 sesións de formación.  Para rematar redactando o presente Plan Dixital, documento vivo que pode sufrir modificacións ao longo do vindeiro curso.

Avaliación procesual: será realizada unha vez por trimestre. Empregaremos a táboa do plan de acción para valorar o estado de cada acción. Lembramos que o presente documento é un documento vivo que pode sufrir todas as modificacións que o grupo considere oportuno. Avaliación final: realízarase ao rematar o curso 22-23 Farase unha revisións da consecución dos obxectivos formulados e realizaranse posibles propostas de mellora. Empregaremos as táboas do plan de acción

En termos xerais o claustro valora de xeito positivo o desenvolvemento do Plan Dixital.  Os obxectivos propostos foron realistas e adaptados a situación actual do centro. O uso do DAFO axudounos moito a facer as propostas realistas e útiles para o Plan Dixital. Ademáis a temporalización do Plan Dixital ao longo do curso foi adecuada xa que nos permitiu conseguir cada obxectivo satisfactoriamente e podendolle adicar o tempo necesario. Unha das actividades que mellor acodillida tivo foi a formación do PFPP sobre protección de datos. Dita información xa a puidemos aplicar ao dereito de rematar a formación mellorando considerablemente a actuación do centro neste eido. Outro dos obxectivos propostos foi a mellora dos equipamentos. Estes equipmentos foron mellorados de varios xeitos, por unha bando a ONG Ayuda en Acción donounos varios equipos para mestres e para a aula TIC do centro e por outra banda, a Consellería de Eduación fixo entrega de varios paneis dixitais para as aulas, novos equipos informáticos para o equipo directivo e equipos para a mellora da conexión WIFI do centro.

O obxectivo relacionado coa elaboración de rúbricas non tivo tanto éxito como os obxectivos anteriores. Por unha banda, non foi proposto da maneira máis adecuada e proveitosa para o profesorado. e por outra decidiuse facelo nunha época moi complicada para o claustro xa que tiñamos que facer as progamacións en PROENS e demáis documentación de comezo de curso. 

O claustro quedou amplamente satisfeito coa consecución dos obxectivos deste curso. Para finalizar gustaríame resaltar o traballo feito polos ADIX xa que sempre estaban dispoñibles para nós, para resolvernos dúbidas e axudarnos en todo o posible. As suas visitas tamén nos axudaron moito coa coordinación do Plan Dixital.

Unha das maiores dificultades que nos atopamos é a falta de tempo dentro do horario escolar xa que a carga lectiva do profesorado é moi grande. Para poder levar a cabo máis activiades é necesario dispoñer de tempo para poder planificalas da maneira máis axeitada para sacar o máximo partido.

Previa aprobación polo Claustro e Consello este documento será publicado na Web do centro, no apartado Documentos