Plan do centro
Vixencia
Introdución
Contexto DAFO
Obxectivos
Seguimento
O procedemento de seguimento do desenvolvemento do plan e da consecución de obxectivos, abranguerán tanto unha avaliación procesual como final:
- Avaliación procesual: ao final de cada trimestre valorarase o seguimento e alcance dos obxectivos propostos. Ademais analizarase, segundo a temporalización establecida nas táboas axuntas, a consecución das accións establecidas para o seu logro final. Esta avaliación permitirá establecer posibles modificacións das accións e as propostas de mellora segundo o progreso das mesmas.
- Avaliación final: ao final de curso o logro dos obxectivos e as propostas de mellora para o establecemento de novos obxectivos ou a reconsideración daqueles que non fomos quen de alcanzar.
O primeiro obxectivo "Empregar dispositivos informáticos para o traballo académico na casa por parte do alumnado. (Relativo á área de mellora: E - PEDAGOXÍA: APOIO E RECURSOS)" está prácticamente realizado e alcanzado durante este trimestre. Realizouse tanto a enquisa como a valoración da información recollida e a recepción e reparto de medios informáticos.
Do segundo obxectivo "Empregar as NNTT para avaliar as habilidades dixitais do alumnado. (Relativo á área de mellora: F - PEDAGOXÍA: IMPLEMENTACIÓN NA AULA)" neste trimestre realizouse colexiadamente o itinerario formativo dos nenos e as ferramentas para traballar esta comepetencia establecidas por ciclos.
Respecto do primeiro obxectivo "Empregar dispositivos informáticos para o traballo académico na casa por parte do alumnado. (Relativo á área de mellora: E - PEDAGOXÍA: APOIO E RECURSOS)" tan só se realizaron pequenas accións puntuais debido á nova incorporación de alumnado, non tanto así a accións pendentes de seren realizadas.
Respecto ao segundo obxectivo "Empregar as NNTT para avaliar as habilidades dixitais do alumnado. (Relativo á área de mellora: F - PEDAGOXÍA: IMPLEMENTACIÓN NA AULA)" realizouse a avaliación inicial de todo o alumnado para coñecer o punto de partida e onde temos que incidir máis.
Respecto do 1º obxectivo non se realizaron ningunha acción posto que xa estaba alcanzado e rematado no 2º trimestre.
Respecto do 2º "Empregar as NNTT para avaliar as habilidades dixitais do alumnado. (Relativo á área de mellora: F - PEDAGOXÍA: IMPLEMENTACIÓN NA AULA)" realizouse a avaliación final da competencia dixital alcanzada polo alumnado e analizouse o seu impacto na aula. A mellora foi moi significativa en todos eles e o sistema de itinerario para que os contidos vaian enlazados deunos moi bo resultado. Ao ser un itinerario é preciso que se manteña no tempo para ver resultados consolidados.
Avaliación
A avaliación foi continua e formativa para permitir irnos axustando as necesidades dos diferentes grupos pero tamén do profesorado. Houbo un proceso de aprendizaxe inherente ao propio desenvolvemento do mesmo xa que é o primeiro curso que desenvolvemos este plan.
De xeito periódico, nas reunións semanais de todo o claustro comentáronse os avances e se era necesario axustar algunha data ou contido.
Tamén se empregaron enquisas (para as famlias e para o alumnado) e rexistros para recoller a analizar a información.
É un plan que require de moito traballo e dedicación para un centro tan pequeno coma o noso. Somos poucos mestres polo que todos temos que estar metidos en todos os programas e plans nos que está involucrado o centro para que poidan sair adiante. Pero a responsabilidade (e o traballo a realizar) é fundamentalmente asumido pola dirección do centro, tanto deste coma dos outros, feito que se fai insostible no tempo. Con todo foi moi gratificante ver os obxectivos cumplidos:
Neste momento a metade do alumnado de primaria dispón dun ordenador para o seu propio uso. O alumnado que marcha para o IES vai máis preparado e con máis ferramentas para afrontar os novos retos académicos, posto que tamén é un centro E-dixgal. Ademais este obxectivo unido ao itinerario sobre a competencia dixital permítenos establecer un plan de traballo a longo prazo.
O segundo obxectivo permitiunos establecer o punto de partida respecto á súa competencia dixital e a onde queremos chegar. É un obxectivo a longo prazo pero consideramos que os resultados serán máis consistentes e máis profundos organizando as súas habilidades deste xeito.
Coido que foi unha boa decisión establecer tan só 2 obxectivos. Isto permitiunos poder establecer accións axeitadas e realistas e poder chegar a alcanzar ambos ao longo do curso. Ademais aínda que se solaparon no tempo a temporalización de ambos foi lixeiramente diferentes podendo concentrar o noso traballo en cada un deles. Esta foi unha das fortalezas do noso plan e algo replicar nos obxectivos dos vindieros cursos.
Outra proposta de mellora é centrarse na área de mellora: F - PEDAGOXÍA: IMPLEMENTACIÓN NA AULA posto que é a que máis incide na mellora directa da competencia do alumnado, algo que no noso centro é moi necesario pois o manexo informático é moi pouco profundo sen coñecer os procementos avanzados dos sistemas e programas.
Comunicación e difusión
Este Plan publicarase na páxina web do centro. No caso de que algunha das familias do centro solicite unha copia do documento de forma física, estará a disposición das mesmas no centro educativo.
https://www.edu.xunta.gal/centros/ceippenacorneira/node/108