- No primeiro trimestre realizáronse as accións A01.1-5 relativas á organización e actualización da Aula Virtual do centro nos seus distintos niveis, polo que en xaneiro, considérase que acadou o 100% do indicador previsto e por conseguinte o primeiro obxectivo marcado do plan dixital do centro.
- As accións A02.1-4 relativas á creación de distintas redes sociais e canles coas que compartir contido audiovisual e novas no centro quedaron feitas. Agás con Instagram, neste mesmo trimestre realizouse a integración na web do centro das redes sociais e canles tal e como se tiña previsto como acción A02.5 do plan dixital.
- Hai constancia da actualización de contidos que se van facendo nas redes Facebook, Instagram e Ivoox do centro e nas accións do plan referidas ao obxectivo no.3, aínda que queda pendente para os vindeiros trimestres mellorar a actualización de contidos na canle de Youtube que ten o IES Lauro Olmo.
- Ao longo destes meses e dados os problemas que deu a tentativa nos inicios de curso, descartouse empregar a automatriculación como forma de matriculación/acceso aos cursos da Aula Virtual do Centro, polo que quedaron sen facer as accións previstas como A04.2, A04.3, A04.4 e por conseguinte tamén pola súa vinculación a acción A05.3. Fíxose unha alta masiva do profesorado e os cursos de todas as materias foron creados polo responsable da AV. Á vista do expresado, e tendo en conta que neste eido sería moi dificil acadar o grao de autonomía previsto nos obxectivos nos.4 e 5 do plan, en relación ao autorexistro e á propia creación de cursos directamente polo profesorado na AV, pensamos retomar a formación e unha certa práctica simulada ao longo dos trimestres 2o e 3o, coa fin de poder tentar e levar a cabo con éxito eses obxectivos desde comezos do curso seguinte sen os problemas que se detectan arestora.
- A formación prevista nas accións A04.1, A05.1 e A05.2 foi substituída por dous cursos-titoriais elaborados polo coordinador eDixgal xa nestes meses.
- A finais do primeiro trimestre quedaba creada a Sala de profes Virtual prevista na acción A04.5, aínda que cun aceso condicionado con chave polo que non hai emprego para o desenvolvemento de accións como as previstas como A05.2, A06.5, A07.2. Daquela tíñase intención de sacar ese contrasinal e deixar o espazo da sala virtual aberto a todo o profesorado coma unha ferramenta para o intercambio de información.
- Ao longo do primeiro trimestre levouse a cabo a depuración e alta masiva das contas do alumnado previstas como accións A06.1 e A06.2, pero todas accións relativas e vencelladas á automatriculación do alumnado quedaron substituídas por unha matriculación masiva do alumnado. Deste xeito, perderíase a posibilidade de acadar o grao de autonomía previsto nos obxectivos nos.6 e 7 do plan. Pensamos tentar a formación e práctica simulada da automatriculación nos trimestres 2o e 3o para poder levar con éxito esta posibilidade de aceso do alumnado aos cursos a partir do ano que vén.
- A finais do primeiro trimestre o centro vai tendo una verificación positiva na comprobación da configuración básica que se está facendo dos cursos creados na Aula Virtual e previstos en relación ao obxectivo no.9 do plan dixital.
- Están realizadas as accións previstas arredor do obxectivo no.10 vencelladas á detección das fendas dixitais no alumnado e xestión correspondente a partir dos seus resultados.
- Aínda que non se realizou ningunha enquisa, si que cada titor/titora se informou dos problemas que podía haber na súa aula e intentou dar
solucións basadas no traballo en horario escolar utilizando a os equipos da biblioteca ou das aulas de informática.
-A finais do primeiro trimestre, feita a recomendación prevista como acción A11.1 do plan, queda pendente para os vindeiros meses o desenvolvemento das actividades formativas previstas nas accións A11.2-4 do plan.
-Fixéronse as accións vencelladas ao obxectivo no.13 e mesmo a longo dos tres trimestres as referidas ao mantemento do equipamento informático do centro e xestión das incidencias que foron xurdindo.
