Para a elaboración do Plan Dixital teremos en conta a seguinte lexislación:

  Art. 111 bis, Art. 121 e Art. 132  da LO 2/2006, de 3 de maio, de Educación

 Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022

     Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022

Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.

Baíñas é unha localidade duns 400 habitantes, situada ó sur de Vimianzo, na comarca de Soneira. A zona está pouco poboada (nunca chegou a 60 habitantes por kilómetro cadrado). Hai un estancamento do crecemento demográfico por envellecemento da poboación e pola emigración.

As actividades económicas están relacionadas co sector primario: agricultura e gandería. Un número escaso de persoas traballa na minería (aínda que con serios problemas de reconversión) e na hidroelectricidade (Factoría de Ferroatlántica, coa mesma sorte que a minaría). No núcleo urbano destacan o sector servizos.

Coa elaboración do PD pretendemos acadar o seguinte obxectivo principal:

Que sexa un recurso máis para a mellora da competencia dixital da comunidade educativa incorporando medidas de transformación dixital encaminadas a avanzar progresivamente neste senso, tanto nos ámbitos de ensino-aprendizaxe coma nos de organización, información e comunicación.

Para acadar este obxectivo é imprescindible que estea relacionado con outros proxectos interdisciplinares que se realicen no Centro, en especial o PLAMBE e máis concretamente o de Bibliotecas Creativas, nos que levamos participando dende o curso 17/18. Por este motivo e necesario incluir este documento no Proxecto Educativo de Centro (PEC) e tamén que a nosa PXA inclúa certos datos que figuren neste documento. Ao ser un centro de menos de 5 unidades e por una cuestión organizativa a figura do Coordinador TIC e do Plan Dixital recaeron na mesma persoa, e as funcións e tarefas establecidas para o Equipo de Dinamización do Plan Dixital e do Equipo de Dinamización TIC, foron asumidas pola totalidade do claustro.

As tarefas asignadas para este equipo serán principalmente:

1-    Dinamizar e impulsar o uso das TIC do Centro.

2-    Organizar e xestionar os medios e recursos TIC do Centro.

3-    Colaborar no mantemento dos equipamentos informáticos e audiovisuais, contando co apoio do asesor TIC da zona.

4-   Dar soporte ao profesorado dobre o uso didáctico do equipamento informático do Centro.

5-    Dar información ao profesorado e alumnado información axeitada para usar ferramentas tecnolóxicas necesarias para o desenvolvemento da súa labor docente tanto de xeito presencial coma non presencial (aula virtual, webex ou similar…)

Comezamos o noso traballo no mes de outubro do curso pasado, e seguindo as instruccións do 3 de setembro de 2021, a dirección do Centro nomeou coma Coordinador do Equipo de Dinamización do Plan Dixital a D. Marcos Carballeira Alonso, e como membros do equipo ao resto de profesores e profesoras do Centro, formado en total por sete persoas ademáis do coordinador. Seguidamente todos os membros deste equipo involucráronse a realizar un PFPP para a elaboración do Plan Dixital

Para asesorarnos na nosa labor tivemos en todo momento a inestimable guía e axuda do equipo ADIX. Con eles tivemos varias sesións de formación dende a a súa aulavirtual e compilaron diversos materiais de axuda que nos faciliataron moito o traballo, a través do seu espazo na plataforma Agueiro.

O desenvolvemento da nosa labor estivo estructurado en tres fases:

1ª - A través da plataforma de autoavaliación SELFIE, e o profesorado o TCDD (Tes de Competencia dixital Docente), tivemos una perspectiva o máis realista posible da realidade dixital do Centro.

2ª- Unha vez realizada a primeira fase de avaliación, procedemos a analizar os resultados recollidos na primeira fase e realizamos un primeiro informe DAFO no que se reflexaba as debilidades, amenazas, fortalezas e oportunidades que ten o Centro, de xeito que poideramos concretar mellor os obxectivos que debíamos alcanzar no noso Plan Dixital.

3ª- Redacción das táboas que conteñen os obxectivos do plan de acción e a redacción do Plan Dixital.

O procedemento de seguimento do desenvolvemento do plan e da consecución dos
obxectivos será o seguinte:
No contexto da avaliación procesual a frecuencia da súa realización será
como mínimo unha vez ao trimestre. Os aspectos a valorar incluirán o estado
da execución das accións, a análise e valoración dos resultados e, de ser o
caso, as posibles modificacións das accións e as propostas de mellora.
No contexto da avaliación final a frecuencia da súa realización será como
mínimo unha vez ao ano. Os aspectos a considerar incluirán, entre outros, a
valoración do logro dos obxectivos e as propostas de mellora.
Como ferramentas de avaliación tamén se contemplará a realización de
enquisas, que normalmente se enviarán ao comezo ou ao remate do curso.

Unha valoración, en xeral positiva, pois tratamos de que as TICS, fosen ferramentas útiles de cara á lavor docente, e tamén no proceso de aprendizaxe do alumnado. Por esta razón, comprobamos que cada vez son máis necesarias, e neste senso, apreciamos positivamente a oportunidade das formacións que tivemos. 

O impacto do propio plan, a nivel aula foi importante, pero percibimos que ainda quedan aspectos imprescindibles tanto para o profesorado coma para o alumnado que convén seguir traballando debido a limitación do propio horario e ao sinalado no apartado de seguimento deste proceso de incorporación das TICs á nosa propia metodoloxía. Os indicadores de empoderamento e competencia dixital do alumnado foron moi traballados e acadouse un bo nivel, aínda que sempre ha de ser susceptible de mellorar.

Promoveuse o uso crítico  e responsable dos medios dixitais e implementáronse medidas para a mellora da accesibiidade e a inclusión utilizando os recursos dixitais para atender as diferenzas persoiais de aprendizaxe. Todo esto levou a realización de obradoiros e actividades co alumnado traballando TICs e STEAM, as cales, nestes dous últimos cursos chegaron o 100% do alumnado. 

Creáronse unha ducia de recursos dixitais en liña compartidos na aula virtual, ao tempo que se deseñaron rúbricas de avaliación que foron compartidas co profesorado, pero que quedaron pendentes de consensuar,
Para rematar este apartado, decir que en canto a implementación do plan dixital considérase acadado, pero sempre á expectativa de que xurdan novas necesidade e esixencias. 

Reiteramos o recollido no apartado anterior. e como propostas de mellora estarían:

Seguir completando, ampliando e reformulando os obxectivos e as accións a desenvolver, de cara ao curso 2023-24, e se cómpre, continuar con máis formación do profesorado para esta tarefa.

O presente documento será presentado en Claustro e Consello Escolar, e unha vez
aprobado, publicitarase na web do Centro e/o unha aula virtual para que a
comunidade educativa o poda consultar. Unha vez feito esto, informaremos ás
familias da existencia do mesmo a través de mensaxería por correo electrónico ou
no espazo Abalar.