1.1. Contextualización do Plan Dixital no centro. Contribución ao Proxecto
Educativo do Centro

• Característica socioeconómicas e culturais do contexto do centro:

O Centro Público Integrado Plurilingüe de Vedra, situado no Concello de Vedra, acolle
alumnado das tres etapas educativas (Infantil, Primaria e Secundaria) procedente do termo
municipal e tamén da parroquia de Lestedo, do concello de Boqueixón.
O ámbito de influencia do centro ten un carácter eminentemente rural e con baixa densidade
de poboación, aínda que nos últimos años a zona empeza a cobrar importancia como lugar de
residencia para persoas procedentes de Santiago que buscan o contacto coa natureza e o
rural..
A maioría do alumnado escolarízase no noso Centro desde a etapa de Educación Infantil ata a
E.S.O., agás aqueles que proceden de parroquias con centros educativos adscritos: CRA de
Boqueixón-Vedra e CEIP de Ortigueira, que se incorporan respectivamente en 1º de Primaria,
3º de Primaria e en 1º de E.S.O. e nos últimos anos tamén se incorpora alumnado das zonas
limítrofes dos Concellos de A Estrada e Teo, fundamentalmente na etapa de Secundaria.
Historicamente, Vedra foi un concello de tradición agrícola, especialmente os cultivos de
horta, froita e viña. Hoxe son tamén moi importantes as industrias de transformación de
produtos agrícolas e gandeiros: viticultura, hortalizas, … ao que se engaden a industria
madeireira e a minería. Pero é o sector servizos o que ocupa a maior parte da poboación
activa.
A nivel lingüístico, segue sendo maioritario o uso da lingua galega como lingua tanto nas
familias, segundo o estudo realizado no curso 2020-21, pois aproximadamente o 65% das
familias da comunidade educativa do CPI Plurilingüe de Vedra manifestan empregar como
lingua habitual de relación o galego. De todos modos esta porcentaxe reduciuse nos últimos
anos (77% no 2010), e de xeito significativo no nivel de uso por parte do alumnado no seu
entorno ou no centro (arredor do 50%) e sobre todo nas actividades de lecer (35%).

• Implicación do centro cara o mundo dixital:

A) Centro Abalar nos cursos de 5º, 6º EP e 1º e 2º ESO dende o ano 2010.
B) Centro Edixgal en 6º EP e 1º ESO dende o ano 2018, ampliándose no curso actual a 5º
EP e toda a etapa de ESO.
C) Introdución as tablets no eido educativo co proxecto Snappet no curso de 2º e 3º de EP.
D) Centro piloto do programa de Observ-acción onde se fixo un traballo colaborativo con
mestres e mestras doutras comunidades.
E) Participación en programas de innovación educativa como “Radio na biblio”.
F) Participación durantes dous cursos no Programa de Introdución á robótica en
educación primaria.
G) Participación no programa “Digicraft no teu cole” dende o curso pasado realizando
actividades relacionadas coa programación, intelixencia artificial, domótica, etc.

• O Plan Dixital dentro da Programación Xeral Anual.

O PD terase en conta para a elaboración da programación Xeral Anual do curso 22/23 e nas
programacións didácticas favorecendo as dinámicas de traballo individual e colaborativo no
alumnado, profesorado e familias. Do mesmo xeito, as necesidades do profesorado para o correcto
uso das TIC consideraranse primordiais dentro do PFPP do centro co fin de facilitar un bo uso dos
equipos informáticos e das aplicacións así como os riscos e vantaxes da tecnoloxía. Tamén
aportará a información básica para a correcta organización da docencia e as coordinacións de
centro no ámbito dixital, o mantemento xeral dos equipos informáticos e para a planificación dos
cursos que participen no Proxecto E-Dixgal.

1.2. Breve xustificación do mesmo
O Plan Dixital susténtase sobre os seguintes documentos lexislativos
¿ Art. 111 bis, Art. 121 e Art. 132 da LO 2/2006, de 3 de maio, de Educación modificada pola
LO 3/2020, do 29 de decembro.
¿ Disposición adicional quinta da Resolución do 17 de xuño de 2021, da Secretaría Xeral de
Educación e Formación Profesional, pola que se ditan instrucións para o desenvolvemento
das ensinanzas de EI, EP, ESO e bacharelato no curso académico 2021-2022
¿ Resolución do 3 de setembro de 2021, da Secretaría xeral de Educación e Formación
Profesional, pola que se ditan instrucións para o deseño, elaboración e implementación do
Plan Dixital nos centros docentes sostidos con fondos públicos da Comunidade Autónoma
de Galicia para o curso 2021-2022
¿ ORDE do 21 de abril de 2022 pola que se crea o programa de innovación educativa Polos
creativos e se establece o procedemento para a participación dos centros docentes
públicos dependentes desta consellería.
¿ Resolución do 2 de marzo de 2021, da Secretaría Xeral de Educación e Formación
Profesional, pola que se convoca a selección de centros para participar no proxecto
Educación dixital (E-Dixgal) durante o curso 2022/23.

O procedemento de seguimento do desenvolvemento do plan e da consecución de
obxectivos terá en conta dous tipos de avaliacións:
- No contexto da avaliación procesual, a valoración do plan será como mínimo unha
vez ao trimestre coincidindo coa avaliación da PXA nos meses de xaneiro, abril e
xuño. Realizarase a través dun cadro de nivel de consecución dos obxectivos. Os
aspectos a ter en conta incluirán: o estado da execución das accións, a análise e
valoración dos resultados e, de ser o caso, as posibles modificacións das accións e as
propostas de mellora.
- No contexto da avaliación final a frecuencia da súa realización será como mínimo
unha vez ao ano. Os aspectos a considerar incluirán, entre outros, a valoración do
logro dos obxectivos e as propostas de mellora.

A nivel xeral acadáronse os obxectivos establecidos de maneira satisfactoria. Consideramos que, como primeiro ano de implementación do P. Dixital tivo unha boa acollida por unha gran parte do profesorado que se mostrou colaborativo e participativo.

Os 2 obxectivos que non se chegaron a completar dependían de factores externos polo que dentro das nosas capacidades, realizamos as xestións oportunas co fin de axilizar os diversos procesos. Esperamos que para o vindeiro curso, estes obxectivos se alcancen de maneira satisfactoria. 

A atención por parte do responsable ADIX do centro foi excelente, sempre atento a resolver dúbidas e aclarar as ferramentas que se foron implementando. 

1. É necesario impulsar o O02PD. Os trámites foron bastante lentos a nivel de equipamento, modificación de espazos, formación... O obxectivo debe priorizarse de cara os vindeiros cursos introducíndoo dentro do PFPP de centro. 

2. O obxectivo O04PD tampouco puido ser realizado. Está en trámite. Os planos para a reubicación do RACK xa foron enviados e estamos esperando a resposta co fin de mellorar a saúde e calidade do posto de traballo das persoas do centro afectadas. 

3. Podería ser interesante que se ofreceran ferramentas predefinidas para a valoración na consecución dos obxectivos. Neste caso, empregouse AbalarBox pero o mellor outros centros non coñecen as súas funcionalidades. 

4. A carga de traballo para a persoa responsable do Plan Dixital e ao mesmo tempo de Polos Creativos é excesiva. Non é posible atender de maneira correcta a ámbalas partes.

En relación a difusión do PD informarase ao Consello Escolar e o Claustro co fin de facilitar
o seu coñecemento e consulta de dito documento. Por outra banda, será publicado na
páxina web e na app do centro para a consulta por parte das familias e resto da comunidade
educativa. Esta información será trasladada a través dunha mensaxe empregando o
EspazoAbalar.

Enlace: http://www.edu.xunta.gal/centros/cpidevedra/