O contexto dun centro en canto á competencia TIC é cambiante e confórmase en función das persoas da comunidade educativa (alumnado, profesorado, familias...) e das necesidades, debilidades e fortalezas que presentan en cada momento. Por iso é preciso facer unha análise a este respecto cada inicio do curso, para poder adaptar a planificación anual ás necesidades reais de cada ano escolar.
Con independencia desta variabilidade, a analizar periodicamente, sinálanse a continuación algunhas referencias xerais con respecto á identidade do centro relacionadas coa integración das TIC:
Traxectoria do centro en Programas TIC
Programa Abalar: O centro incorporouse a este programa no curso 2013/14, o que supuxo un importante impulso no desenvolvemento da competencia dixital no alumnado de 5º e 6º de primaria.
E-DIXGAL: No curso 2020/21 aprobouse o proxecto de Educación Dixital (E-Dixgal) coa conseguinte incorporación no ensino de libros dixitais e unha importante e necesaria actualización de equipos informáticos. Desde entón, o alumnado de 5º e 6º utiliza de forma ordinaria e diaria ultraportátiles para manexar contidos dixitais.
Competencia dixital e formación do profesorado
A pesar da existencia de diferentes niveis de competencia dixital entre o profesorado, existe en xeral unha boa disposición á integración das TIC na aula e tamén cara a auto-formación, sexa asistindo a cursos organizados por organismos oficiais (CFR/CAFI e outros) ou formacións informais ou extraoficiais no propio centro (compartindo ideas ou experiencias TIC, titoriais de uso de ferramentas dixitais ou apps...).
A maior parte parte do profesorado definitivo do centro realizou o curso organizado polo CFR de A Coruña Actualización de ferramentas tecnolóxicas para docentes, que facilitou a formación básica na utilización de Moodle, AbalarMóbil e videoconferencias.
Un gran número do profesorado do centro ten superada a formación Introdución ao EVA E-Dixgal.
Unha alta porcentaxe de mestras e mestres participou no PFPP Implementación do Plan Dixital.
Alumnado
Aínda que en xeral o alumnado do centro utiliza de modo habitual dispositivos dixitais na súa vida familiar e escolar (ordenadores e periféricos, pantalla dixital, tabletas, móbiles...), faise moi necesaria a intervención directa na aula con respecto á competencia en entornos tecnolóxicos e dixitais.
