1. Contextualización do Plan Dixital no centro. Contribución ao Proxecto Educativo do Centro
A Escola de Arte e Superior de Deseño “Pablo Picasso” de A Coruña é un Centro de Estudios sostido con fondos públicos adicada ao ensino das seguintes especialidades:
• Ensinanzas Artísticas Profesionais: Ciclo Superior de Ilustración | Ciclo Superior de Fotografía | Ciclo Superior de Escultura aplicada ao espectáculo | Ciclo Superior de Dourado, Prateado e Policromía Artística.
• Ensinanzas Artísticas Superiores: Deseño Gráfico | Deseño de Interiores.
• Oferta Modular: Taller Cerámico I e II | Taller de Madeira.
Todas as especialidades están definidas pola Lei Orgánica 1/1990, do 3 de outubro, de Ordenación Xeral do Sistema Educativo e pola Lei Orgánica 2/2006, do 3 de maio, de Educación.
• Reúne logo, a dobre condición de Escola de Artes Plásticas, herdeira dunha longa tradición no ensino das Artes Plásticas, as Artes Aplicadas, as Artesanías e os Oficios Artísticos, coa de Escola Superior de Deseño, con vocación de ensino no ámbito que é propio de Titulacións Oficiais incluidas no nivel 2 (Grado) do MECES (Marco Español de Cualificacións para a Educación Superior); sendo estas dúas condicións irrenunciables e mutuamente enriquecedoras.
• A realidade cultural do entorno socio-económico da Escola é quen lle outorga os rasgos máis salientables da mesma, que son:
a) A Escola promove unha formación profesional e artística en prol da igualdade entre homes e mulleres e entre individuos de diferentes etnias e culturas.
b) A Escola ten, e emprega como lingua oficial o galego, lingua propia da Comunidade Autónoma de Galicia e da súa Administración Educativa. A plena normalización lingüística é un obxectivo a acadar.
c) A Escola imparte formación nun ámbito de convivencia definido polo respecto ás opinións alleas, a tolerancia, a responsabilidade e o espírito de traballo, promovendo a participación e a formación da vontade colectiva de xeito democrático.
d) A Escola, como Centro sostido con fondos públicos, e de acordo coa autonomía de xestión económica permitida pola lexislación vixente, asigna os recursos de xeito transparente e de acordo cos criterios acordados na Comisión Económica e na Xunta de escola, tendo en conta tódolos eidos contemplados no seu orzamento. A Escola no desenvolvemento desa mesma autonomía financeira, non renuncia á obtención de recursos económicos complementarios derivados da súa actividade.
e) A formación impartida na Escola, finalista e non propedéutica, e a relación da mesma co mundo laboral e artístico obrigan a que a Escola non limite a súa relación co mundo laboral á xestión da “Formación práctica en empresas, estudos ou talleres ou a xestión da bolsa de traballo”, senón que se dá a diferentes niveles de colaboración mutua entre a Escola e as empresas, corporacións públicas e privadas, institucións, artistas, asociacións de corte social, etc...
f) A Escola é unha das institucións docentes públicas máis antigas do Concello de A Coruña.
2. Contextualización Normativa
- Art. 111 bis que fai referencia ás tecnoloxías da información e a comunicación, Art. 121 que indica que o proxecto educativo do centro ten que recoller a estratexia dixital do mesmo, e Art. 132 que outorga á dirección a tarefa de promover a innovación educativa da LO 2/2006, de 3 de maio, de Educación.
- Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021- 2022 que insta aos centros a elaborar no curso 2021-22 o plan dixital de centro.
- Plan de Recuperación e Resiliencia da Unión Europea e no marco do Plan de Acción de Educación Dixital (2021-2027), liña que segue a Consellería de Cultura, Educación e Universidade para concretar a transformación dixital dos centros educativos de Galicia como organizacións a fin de que sexan dixitalmente competentes nos procesos de ensinoa-prendizaxe, de xestión e de relación o que require de un proceso de mellora das competencias dos membros da comunidade educativa que se deberá recoller nun Plan Dixital do Centro como organización.
- O Regulamento polo que se establece o Mecanismo de Recuperación e Resiliencia do Consello Europeo do 11 de febreiro de 2021 establece como un dos seus principais eixes a transformación dixital na procura da excelencia, a universalidade e a equidade na educación.
- Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022. Esta resolución establece os principios, a temporalización, os instrumentos, a formación e a coordinación para a realización do Plan Dixital.
3. Proceso de elaboración
O Equipo de Dinamización do Plan Dixital está formado polo director, secretario, xefa de estudos e coordinador TIC. A comunicación da información necesaria para desenvolver o PD realizouse por dúas vías:
Consellería---Dirección do centro----Coordinador---Equipo de Dinamización e Asesor ADIX---Coordinador----Equipo de Dinamización
Para o intercambio de documentación e acceso á información entre os membros do Equipo de Dinamización creouse un espazo en Moodle onde se colgaron todos os documentos facilitados polo asesor, asi como os resultados do SELFIE e o CDD. A comunicación con asesor realizouse a través de Moodle, móbil e whatsapp.
A elaboración do DAFO realizouse coa ferramenta BOARD, previa reunión do Equipo de Dinamización para debater sobre os ítems a incorporar. O mesmo sucedeu co Plan de Acción, empregouse a plantilla facilitada polo asesor para a súa redacción final, previa reunión do Equipo de Dinamización para definir os obxectivos. Polo que respecta á redacción deste Plan Dixital é un proceso conxunto realizado en liña a través do espazo Abalar.