O IES Urbano Lugrís está situado nunha das entradas de A Coruña e rodeado polo Polígono Industrial de A Grela e a estación de Ferrocarril. Nos anos oitenta foi un barrio con moitos problemas de drogas e delincuencia e moi pobre tanto a nivel social como económico e cultural. Porén, na actualidade, vai avanzando moito en todos estes aspectos, debido fundamentalmente á construción de novas vivendas, rehabilitación das existentes e á atención que vai poñendo o concello no seu desenvolvemento (urbanización e servizos).
A maior parte da poboación desta zona da cidade é obreira e nos últimos tempos achegouse moito inmigrante, de feito é o barrio de máis poboación inmigrante da cidade (principalmente nacionalidades suramericanas). Nalgúns cursos da ESO esta porcentaxe chega ata o 30%. A súa incidencia na educación pos obrigatoria (aínda que crecente nos últimos anos) é menos significativa, dada a especificidade dalgúns ciclos que se ofertan, solicitados por alumnos do resto da cidade e incluso doutros lugares da Comunidade Autónoma. A resultas de todo isto, a integración na realidade académica e tecnolóxica do alumnado de ensinanza obrigatoria é bastante complicada tanto por parte dos rapaces/zas como das súas familias.
Os propósitos do PD están intrinsecamente relacionados con outras iniciativas do PE do centro, como o Contrato Programa Inclúe-T (especialmente no referente ás barreiras de procedencia comentadas anteriormente), a implantación do Edixgal (este ano en 1º e 2º da ESO e previsto para o próximo en 3º e 4º) ou o PFPP de Internacionalización do centro.
Pártese do PD do ano anterior, análizando e actualizando o estado das DAFOs detectadas inicialmente.
No anexos adxúntanse os resultados das enquisas SELFIE das tres etapas educativas así como do TestCDD.
A partir do Informe SELFIE, TCDD e a análise dos membros do EDPD, o centro xerou a análise DAFO que permite o coñecemento da realidade do centro no eido dixital e facilita a elaboración das liñas fundamentais do Plan Dixital en termos de obxectivos e accións a desenvolver.
A destacar:
O seguimento do desenvolvemento do plan realizarase periodicamente cada trimestre, nas xuntanzas do EDPD. Nestas reunións, valorarase a evolución e consecución dos puntos de acción propostos para acadar os distintos obxectivos fixados. A dita información (así como as posibles modificacións ou melloras que poidan xurdir) reflectiranse nestes apartados trimestrais.
O grado de consecución final dos obxectivos cualificarase anualmente ao rematar o período definido para o plan dixital. Alén de avaliar estes obxectivos e os seus niveis de logro acadados, recolleranse as propostas de mellora, que serán tidas en contar para o vindeiro plan.
A publicidade e divulgación do plan dixital faise a través dos órganos colexiados de goberno: claustros ordinarios e consello escolar, así como nas ferramentas oficiais de difusión dixital como son a páxina WEB do instituto (sección de documentos do centro) mais a AV (apartado de Dirección).
