Existe unha grande cantidade de normativa que fai referencia explícita a necesidade, non só dos centros senón tamén do profesorado e do seu alumnado, de traballar neste eido tecnolóxico. A necesidade formativa e de implementación dixital está patente por exemplo en:
Art. 111 bis, Art. 121 e Art. 132 da LO 2/2006, de 3 de maio, de Educación
Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022
O centro leva anos dando pasos no que a dixitalización se refire profundando no campo tecnolóxico xa desde a implantación do programa abalar hai máis de 10 anos, que por desgraza se foi deixando morrer por parte da Consellería de Educación ao non investir no seu mantemento e renovación e que hoxe en día, xa non serve, por non cumprir os requirimentos mínimos de conexión e uso. Aínda así conseguimos crear dúas aulas de informática con 30 e 20 postos respectivamente que tamén están ameazadas pola falta de renovación ao que nos somete a administración.
Implantamos varios plans de formación en ferramentas dixitais para o profesorado tanto a nivel externo como externo contando na actualidade cun 100% en formación básica en: aula virtual, ofimática, tratamento de arquivos e ferramentas de Google.
Este coñecemento tamén se transferiu ao alumnado, sobre todo a través do plan de continxencia, creado por mor da pandemia. Este plan dixital ten unha vinculación directa tanto co PEC como coa programación Xeral anual a través dos seus obxectivos, como por exemplo, vincular o alumnado coa sociedade actual ou fomentar o uso das novas tecnoloxías. Da mesma maneira o desenvolvemento e fomento da nosa oferta educativa está vinculada de forma específica co Plan Dixital con materias tales como: TIC, programación e robótica.
O proceso de elaboración parte da necesidade de dotar o centro das pautas básicas para afrontar a dixitalización e a implementación tecnolóxica a través dun plan organizado. Unha guía que nos sirva para sacar adiante os obxectivos propostos.
Sen dubida a obrigatoriedade por parte da administración de elaborar un plan dixital supuxo o empurrón definitivo para implementalo e plasmar no papel algunhas cousas que xa estabamos facendo e grazas ao equipo de titorización ADIX, o traballo ao noso equipo de dinamización resultoulle moito máis sinxelo planificando e temporalizando as reunións a través das diferentes tarefas encomendadas.
Para a recollida de datos empregáronse o test de Autoavaliación SELFIE, o Test de Competencia Dixital Docente (CDD) e as propias análises e sondaxes que tiñamos feitas sobre as necesidades do centro.
A información do resumo das áreas do informe SELFIE de cada etapa educativa pódese ver na seguinte táboa: en Anexos.
O procedemento de seguimento do desenvolvemento do plan e da consecución de obxectivos, será: - No contexto da avaliación procesual a frecuencia da súa realización será como mínimo unha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.
A persoa coordinadora do PD terá acceso á ferramenta Educalidade para poder rexistrar os avances e avaliacións deste plan baixo a supervisión da persoa directora.
Completáronse ao longo do primeiro trimestre as accións seguintes:
AO1.1: Revisar os equipos de aula (profesorado, biblioteca, recursos) e selección dos que se van actualizar
AO1.2: Actualizar equipos e aula (profesorado, biblioteca, recursos, ...)
AO2.1: Utilizar o documento de detección de necesidades.
AO2.2: Establecer datas para a entrega e recollida dos datos ao alumnado
AO3.1: Dar de alta de todo o profesorado nas dúas plataformas
AO3.2: Dar de alta todo o alumnado nas dúas plataformas
AO4.1: Ter dado de alta todo o alumnado nas dúas plataformas
Ao longo do 2º Trimestre se implementaron nas aulas as seguintes accións:
Ao longo do 3º Trimestre implementaronse nas aulas as seguintes accións:
Este documento, unha vez validado e aprobado polos órganos colexiados competentes, será publicado na páxina web do centro.
https://www.edu.xunta.gal/educalidade/BuscaPlanAction?codPlan=1&codConvocatoria=132&codCentro=15005233
