Breve xustificación do PD

O plan dixital que estamos deseñando necesitará de revisións periódicas para adaptalo da gradualmente aos desafíos pedagóxicos e tecnolóxicos que vaian xurdindo. Dende o primeiro momento concibimos o plan dixital do IESP Eusebio da Guarda como unha ferramenta para impulsar e divulgar o uso da tecnoloxía dixital nos estamentos de docencia e xestión, có fin de acadar os obxectivos nas distintas áreas de mellora.

O desafío é tan impoñente que tivemos que facer unha selección para escoller aqueles que afianzasen unha progresiva mellora para os vindeiros anos.

Contextualización normativa

A Lei orgánica  de educación 3/2020  do 29 de decembro, recolle no artigo único as modificacións dos artigos Art. 111 bis apartados 5 e 6 e Art. 121 punto 1.
A Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022 que di na disposición adicional quinta:

Os centros docentes elaborarán no curso 2021/22 o seu plan dixital de acordo coas instrucións que se diten

A Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021-2022, na disposición adicional.
Resolución de 4 de maio de 2022, de la Dirección General de Evaluación y Cooperación Territorial, por la que se publica el Acuerdo de la Conferencia Sectorial de Educación, sobre a actualización do marco de referencia da competencia dixital docente.
E por último concrétase o proceso de execución do Plan Dixital na Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.

Contextualización do Plan Dixital no centro. Contribución ao Proxecto Educativo do Centro

A finalidade primordial da educación debe estar orientada a lograr o desenvolvemento da personalidade do alumnado e a súa preparación para afrontar a vida futura. Por isto, é necesario potenciar o traballo no ámbito cognitivo, o respecto aos dereitos e liberdades básicas recoñecidas pola Constitución -tolerancia e liberdade en democracia- e a adquisición  de hábitos intelectuais e de técnicas de traballo que  os capaciten para o desempeño da súa futura actividade profesional. 
 
A educación debe ser a principal impulsora para lograr a mellor preparación para ese futuro laboral que lles agarda.  Reforzar os coñecementos da sociedade da información e a comunicación, apostando por unha actitude que oriente aos individuos a través dunha aprendizaxe significativa, e os transforme, de acordo co enfoque da UNESCO, en persoas capaces de empregar este bagaxe para xerar novo coñecemento, é o camiño a seguir. Neste contexto, as ferramentas TIC serán integradas no ámbito educativo. O docente sentirase comprometido có novo escenario a mudar a súa orientación pedagóxica, integrando as ferramentas TIC na súa docencia. Non poderemos ter éxito neste propósito si non se acada a mellora da competencia dixital do alumnado e a do docente.

A LOMLOE destaca que o uso xeneralizado das tecnoloxías da información e da comunicación acelerou cambios profundos na comprensión da realidade e na maneira de comprometerse e participar nela.  Este cambio de enfoque require dunha comprensión integral do impacto persoal e social da tecnoloxía,  que afecta de forma diferente a mulleres e a homes. Non podemos evadirnos dunha reflexión ética acerca da relación entre  as tecnoloxías, as persoas,  a economía e o ambiente. Segundo esta lei, sería de gran importancia, incorporar este cambio dixital para que afecte a como aprenden e se relacionan os discentes, incorporando  tamén,  contidos transversais específicos para superar a fenda dixital de xénero. 

Algúns dos Obxectivos Xerais do PEC nos que incide o Plan Dixital serán:

• Promover, como Comunidade Educativa, a mellora no nivel de formación dos docentes nos campos científico, disciplinar e didáctico.
• Deseñar e utilizar estratexias que faciliten a aprendizaxe do alumnado.
• Elaborar proxectos curriculares que faciliten a relación do alumnado coa realidade á que pertencen, na que teoría e  práctica estean relacionadas.
• Aplicar unha metodoloxía que fomente a participación do alumnado. Deseñar actividades interdisciplinares.

Dentro das necesidades detectadas e de acordo có Plan de Desenvolvemento Europeo do centro, mantemos o obxectivo de: mellorar a práctica docente creando contornas mais modernas, dinámicas, abertas a novas prácticas educativas,  e novas estratexias metodolóxicas en colaboración con outros centros educativos e institucións.
Finalmente, seguindo os obxectivos xerais da Estratexia Galega de Educación Dixital (Edudixital 2020), consideramos a importancia de afianzar a competencia dixital e a científico-tecnolóxica e romper a fenda de xénero aspirando a un incremento do número de alumnas en estudios STEM.

Nestes últimos cursos a nosa Comunidade Educativa ten unha traxectoria na que mostra un gran interese por actualizarse no ámbito das novas tecnoloxías, participando en distintos programas: programas de innovación, de éxito educativo e plan proxecta, entre outros.

Proceso de elaboración

Fixemos a diagnose do noso alumnado e profesorado, por medio do informe SELFIE e do test CDD. Posteriormente elaboramos e analizamos o DAFO e finalmente procedeuse a elaboración dun plan de actuación no que se estableceron os obxectivos específicos e os indicadores de logro.

Tal e como se indicou anteriormente o noso plan dixital necesita dunha avaliación para coñecer o seu grado de implantación e desenvolvemento de acordo cos obxectivos do plan de acción. A información, obtida deste xeito, serviranos para atallar os erros e realizar os cambios de rectificación e mellora do mesmo.

O procedemento de seguimento do desenvolvemento do plan e da consecución de obxectivos, indicando:
- No contexto da avaliación procesual a frecuencia da súa realización será como mínimo unha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.
- No contexto da avaliación final a frecuencia da súa realización será como mínimo unha vez ao ano. Os aspectos a considerar incluirán, entre outros, a valoración do logro dos obxectivos e as propostas de mellora.

Dado que non se puido cumprir a totalidade dos obxectivos, quizais por seren demasiado ambiciosos, a valoración non é de completa satisfacción. Pero si temos en conta o traballo realizado polo persoal afecto por este PD e o traballo do noso alumnado, entón a nosa valoración sí que superou as expectativas.

Seguir facendo fincapé co alumnado de 1º da ESO no curso 2024-2025 da improtancia de manter a súa identidade dixital o máis preservada posible, para elo sería desexable continuar coa formación neste eido.

Afondar na metodoloxía do traballo colaborativo, formando e implicando ao persoal interesado nesta metodoloxía. Sería oportuno contar con PFPP para acadar este obxectivo.

 A difusión farase dentro dos canles oficiais  para garantir no sentido máis amplo a privacidade dos menbros da nosa comunidade.
O principal medio difusor será o que ten un maior alcance, a páxina web do centro. Tamén se difundirá de maneira xenérica entre todos os integrantes da comunidade educativa a través da plataforma móbil Abalar e dos procedementos habituais de mensaxería. A maiores farase unha
difusión expresa ao claustro e ao consello escolar (os que deberán aprobar este Plan) e aos distintos órganos de coordinación de centro: Coordinadores de ESO e Bacharelato, CCP e Departamentos.

Non se descartan outras métodos de difusión combinados cos anteriores como difusión gráfica con trípticos e/ou paneis informativos no Centro.