1.1 Datos básicos do centro
Nome do centro: CPR Cid, sociedade cooperativa galega.
Dirección: Rolda de Nelle 143, 1º.
Correo electrónico: cpr.cid@edu.xunta.gal
Blog: http://colegio-cid.blogspot.com/
Etapas educativas:
Infantil e primaria
Número total de alumnado: 118
1.2 Contextualización do Plan Dixital no centro. Contribución ao Proxecto Educativo do Centro
O barrio onde se localiza o colexio é un barrio moi heteroxéneo tanto a nivel socioeconómico como cultural. Nos últimos anos o número de familias inmigrantes viuse incrementado, reflectíndose isto no alumnado do noso colexio.
Seguindo coa análise dos rasgos familiares e culturais do noso alumnado podemos dicir que:
Temos unha baixa porcentaxe de familias monoparentais. A maior parte do alumnado matriculado neste centro teñen nacionalidade española, pero dáse un amplo abano de nacionalidades como por exemplo: senegalesa, peruana, dominicana, arxentina, cubana, portuguesa, colombiana, italiana ou boliviana. O plan dixital do CPR Cid será un instrumento que completará e complementará o existente plan para a introdución e dinamización dal Tecnoloxías da información e comunicación xa existente no colexio. Este plan persigue fundamentalmente o desenvolvemento do tratamento da información e competencia dixital e a integración das TIC como ferramenta didáctica nos procesos de ensinanza- aprendizaxe.
Este plan está concibido como un documento vivo que contén os acordos acadados no grupo de traballo con respecto aos obxectivos xerais do plan, as estratexias de dinamización e xestión dos recursos e a inclusión das TIC nas diferentes concrecións curriculares. Suporá un compromiso por parte de toda a comunidade educativa, cada un na medida das súas posibilidades e o seu nivel actual de formación.
1.3. Breve xustificación do mesmo
A Lei Orgánica 2/2006, do 3 de maio, de Educación, regula diferentes aspectos relacionados coa competencia dixital e a innovación educativa, así no artigo 121 establece que o proxecto educativo do centro recollerá, entre outros aspectos, a estratexia dixital do centro, de acordo co establecido no artigo 111 bis, no que se establece que as Administracións educativas e os equipos directivos dos centros promoverán o uso das tecnoloxías da información e a comunicación (TIC) na aula como medio didáctico apropiado e valioso para levar a cabo as tarefas de ensino e aprendizaxe, utilizando os marcos de referencia da competencia dixital que orienten a formación inicial e permanente do profesorado e faciliten o desenvolvemento dunha cultura dixital nos centros e nas aulas. O artigo 132 da devandita Lei establece como competencias dos directores e directoras, entre outras, exercer a dirección pedagóxica, promover a innovación educativa e impulsar plans para a consecución dos fins do proxecto educativo do centro; e fomentar a cualificación e formación do equipo docente, así como a investigación, a experimentación e a innovación educativa no centro.
A disposición adicional quinta da Resolución do 17 de xuño de 2021, da Secretaría Xeral de Educación e Formación Profesional (DOG 30 de xuño), pola que se ditan instrucións para o desenvolvemento das ensinanzas de educación infantil, educación primaria, educación secundaria obrigatoria e bacharelato no curso académico 2021-2022, e na disposición adicional terceira da Resolución do 18 de xuño de 2021, da Secretaría Xeral de Educación e Formación Profesional pola que se ditan instrucións para o desenvolvemento dos ciclos formativos de formación profesional do sistema educativo no curso 2021- 2022 sinala que os centros docentes elaborarán no curso 2021-2022 o seu Plan Dixital de acordo coas instrucións que se diten.
A resolución do 3 de setembro de 2021, da Secretaría xeral de Educación e Formación profesional, na que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
Art. 111 bis, Art. 121 e Art. 132 da LO 2/2006, de 3 de maio, de Educación.
• Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021- 2022.
• Artigo 30.1 do DECRETO 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia. • Artigo 15 da ORDE do 30 de maio de 2023 pola que se desenvolve o Decreto 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia e se regula a avaliación nesa etapa educativa.
• Artigo 34.1 do DECRETO 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia. • Artigo 14 da ORDE do 26 de maio de 2023 pola que se desenvolve o Decreto 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia e se regula a avaliación nesa etapa educativa.
1.4. Proceso de elaboración
Tomamos como punto de partida a análise do plan dixital do curso pasado.
Trala análise e realización dalgunhas modificacións no contexto DAFO que permitiu a análise dunha nova situación e a definición de novas liñas fundamentais deste Plan Dixital en termos de obxectivos e actuacións.
O Informe Individual do test CDD permitiu ao centro educativo avanzar nas competencias profesionais docentes relacionadas co ámbito dixital, permitindo planificar unha formación persoal que atenda ao nivel de partida de cada docente. Así mesmo, o informe de centro permitiu planificar a liña de formación a través dos PFPP.
