O CPR Plurilingüe Calasancias está situado na Estrada dos Fortes, en A Coruña. Os barrios máis próximos a el son: Labañou, e S. Pedro de Visma (que xa existían cando se fundou o colexio) e Los Rosales, de creación máis recente. Estamos nunha zona que, a nivel educativo, presenta unha oferta variada: dous centros concertados-privados, dous centros públicos de infantil e primaria, dous centros públicos de secundaria e bacharelato, e un centro de formación profesional. Ademais, na mesma Estrada dos Fortes levántase un centro comercial, e nos barrios sinalados anteriormente cabe destacar a presenza da pequena empresa (comercio e servizos). Finalmente, é importante sinalar a proximidade da Escola Oficial de Idiomas, o Centro de Formación e Recursos, a Escola de Música, etc.

-Características do centro

• O CPR Plurilingüe Calasancias é un centro privado-concertado con ideario propio que dá resposta ó desexo de educación cristiá que manifestan moitas familias. En actitude de respecto, permanece aberto a todo o que desexe o tipo de  educación que nel se imparte. Fundamenta o seu labor educativo nun concepto cristián da persoa e do mundo.

• As alumnas e os alumnos son os principais protagonistas da acción educativa, a súa razón de ser e o seu estímulo. Participan activamente de acordo coas esixencias propias da súa idade na vida do centro. 

• Promóvense todas aquelas actividades escolares e extraescolares que favorecen a educación no tempo libre e espertan interese e afeccións segundo as diversas idades do alumnado. Favorécese, tamén, a posibilidade de expresarse de forma plurilingüe de acordo á realidade da Comunidade Autónoma de Galicia.

• Os docentes son os principais educadores dos alumnos no colexio. Colaboran e interveñen activamente no centro a través dos órganos que se establecen no Regulamento de Réxime Interno. O persoal de Administración e Servizos constitúe unha parte importante da Comunidade Educativa e presta unha valiosa colaboración a toda ela.

• O colexio cumpre os requisitos para a implantación da E. Infantil, E. Primaria e E. Secundaria Obrigatoria. Ademais, impártese a etapa post-obrigatoria de Bacharelato, ofertándose dúas das tres modalidades: Humanidades e Ciencias Sociais, e Ciencias. É un centro integrado no que se imparte o ensino en todos estes niveis educativos. 

• Desde setembro de 2012 pasa a formar parte da rede galega de centros plurilingües, denominándose CPR Plurilingüe Calasancias.

• As Tics como ferramenta e medio pedagóxico forman parte do centro dende hai xa moitos anos, a infraestrutura necesaria e a súa utilización na docencia están perfectamente despregadas en todas as etapas educativas que se imparten no centro, e atópanse en constante renovación e mellora. O plan Dixital mencionase no Proxecto Educativo como vinculo transversal e ferramenta complementaria que axuda na aplicación de outros plan como o Lector o de Convivencia e as medidas de atención adiversidade. Do mesmo modo a formación en novas tecnoloxías pedagóxicas e as tics forman parte do programa de formación do profesorado do centro.
• Cos obxectivos obtidos na preparación de este Plan Dixital pretendese contribuír a construción da Programación Xeral Anual do curso 23/24.

 Breve xustificación do Plan
• Art. 111 bis, Art. 121 e Art. 132  da LO 2/2006, de 3 de maio, de Educación
• Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
• Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022
• Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.

O seguimento do Plan Dixital de Centro estará supervisado polo Grupo de traballo creado para a súa redacción e o Coord. De Calidade do Centro, que recolleran a información dos diferentes grupos formados para a consecución de obxectivos concretos o longo do curso académico 2023_24.
O procedemento de seguimento do desenvolvemento do plan e da consecución de obxectivos, planificase:

- Unha avaliación do proceso de consecución de obxectivos  como mínimo unha vez ao trimestre. Entre os aspectos a valorar incluirán o estado da execución das accións, a análise e valoración dos resultados e, de ser o caso, as posibles  modificacións das accións e as propostas de mellora.
- Unha  avaliación final ao finalizar o curso académico 2023_24. Os aspectos a considerar incluirán, a valoración do logro dos obxectivos e os cambios introducidos durante a súa articulación ao longo do curso académico 2023_24; así como as  propostas de mellora para o seguinte ano académico.

A difusión deste Plan Dixital farase a partires do ano académico 2023_24, integrando dito plan no Plan Xeral Anual de Centro, ao igual que os outros plans; dando publicidade ao mesmo dentro da Comunidade Educativa, así como a súa presentación ao Consello Escolar para a súa aprobación, ou no seu caso propostas de modificación.