Drupal 9: Administración e edición

Nesta páxina vaise describir paso a paso a construción dun menú principal desplegable que dea acceso a todas as taxonomías da web, a contidos ou páxinas concretas da web, e tamén a recursos externos. O resultado será algo como o da imaxe seguinte.

Módulos necesarios.

Acceder a Administración, Estender para activar ou comprobar que estean activos os seguintes módulos:

• Superfish
• Taxonomy Menu

Vanse describir 6 pasos distintos:

• Paso 1. Crear o novo menú "Menú principal".
• Paso 2. Crear unha ligazón INICIO
• Paso 3. Activar o bloque do menú na plantilla por defecto da web.
• Paso 4. Engadir ligazóns para unha taxonomía.
• Paso 5. Engadir opción con ligazóns externas.
• Paso 6. Inserir unha ligazón entre os termos de taxonomía.

---

Paso 1. Crear o novo menú "Menú principal"

• Acceder a Administración, Estrutura, Menús.

• Premer no botón + Engadir menú.
• Introducir o nome do novo menú (Menú principal) e gardar.

---

Paso 2. Crear unha ligazón INICIO

• Este paso non é necesario xa que Drupal xa incorpora unha ligazón "Inicio" no menu ""Navegación principal" e tamén podemos acceder á portada da web premendo no seu logotipo.
• Unha vez gardado o novo menú lévanos á páxina donde ver as súas ligazón, que polo momento non ten ningunha.
• Tamén se pode acceder a esta mesma páxina desde Administración, Estrutura, Menús e premendo no botón Editar menú do menú "Menú principal".
• Desde esa páxina imos engadir unha lizazón "INICIO" que leve á portada da web.
• Premer no botón + Engadir enlace

• Introducir o título da ligazón (podemos usar maiúsculas ou minúsculas ao noso gusto): INICIO
• Introducir o destino da ligazón, que para que leve á portada da web debe ser <front>
• Do resto de datos do formulario non hai que cambiar nada.
• Gardar.

• Ao gardar lévanos á páxina das ligazón do menú, na que vemos a nova ligazón.

• As ligazóns que vaiamos creando no primeiro nivel deste menú, aparecerán logo dispostas horizontalmente nunha barra de menú.
• As ligazóns que teñan fillas desplegaranse ao pasar o rato por enriba.
• Pódense reordenar estas ligazóns arrantrándoas pola cruz. Logo hai que darlle ao botón Gardar.

---

Paso 3. Activar o bloque do menú na plantilla por defecto da web.

• Sempre que se crea un menú, o núcleo de Drupal crea automaticamente un bloque do menú para poder colocalo nalgunha rexión das plantillas.
• Ao ter activado o módulo Superfish, este crea un segundo bloque do menú que vai ser o que coloquemos na plantilla.
• Neste caso imos facelo sobre a plantilla Olivero que é a que se establece por defecto nas novas instalacións de Drupal 9.
• Acceder a Administración, Estrutura, Block layout: Olivero.

• Nesta páxina vense as distintas rexións da plantilla cos bloques que hai en cada unha delas.
• Baixar nesta páxina ata atopar a rexión Hero (full width)
• Premer no botón Place block desa rexión para engadir o bloque Superfish do menu "Menú principal".

• Ábrese un panel emerxente con todos os bloques dispoñibles e un campo para buscalos polo seu nome (esta búsqueda é sensible aos acentos)

• Buscando pola palabra "menú" xa aparecen os dous bloques do menú "Menú principal".
• Neste caso hai que engadir é o bloque creado polo módulo Supefish.
• Premer no botón Place block do bloque "Menú principal" - Superfish.

• Isto leva a outro panel emerxente para a configuración do bloque.
• Hai que desmarcar a opción "Display title".

• Opcionalmente pódese escoller un estilo de cor para o bloque.
• Deixar o resto de parámetros por defecto.
• Gardar o bloque.

• Agora na web xa aparece o novo menú, polo momento unicamente coa ligazón INICIO.

---

Paso 4. Engadir ligazóns para unha taxonomía.

• Neste apartado vaise ver como engadir ao Menú principal os enlaces para acceder a tódolos termos dunha taxonomía.
• O primeiro é crear no menú unha ligazón para o vocabulario da taxonomía da que logo colgarán as ligazóns a cada un dos seus termos e subtermos.
• Vaise facer para a taxonomía O Centro que xa foi creada previamente.
• Acceder a Administración, Estrutura, Menús e localizar o menú "Menú principal"
• Engadir unha ligazón ao menú por medio do menú de accións do mesmo.

• Como título da ligazón poñer o nome do vocabulario da taxonomía (O CENTRO). Maíusculas e minúsculas ao gusto.
• Como destino da ligazón poñer <nolink> xa que esta ligazón non vai levar a ningures senón que simplemente vai servir para desplegar as ligazóns  aos termos da taxonomía.
• Deixar o resto de parámetros por defecto.
• Gardar.

• Ao gardar lévanos á páxina das ligazón do menú, na que vemos a nova ligazón.
• Pódense reordenar estas ligazóns arrantrándoas pola cruz. Logo hai que darlle ao botón Gardar.

• Visitando a portada da web pódese comprobar que no menú principal xa aparece o elemento novo aínda que nin leva a ningures nin é desplegable.

• O seguinte paso é crear as ligazóns aos termos da taxonomía colgando do elemento creado para o vocabulario. Pero isto faise mediante o módulo Taxonomy Menu que se activou ao principio, coa configuración que se describe a continuación.
• Acceder a Administración, Estrutura, Menú de taxonomía.
• Premer no botón + Add Taxonomy menu.
• No formulario introducir os seguintes datos:
  • Etiqueta. Que describa que menú e que vocabulario se está a relacionar. Neste caso "Menú principal - O Centro"
  • Vocabulario. Escoller o vocabulario, neste caso "O Centro".
  • Menú. Escoller o menú "Menú principal" que é no que queremos crear as ligazóns.
  • Profundidade. Indica ata que nivel se van coller termos do vocabulario. Se hai subtermos e queremos que aparezan no menú hai que escoller un valor > 1.
  • Parent menú link. Escoller a ligazón do "Menú principal" da que queremos colgar as ligazóns aos termos da taxonomía. Neste caso escollemos <Menú principal> / -- O CENTRO
  • Gardar.

• Visitando a portada da web pódese comprobar que no menú principal, xa colgan de O CENTRO as ligazóns correspondentes aos termos da taxonomía.

• Repetindo os pasos deste apartado 4 para cada taxonomía da web acadaremos un menú que dea acceso a todos os termos.

---

Paso 5. Engadir opción con ligazóns externas.

• Neste paso vaise ver como engagir ao menú principal unha opción desplegable con ligazóns a sitios externos de interese.
• Isto é algo opciónal e que cada centro pode facer ao seu gusto.
• Neste exemplo vanse engadir ligazóns aos seguintes sitios:
  • Portal educativo: https://www.edu.xunta.gal/portal/
  • Correo Edu: https://correoweb.edu.xunta.gal/
  • XADE: http://www.edu.xunta.gal/xade
  • Dicionario RAG: https://academia.gal/dicionario
• Neste caso non se vai mostrar todas as pantallas polas que se pasa xa que son repetidas de pasos anteriores.
• Acceder a Estrutura, Menús e para o menú "Menú principal" engadir unha ligazón.

• Poñer por exemplo LIGAZÓNS como título, e <nolink> como destino xa que o que queremos é que sexa un menú desplegable.
• Gardar.
• Logo de tardar volve á páxina donde vemos todas as ligazóns do menú "Menú principal".
• Pódese ver que no primeiro nivel están ordenadas alfabéticamente.

• Pódese levar LIGAZÓNS para o final premendo co rato sobre a cruz e desplanzandoo ata o final.

• Gardar.
• A continuación hai que engadir cada unha das ligazóns a sitios externos que queremos colgar de "LIGAZÓNS". Para cada unha delas seguimos os seguintes pasos.
• Para o menú "Menú princial" dar ao botón + Engadir enlace.
• Introducir os datos da ligazón.
  • O título. P.e. Portal educativo
  • A URL do destino. P.e. https://www.edu.xunta.gal/portal/
  • De donde colga: <Menú principal> / --LIGAZÓNS

• Gardar.
• Visitando a portada da web pódese comprobar que de LIGAZÓNS xa colga a nova ligazón.
• Repetir o proceso para cada ligazón que se queira crear.

---

Paso 6. Inserir unha ligazón entre os termos de taxonomía.

• É moi habitual que entre o menú dunha taxonomía, ademáis das ligazóns aos termos haxa ligazóns a cóntidos ou páxinas concretas.
• Vaise facer a continuación como exemplo un contido cos datos de contacto do centro enlazado desde O CENTRO no Menú Principal.
• En primeiro lugar hai que crear o contido, que para este este exemplo o recomendado sería que fose de tipo Páxina básica.
• Unha vez gardado o contido ver na barra de enderezos do navegador a súa URL: https://centros.edu.xunta.gal/XXXXX/gl/node/10
• Quedamos só coa parte final /node/10
• Acceder a Estrutura, Menús e para o menú "Menú principal" engadir unha ligazón.
• Introducir o título, o destino (/node/10) e de donde colga a ligazón (<Menú principal> / -- O CENTRO)

• Gardar.
• E xa debe aparecer a nova ligazón en Menú principal / O CENTRO.