Xestión de grupos

Moodle ofrece un certo soporte para a xestión de pequenos grupos de traballo, entendendo por grupo a clases de alumnos e alumnas que seguen un curso común co mesmo ou con distinto profesor/a. A creación de grupos pode ser bastante útil sempre que a súa composición non cambie con excesiva frecuencia.

Para definir grupos hai que utilizar o enlace Grupos do bloque de Administración. Isto dános acceso á interface de administración de grupos. Se aínda non definimos ningún grupo, haberá que facer clic sobre o botón Crear grupo para acceder ao formulario de creación do grupo:

crear grupos

Para engadir usuarios a un grupo hai que seleccionalo e, a continuación, facer clic sobre o botón Agregar usuarios ao grupo. Abrirase unha páxina con dúas columnas. A da dereita listará os participantes que non pertencen a ningún grupo (os profesores e profesoras aparecerán marcados cunha almofadiña "#" diante do nome). A columna da esquerda mostrará os membros que xa pertencen ao grupo. Para asignar persoas ao grupo basta con seleccionalas na columna da dereita e pasalas á da esquerda pulsando no botón agregar rol.

asignar grupos


Con todo, compre ter en conta que existen dous modos de funcionamento unha vez definidos os grupos:

  • Modo de grupos separados: os grupos traballarán independentemente, é dicir, os estudantes dun grupo só poden ver ao seu propio grupo, sendo os demais grupos invisibles para eles.
  • Modo de grupos visibles: neste caso, cada estudante traballará dentro do seu grupo, pero poderá ver o traballo doutros grupos. Este acceso é de só lectura, por exemplo, os estudantes dun grupo poderán ler as mensaxes dun foro doutro grupo, pero só poderán contestar ás mensaxes de membros do seu propio grupo.

Última modificación: Mércores, 23 de Decembro de 2015, 11:06