Crear preguntas numéricas
As preguntas numéricas son un tipo de preguntas de resposta curta para fórmulas. Pódense crear preguntas en base a unha ecuación para que os alumnos contesten cun valor numérico. O profesor tamén poderá establecer un intervalo de erro para a resposta.
Para crear unha pregunta numérica hai que segue-los seguintes pasos:
1. Escoller [Pregunta numérica] do menú [Crear una nova pregunta].
2. Dar un nome descritivo á pregunta.
3. Escribir a ecuación ou a pregunta numérica a resolver. Se é preciso, incorporar unha imaxe. Moodle dispón do filtro Tex para incorporar fórmulas complexas ó texto; este filtro traballa cunha sintaxe algo incómoda para os non familiarizados con ela polo que unha imaxe pode ser mellor opción se non pertencemos a ese grupo de persoas.
4. Introducir a resposta correcta.
5. Introducir o erro aceptado, un rango por encima ou por debaixo da resposta correcta. Para unha resposta de valor 7 no que 6 e 8 se aceptan, o erro aceptado sería de 1.
6. Opcionalmente pódese incluir a unidade de medida do resultado, podéndose aceptar como válidas respostas en unidades múltiplo/divisor da dada (por exemplo: 0,001t = 1kg = 1000g).
7. Engadir os reforzos oportunos á resposta.
8. Gardar cambios e engadir a pregunta á categoría para a que foi creada.