Video de entrevistas literarias realizado polo alumnado do IES Ribeira do Louro na súa biblioteca na materia de Proxecto Interdisciplinar en 1ºESO. Curso 2014-2105.

O álbum ilustrado Bandada, de David Daniel Álvarez Hernández e María Julia Díaz Garrido, publicado por Kalandraka é o noso rexistro 15000!!!

En palabras de Trafegando Ronseis   " Un álbum que se converte en imprescindible nos andeis das nosas bibliotecas, unha alegoría sobre a historia da humanidade, a que non ten máis fin ca a dominación e a violencia pola deturpación do seu propio destino e a dexeneración da sociedade. E aínda que pasado, presente e futuro se conxuguen nun xogo carente de poesía e cheo de ambición desmedida, resta e permanece un punto de esperanza, porque a contradición tamén é esencial no noso ser. E todo isto, baixo unhas ilustracións absolutamente simbólicas en branco e negro que reproducen paxaros humanizados con todo detalle e que non cansamos de mirar.

Pura poesía transformada nun álbum ao que lle imos tirar moito proveito nas aulas."

O 15 de maio visitamos Ourense co noso Club de lectura, integrado por 66 alumnos e alumnas e 5 profes. Esta saída pon o remate a un ano de lecturas compartidas.

Percolleremos o roteiro d'A esmorga, descubriremos Allariz e coñeceremos o pazo de Trasalba.

FELICES LECTURAS!

A mellor maneira de dotar de bolsas para libros é decoralas nós. O alumnado da ESO pintou estas bolsas tan chulas!