Convídovos a ver este vídeo sobre Memorias dun neno labrego elaborado como actividade de clase de Lingua galega e literatura por Ismael Gargamala e Tania Custodio (4º ESOB).
Trátase dun moi bo traballo, realizado con creatividade, esforzo e dedicación.
Moitas grazas, rapaces.
Chus
Toda a información relativa ao proceso de admisión de alumnado pode consultarse na sección de Secretaría, subsección de Documentos, desta páxina web ou ben no taboleiro de anuncios do centro.
Até o 21 de abril o alumnado de ESO e BAC pode solicitar unha actividade de formación en linguas estranxeiras. Os requisitos mínimos son:
-Ter aprobado todo o curso anterior.
-Nota mínima de 6 na lingua estranxeira para a que se solicita a actividade.
Nesta ligazón podedes acceder a toda a información e formalizar a vosa solicitude.
Até o 15 de abril o alumnado de 1º ESO que teña unha media de notable en 6º de primaria e un notable en inglés de 6º pode acceder a unha bolsa para participar nun Programa de Inmersión Lingüística do Ministerio de Educación.
Información sobre a contía das bolsas e requisitos nesta ligazón.
Aquí está a retransmisión da final do Clube de Debate do pasado sábado 23 de febreiro no Café Moderno de Pontevedra. A esta final chegamos despois de quedar os primeiros na clasificación eleminatoria do pasado 2 de febreiro. Na final enfrontámonos ante o IES do Sánchez Cantón. Despois de 36 minutos de intenso e igualado debate, o xurado determinou gañador ao IES do Sánchez Cantón por 198'5 puntos fronte a 196 obtidos polos nosos participantes.
Estas imaxes son unha homenaxe a un alumnado que soubo defender con moita dignidade e calidade unha opción nada doada de defender demostrando unha elevada categoría á hora de enfrontarse a un auditorio e a un reto intelectual de bastante dificultade. Parabéns ao equipo gañador porque souberon defenderse ben dos ataques dialécticos propostos polos nosos alumnos.
Xunta de Galicia - Consellería de Educación, 2013 | ||
