Este
módulo profesional contén a formación necesaria para desempeñar a
función de instalación e explotación de aplicacións informáticas.
A instalación e explotación de aplicacións abrangue aspectos como:
- Procura de software de aplicación acaído para o contorno de explotación.
- Instalación e configuración de aplicacións ofimáticas.
- Elaboración de documentos e patróns.
- Resolución de problemas na explotación das aplicacións.
- Asistencia ao usuario.
A
actividade profesional do alumnado desenvolverase en empresas ou
entidades públicas ou privadas, tanto por conta propia como allea, de
calquera tamaño e sector produtivo, que dispoñan de redes de transmisión
de voz e datos para o seu funcionamento; tamén poderase desenvolver
esta actividade en empresas adicadas á comercialización, a montaxe e a
reparación de equipos e servizos microinformáticos; e empresas que
prestan servizos de asistencia técnica microinformática, ademais de nas
distintas Administracións Públicas, como parte do soporte da
organización.